1 Se ŋa pǝri u lu u danira, an nyaŋa ma Gerasenes. 2 Uca ogome se Yeso wa ra suru o koŋgo me, enze owe ono u vunu u buru mǝ suri an sau ma mura me. 3 Ono ma ze nan u cikǝ ənyimin sau. konzen owe ta date ma tǝsi mi ni, nee nan magwaiwa. 4 Ətǝsǝzzə mi nan magwaiwa a tare nan a tau, taken nane ma gwarse ma me. Owe wata ze nan agata awo noke o home ne. 5 Ətitiyǝ nan oŋmwe, zale a torse ǝ nyimin sau nan tewo, ma rewe konzen ma calle ripunŋa reme nan azuwa a capo-capo. 6 Se ma ni Yeso a yayau, nze ma yere nan teson ma ka mura me enze ma kupǝnǝ ǝji a hame. 7 Ma sǝkǝnǝ kpai, "Iyaze Minin ŋuna nan ŋo, Yeso, Vana uwǝ Ədəshəri a geme se ma kira i sǝru? Naa wuza avale nan riji rǝ Ədəshəri, tago u nyan kpai ne." 8 Baka se Yeso na shǝ u biyǝ mi a me, "suru ǝnyimi ono uja, nŋo uvunu u dira sansan." 9 Nze Yeso saŋare me, "Riji a re renze ǝvi?" Ma gomme, "Riji a ron renze cebete, baka se woro bare." 10 Nze ma vale Yeso, ma kuri ma vale me, tago ma Kore ŋe agaba gemme ne. 11 Nze ugirgi iraŋa iwa kura wara rame a giŋǝrǝ imu wushu a laken ɔwɔɔ me, 12 enze uvunu uburu mi ŋa vale Yeso, a gusa, "tipi do ǝnyimi iraŋa; deke e pete ǝnyimi a haŋe." 13 Enze ma nyaŋe u wǝri,nze uvunu u buru mi suri ŋa pete ǝnyimi i raŋa me. Ugirgi riyǝgǝ rimi re deŋe uga ti guu te-repo, enze e some e pete udanira i wiju. 14 Nan u ni nane nze ano u gura iraŋa kuru ame ŋa some ŋa ka yisu ǝnyimi ape nan ti gwiri, enze ano suri da ŋa ka nii eme geme se ana wuza. 15 Enze ŋa wa ra a Yeso ŋa nǝri ono ogeme se ma ze nan uvunu uburu mi, se ma ze nan uvunu uburu cebete, ǝ cikǝ ara agemme, nan utǝsu u wuma, nan remo a reme; enze ŋa kuna iwi. 16 Ano ageme se ŋa nari eme geme se iwa mura ono uvunu u buru u bura me, ŋa a biyə a ano konzen eme geme se ina mura iraŋa a kura me. 17 Nze ŋa me avale, a Yeso deke nnyaŋa a maŋe. 18 Se Yeso wa ra a pete ǝnyimi o koŋgo u manyi, ono ogeme se ma ze nan uvunu u buru mi ma wuza avale a me da ma tarse me. 19 Yeso ma ta nyame u wǝri ni, enze ma gomme, "Waŋ ŋa ǝtitǝu, a ano wanoye enze u ka buku a ŋe eme geme se Aco na wunai me, nan nane se mana kuna ijaiye he." 20 Nze ono me suri ma me u yisu mi a Decapolis eme geme se Yeso wa wuna me, nze ano me Kweren ŋa kuna iwi. 21 Se Yeso wa pǝri ulu u ninnǝ konzen, ǝnyimi okoŋgo, riyǝgǝ ra ano cebete ra a gurna ara a hame se ma da ǝnyimi u dandale manyi ma me. 22 Nze ono vento ