Udaraŋa u 9

1 Ma goŋ ŋe, "Gaŋgaŋ nā buki ŋi, a zen adaŋara ǝhǝŋi rǝnu ano ageme se ŋa ra tore ā rigiya se u wǝnǝ damā dupa o hoŋe bata ŋa nī tegomo tǝ Ədǝshǝri ti rai nan agata." 2 Ti muru tase tibinja, Yeso ita Peter nan Jemese ā gura Jone ŋa nya peou āza owo, nŋe ten teŋe. Enze ma waŋaro ǝŋǝ ǝji. 3 Tommo a teme ti waŋaro ti cikǝ pǝu, ā kasa ŋare-ŋare, ti kira Ku yammo i pǝou ā masano. 4 Enze Elijah nan Moses yonko āŋe, konzen nŋe ā bǝnu nan Yeso. 5 Peter ma gare ma gon Yeso, "Rabbi, enze kima se woro rā rigiya, baka nane, ǝpiyǝ ti gura ti taro, o vento ohoi, o vento u Moses, konzen o vento u Elijah." 6 ( ma tā da ǝru imu buku ni, baka se ŋana kerkene.) 7 Owero rai enze u pate ŋe. Enze remelo ri suri ǝnyimi o wero me, "Ono u ja ze Vana ogome se in barse. Kuna me." 8 Ā regemme, ŋa waŋaro, ŋa ta ni owe nan ŋe ne, se Yeso tenteme. 9 Se nŋe ā tunu ɔwɔ, ma buku ā ŋe tago ŋa buki owe ne eme game se ŋana nī ni, se uca ogeme se Vana Ono nā yira ənyimi ano ageme se ŋana wiju. 10 Enze ŋa cikǝ wete nan no, konzen nŋe ǝ bǝnu ǝnyimi ahaŋe, iyaze "u yira ənyimi ano ageme se ŋa nā wiju" a gosanno. 11 Ŋa saŋare me, "Baka iya ze ano obezezze go se Elijah nā gura ura yǝiy?" 12 Ma goŋ ŋe, "Elijah mā bura u ra dā ma mammare tegogoro zale. Enze baka iya ze ā darse ago Vana Ono Se manā shǝ kpai ā tegogoro cebete konzen a wuzan me uga ono ogeme se ǝtǝ ru mi ni? 13 Bata nā buki ŋi Se Elijah wa rai, ŋa wuzan me zale eme geme se nā barse u wuza me, uga nane se nlen mame mā buki aza hame." 14 Uca ogeme se ŋa ra atuma me, ŋa nari riyǝgə ra ano cebete ame enze ano obezezze warā meshe magita nan ŋe. 15 Ā regemme se ŋa ni Yeso, ri yǝgǝ reme zale rā kuna iwi baka nane se ŋa yeren toson ā waŋa ame ŋa gomme kō. 16 Ma saŋare atuma ahame, "Iya ze ŋi rā meshe magita nan ŋe aza me?" 17 Owe ənyimi riyǝgǝ rimi ma tare me, "Ono obezezze, nā ra ye nan Vana ohoŋ. Maze nan uvunu ogeme se u wuna me mə tə bənu ni. 18 I gwarse me evonkene konzen i vari mi ā nyaŋa, nze ǝnu wuna u funu, mā gursa tini a teme, enze ma ŋuna gbau. Nā saŋara atuma ahai ā ŋa kore ŋe ā me, enze ŋa dan date ne." 19 Enze ma tare, "rimiza ru dira u yiya birwa, ā wame nan ciyu zi nin cikǝ nan ŋi? Ā wame nan ciyu zi nin mutana nan ŋi? Ra nan me i mi." 20 Ŋa ra nan Vana me ā me. Se uvunu mi nari Yeso, ōme uwǝ bishi mi, ā nyaŋa, ǝnə mē u funu. Vana me gare a nyaŋa enze ǝnu se u funu. 21 Yeso saŋare Aco me, nan ciyu zi imamme wa mē u wuza ome nga? Aco me go, " uca ogome se mā da Vana u bate. 22 Ōme ǝvǝri ohome ūra nē ənyimi mǝnyi konzen ō me ā nara owō ome. Ngase nŋo nin date o woze iyabo, kuna ijaiye ehedo konzen u male do." 23 Yeso gomme, "'Ngase in date'? Zale tegogoro a woze ōno ogeme se ma gare." 24 Ā regemme Aco Vana me sǝkǝnǝ enze ma go, "Nā gara! Male ono u dira u yiya birwa!" 