1 Ā ənyimi timuru te geme, ano wa binja cebete, Konzen, ŋa ta zen eme geme se ŋanin wushu ni. Yeso tisa atuma ahame, ma gonŋe, 2 "Rā kuna ijaiyano a agiya, baka se ŋa zen nan mi ti tiyǝ ti taro ŋa dan wushi i yabo ne. 3 Ngase in Kursi ŋi ā ti tǝu wa teŋe nan ekomo, ŋa nin wiju ā ti runa. Awe ǝnyimi ahaŋe suri ā yayau." 4 Atuma ahame tare, ŋa go, "ǝnyimi i gǝugǝuwi giya, a baze anin mura aborode ageme se anin bare ano agiya ŋa wushu ŋa seke?" 5 Ma saŋare ŋe, "agoro nyano ze ŋi ze nanno?" Ŋa go, "Sunare." Ma gon riyǝgǝ rāno reme ā ŋa cikǝ ā nyaŋa. 6 Ma yete a kwata sunare me, ma gon Ədəshhəri kukwan, enze ma pose āme. Ma nya atuma ahame ŋa wan nanno ā ra ahaŋe, enze ŋa yīsa ara riyǝgǝ ra ano reme. 7 Ŋa ze nan iginu bate, Konzen Amaro u gunan Ədǝshəri kukwan, ma gon atuma ahame ā ŋa ware ŋe me. 8 Ŋā wushi Konzen ŋa seke, enze ŋa kanke ibǝzǝ egeme se inə ruku, te pozo ti mumuru teme sunare. 9 Ano ageme se ŋa ze ā rame, ti gū ti nāze tenze. Bata ma sarme ŋe. 10 Se ma pete okoŋgo nan atuma ahame, enze ŋa waŋ ǝnyimin nyaŋa mā Dalmanuta. 11 Enze ti Farisis ti suri te mē omeshe magita nan me. Ŋa ra a kunuza ome ǝ giŋǝrǝ ka runa, ā me ǝ suru ǝdǝshǝri. 12 Ənyimi uvunu ome u sansan enze ma yiya evonkene, "Baka iyaze rimiza ri giya ri rǝ ginǝrǝ u runa? Gaŋgaŋ nā goŋ ŋi, uyu runa dǝmǝnu se ara nya rimiza ri giya ne." 13 Enze ma deke ŋe, ma pete okoŋgo konzen, enze ma pǝri ma wame ū lunnǝ. 14 Wagiya atuma ahame ŋanā wəpi u məntə aborode. Ŋa tā zen oi ne se regoro re vento base ǝnyimi okoŋgo. 15 Mǝ wuŋki ŋi otoŋe ma go, "Nǝrǝ ni konzen ŋi wuza rinyaŋana epe yeast u ti Farisis nan yeast u Hirod." 16 Enze atuma me dunza nan ate ahaŋe, "Enze, baka i damen aborode ne." 17 Yeso wa ze nan uru nane, enze ma goŋ ŋe, "Iyaze ŋi ra dodonzo aza u dira aborode? Ŋi zini dan udira u yiya birwa? Ŋi tā ru ni? Iruwa i hiŋi nə cikǝ bəmmu? 18 Ŋi ze nan ǝji, ŋi tǝ nī ni? Ŋi ze nan te toŋe, ŋi tā kuna nan no nē? Ŋi dan dunza nē? 19 Se in wa nyunkǝlǝ akwata borode aza ti gū shibi, te pozo ti nyano tenze ǝ̄ kursi nan u binja nan te borode tegeme se ǝ nyunkǝli se ŋi wǝ zaki? Ŋa gomme, "ri kuri." 20 "Se in wa nyunkǝlǝ agoro a borode sunare aza ano ti gū ti naze, te pozo ti nyano tenze ŋi wa zaki?" Ŋa gomme, "Sunare." 21 Ma go, "wa giya ŋi dǝwǝ ru ni?" 22 Ŋa ra a Bethsaida. Ano ageme se ŋa ra gemme ŋā ra me nan ū ru ŋa vale me ā ma dupa me. 23 Yeso me uware ūru mi, enze ŋa suri ū gwiri mi. Se ma mase u minza ǝji ahame,enze ma tare tāre ateme ā me, ma saŋare me, "Ŋonā ni iyabo?" 24 Mǝ nǝri ǝdǝshǝri, "Nǝ nǝrǝ ano uga titi tira atano." 25 Nze ma kuri ma tare tāre ateme ǝji mi, enze ono me pǝni ǝji a hame, nze ǝji ame wa wamo, ma nǝri tegogoro kweren kima. 26 Yeso gomme ā ma wame ǝtitǝu ahame, "Tago ma pete ǝnyimi ape ne." 27 Yeso suri nan atuma ahame ŋa wame ā pese ā tigwiri ti kaseriya Filipino. Ū runa ma saŋare atuma me, "Ano gosenmi ǝvi zi?" 28 Nze ŋa gare ŋa gomme, "Jone ono zoro. Awe go, 'Owe ze, ǝnyimǝ atuma Ədǝshǝri."' 29 Ma saŋare ŋe, "Bata ŋi gose mmi ǝvizi?" Peter gomme, "Ŋo ze Unu Kasa." 30 Yeso wunki ŋi te toŋe tago ŋa buki iyabo aza hame owe ne. 31 Enze ma me u obezezze o hoŋe a go Vana ono mərə shə kpai kake ā tegogoro cebete, konzen te noŋono nan ano ǝ sǝssǝru nan ano o bezezze makiri, konzen a wō ome nga ti muru ti taro ti wake ma yere. 32 Mǝ̄ buki igiya ā kuwǝvi. Enze Peter wuŋki mi ā rekero ma gatā jarama ame. 33 Enze Yeso waŋaro mǝ nǝri atuma ahame nze ma jarame ā Peter ma go, "Shonko a rigiya, Shitan! Ŋo damā goro rete arē nan tegogoro tǝ ǝdǝshǝri ni, se aza tegogoro ta ano." 34 Enze ma tisa ri yǝgə ra ano nan atuma ahame kweren, enze ma goŋ ŋe, " Ngase ono rā nara u tarse ohoŋ, se ma nā nyamene reta reme, mə zəki u titi u garo me, bata ma tarson. 35 Ono ogeme se ma kira barsa ruma reme mara dira me, konzen ono ogeme se ma dere ruma reme baka u yisu nlen ŋa maŋ, mara mura me. 36 Iyammo ze inin kira, ono mura zale tegogoro ti masano ma dere ruma reme? 37 Iya ze ono nin nyaka dā ma cuwale nan rumā reme? 38 Ono ogeme se ma kuna emma maŋ nan ubənu o hoŋ ǝnyimi rimiza ru nara wai rigiya nan macara mə buru, Vana ono rā kuna Emma mame nga ma rā ǝnyimi u yiza te gomo ta Aco me nan ti malika ti sansan."