Udaraŋa u 10

1 Yeso deke aregemme enze ma wame an nyaŋa ma Judea konzen ma pere peou a rī ri Jordan, enze ri yǝgǝ ri rawa me konzen. Ma ā bezezze ohoŋe konzen, uga manā mina ā wuza me. 2 Enze ti Farisis ti rawa ame dā ŋa kunuza me enze ŋa saŋare, "Mǝkiri manze ono orome ma sope u waiyo me?" 3 Nze ma gare, "Iyaze Moses mā buki i ŋi?" 4 Ŋa go, "Mosis ma deke ono darse u satifiket ū wara anya enze u nya u waiyo ye, o sope me." 5 "I Waze baka iruwa i gbau egeme se ŋi ze nan no enze wa ŋuna se ma darse makiri ma giya," Yeso buki ā ŋe. 6 "Baka ǝsuru u bura u ruza me, 'Ədəshəri wa ŋuna onorome nan uwai.' 7 'Baka igiya, ono deke aco me nan əyimi ma me uwaiyo me, 8 enze ka repo me nin cikǝ ripun re vento.' Ŋa tā da an karpo ne, ŋanā cikǝ ripun re vento. 9 Baka nane eme geme se Ədəshəri nā gura, tago owe ware ne." 10 Uca ogeme se ŋā da ənyimə titau, atuma a hame saŋara me konzen aza igiya me, 11 " Ono ogeme se ma sope uwaiyo me konzen ma wuza anya uyu waiy manā ŋuna macara mā kwaro nan me. 12 Ngase uwai sope oromme enze ma wuza anya nan owe, manā ŋuna macara mā kwaro." 13 Enze ŋa ra nan agiya ā bate bate ā me dā ma dupa ŋe, enze atuma ahame jarame ā ŋe. 14 Se Yeso wa nī nane, mā tā kuna olome ne enze ma goŋ ŋe, "deke ni abiya ā bate bate ā ŋa raiy i mi, konzen tago ŋi tuna ŋe ne, baka tegomo tə Ədəshəri te ze ta ano ageme se ŋa ze uga nŋe ze. 15 Gaŋgaŋ Nā buki iŋi, ono ogeme se ma tan kā tegomo tə Ədəshəri uga vana u bate ne gaŋgaŋ ma damā pete ne." 16 Enze ma zaki abiya me ā garwa a kollon a hame enze ma nyaŋe i biu se mā tare tāra teme ā ŋe. 17 Uca ogome se ma bura tana teme, owe rawa me nan teson enze ma gurwǝnǝ ame ǝtǝji, ma saŋare, "ono obezezze u wuma, iyammo ze nin wuna nze in mura ruma ri sun?" 18 Yeso go, "Baka iya ze una tisan ū wuma? Owe tā ze wuma ne, se Ədǝshəri base. 19 Ŋo rū makiri ma me:'Tago owo owe ne, tago u jiŋǝrǝ awai bū ni, tago u wuza rikǝri ni, tago u bī empore ne, tago o morke empore baka epe iru, tago u yizi Aco nan ǝyiyi ni'." 20 Ono me gomme, "Ono obezezze, zale tegogoro ti giya in wa tarse teme uca ogeme se in wa da ono maŋina." 21 Yeso nǝri mi enze ma barse me. Ma buka me, "eme geme se ŋo dere. Se ŋo nǝ rǝsǝ zale eme geme se ŋo ze nan no konzen u ware ano tiyan me, enze u nin mura u mura o hoi ǝdǝshǝri. Bata u rai u tarson." 22 Konzen baka ubǝnu u giya enze ma care inmwinyu enze ma ŋana nan ucǝrǝ puru, baka se maze nan u mura cebete. 23 Yeso nǝri ara zale enze ma gon atuma a hame, "Awennizi eze gbau ano ageme se ŋa zen u mura ŋa pete ā tegomo tə Ədəshəri!" 24 Atuma ahame wa kuna malo ma melo ageme. Enze Yeso ko goŋ ŋe, "Abiya, eze gbau nnizi ā Pete ǝnyimi tegomo tə Ədəshəri! 25 I kira bi rankome be pete arewo ri alibira, se dā ono u mura muro pete ā tegomo tə Ədəshəri." 26 Ŋa kerkene gaŋka enze ŋa goŋ ate a haŋe, "Igiya əvizi nin mura o pete?" 27 Yeso nǝri ŋi enze ma go, "Ōno itan ŋuna ne, nan Ədəshəri ira ŋuna. Baka kuyya zale ira ŋuna nan Ədəshəri." 28 Pita mē u bǝnu nan me, "Nǝrǝ, woro nā deke kuiya nze i tarse." 