25 Se Yeso wa nari ano cebete ā ra wame, enze mǝ sǝkǝnǝ ū vunu u dira sansan enze mago, "Nŋo u lakere nan uvunu u ri turi, Na buku ā ŋo, suru āme, tago u kuri o pete āme konzen ne." 26 Ome sǝkǝnǝ, enze o tere Vana me nan agata enze u kuri. Vana me ǝ nǝrǝ ara uga ono ogeme se mǝ tǝnǝ wǝnǝ, nane ze ano cebete ŋa go, "Mǝnǝ wǝnǝ." 27 Enze Yeso mē me nan u ware konzen ma yiza me, enze Vana me tore. 28 Uca ogeme se Yeso wa pete ǝnyimi ǝtitǝu mi, atuma ahame saŋare me a rekero, "baka iya ze i dan date i zuzi ni?" 29 Magoŋ ŋe, "I sani giya i ta suru falau ne se nan be remmo." 30 Ŋa suri a regemme enze ŋa wake ǝnyimi Galilee. Mā tā barsa owe rū aregeme se mǝ rǝnu ni, 31 Ma geme ā obezezze atuma ahame. Ma goŋ ŋe, "Arā nyaka Vana Ono ǝnyimi tare ta ano, konzen ŋa ra wuno me. Ngase a wo me, a maro ti tiyǝ ti taro ma ra yira konzen." 32 Konzen ŋa tā ru emegeme se ma nā buku ā ŋe ne, enze ŋa kuna iwi i wu saŋaro me. 33 Nze ŋa ra a kapanaum. Se ŋa pete ā titəu ma saŋare ŋe, "Iyaze ŋi na rā biyǝ mi u runa?" 34 Nze ŋa go wete. Baka se ŋa rā gatu meshe magita ǝ̄ puŋa haŋe ū runa aza əvizi kira. 35 Ma tisa an ka rikuri regemme reme ŋa cikǝ ā nyaŋa zale enze ma goŋ ŋe, "Ngase owe u huŋi rā barsa u cikǝ ono u dinka, se ma nā cikǝ ono amaro zale, konzen orere u zale." 36 Nze ma zaki vana ma yiya me ā zatano. Ma zaki mi ā tare konzen enze ma goŋ ŋe, 37 "ono ogeme se ma ka vana uga u giya ā riji aron, Manā kawon ze, konzen ngase owe kawon, ma dan kawon base ne, mana ka zale nan Ono ogeme se ma tuman ze." 38 Jone gomme, "Ono obezezze, woro nǝ nǝrǝ owe ā zuzu u vunu ōbo nan riji a re enze i tuna me, baka se ma dan tarse do ne." 39 Nze Yeso go, "tago i tuna ŋe ne, owe dǝmǝnu ono ogeme se ma wuza ituma i saru ā riji a ron enze amaro egeme ma buki iyabo i caron aza haŋ ne. 40 Zale ono ogeme se ma dan nyamene do ne ono hodo ze. 41 Ono ogeme se ma nya ŋi eso manyi dā ŋi shi baka nŋi ano awu nu kasa ze, gangan nā buki ŋi, ma damā dira iyabo i wuma se ara nyaka mene. 42 Ono ogeme se ma tinza ono vento ǝnyimi ano ā bate bate agiya se ŋa nā yiya birwa i mi nze ŋa pikǝru, in in kira ā tǝsi mi ri zuwa ri sǝru iriru nze ā vǝti mi ǝnyimi u dandale u manyi. 43 Ngase u ware o hoi wuzaye ǝ pikǝru, gware ome u vati. I kira o pete a kura Ədǝshǝri nan u ware o vento se dā ŋo pete ǝnyimi ura, ura ogeme se a tā date ǝ bishi ni. 44 45 Ngase u buna o hoi u wuza ye ǝpikǝru, gware ome. Inin ze kima o pete āra ruma se dā ŋo mura atau a repo bata ǝ vǝtī ā kura ura. 46 47 Ngase rija re rewoze ye ā pikǝru, zuzi reme. I kira o pete ā tegomo tǝ ǝdǝshǝri nan riji re vento se dā ŋo cikǝ nan ǝji a repo enze ǝvǝti ǝnyimi ǝ kuru ra, 48 ā regeme se i kpai tā maso ne, konzen ura me a tā zuzu ǝkǝi ni. 49 Kuyono ara ŋuna rekon nan ūra. 50 Rekon reze kima, bata ngase rekon re dere ma lellen ŋa ma me, iyaze anin Kursi ma lellen ma me nan no konzen? Ka ni rekon nan ate ǝhǝŋi, konzen i cikǝ nan iruwa i pǝu nan kuwǝvi."