29 Yeso go, "Gaŋgaŋ nā buki ŋi, owe dǝmǝnu ono ogeme se ma nā deke a kura a hame, nē ano wanome, nē abiya, nē ti ru, bakan mi, konzen baka u yisun nlen ma me, 30 se ma tin ka rinu ka rinu uga aza i giya ǝnyimi masano ne: ti titau, nan reno anarome nan awaiy, anayinu, nan abiya, nan ti ru, nan u shǝ ma kpai, konzen ǝnyimi masano mu ra, ruma ri suŋ. 31 konzen ano cebete ano ageme se ŋa ze anu bura ŋa ra cikǝ ano amaro, konzen ana maro ŋa cikǝ ano ubura." 32 Ŋā ze ū runa, ā waŋa Jerusalem, konzen Yeso wa rā ŋana a ŋe əji. Atuma ahame wa kuna iwi, ana amaro konzen a tarse o hoŋe ŋā kuna iwi. Nze Yeso yete an ka ri kuri ŋa waŋā rekero konzen ma mē u biyǝ mi ā ŋe eme geme se ira muro home dan nan udakano ne. 33 Nī, woro rā wame ā Jerusalem, konzen ara nyaka Vana Ōno āgomo ti priest nan ano obezezze. Ŋa rā nyameno home ā wame u wənə konzen ŋa nyaka me ā ti Jentai. 34 Ŋa rā gəllə ome, ŋa cai me taye, ŋa cuta me, konzen ŋa ŋuna me mə wənǝ. Konzen amaro ti muru ti taro marā yira." 35 James's nan Jone, abiya Zabadi, ŋa rawa me enze ŋa go, " Ono obezezze, ira barsa u tā wuzan do zale eme geme se woro saŋare." 36 Ma goŋ ŋe, "Iyaze ŋi ra barsa min wuza ŋi mi?" 37 Ŋa go, "Deke do, u gare woro cikǝ nan ŋo a tegomo a te, ono vento ā bilaiya be konzen u udaŋara me a biguli a be." 38 Konzen Yeso gare ŋe me, ma go, "Ŋi tə ru eme geme se ŋi na saŋara ne. Ŋi nin date ŋi shi a esō egeme se mi rə shə mi nē i mutana nan ozoro ogeme se mi ra wuza me?" 39 Ŋa gomme, "Inin date." Yeso goŋ ŋe, "Eso egeme se mirə shə mi, ŋinin shə, konzen nan ozoro ogeme se min wuza, nŋi konzen ŋi ra wuza me. 40 Aza ono ogeme se ma nin cikǝ a bilaiya bon nē a biguli a bon dan in mizi ono u ŋiza me ne, eze iwa ano ageme se ā mamara ŋe me." 41 Se adaŋara atuma a hame wa kuna epe egeme, enze ŋa me u kuna u cərə əpuru gaŋka nan Jamese nan Jone. 42 Yeso wa tisa ŋe ā me, ma goŋ ŋe, "Ŋi ru ano ageme se a gare ŋa nəri ano ŋanze ti Jentai ti kira ŋe, konzen ano ǝ mumuru a ŋe ŋa woze rikira aza a haŋe. 43 Bata i tin cikǝ nane ǝnyimə əhəŋi ni. Ono ogeme se ma rā barsa ma cikǝ ono u səru nyimə həŋi se ma nā cikǝ orere u huŋi, 44 Konzen ono ogeme se ma rā barsa bi bura ǝ nyimə həŋi se ma nā cikǝ orere u zale. 45 Nane ze Vana Ono wa tā ra dā a wuza me re rere ne, se da ma wuza ano re rere konzen ma nyaka ruma reme baka ono cebete." 46 Ŋa ra a Jeriko. A regemme se ma deke Jeriko nan atuma ahame nan ano cebete, vana u Timaus, Bartimaus, urū, ono avale, mā rā cikǝ a rekero ru runa. 47 Se mā kuna ago Yeso ono Nazareth ze, nze ma me u sənə konzen ā gusa, "Yeso, Vana u David, kuna i Jaiye hoŋ!" 48 Ano cebete ŋa bənu ūru mi, ā gusanme a ma go wete. Enze ma vati u səkənə ə̄ nu kima, "Vana David, kuna i jaiye hoŋ!" 49 Yeso tore enze ma go a tisa me. Ŋa tisa ūru mi, a gusa, "Mutana! Yira tore! Ma rā tisiza o hoi." 50 Enze ma zuzi udiyo home mə vəti, ma yere sasa, ma rawa Yeso. 51 Yeso gare me me nze ma go, "Iyaze nŋo ra barsa me, in we me?" Ūru mi go, "Rabbi, Mira barsa in mura uniya ara." 52 Enze Yeso gomme, "Waŋ. Uyiya birwa be nā wame." Aregemme ma wa me u niya ara konzen, enze ma tarse me aza u runa.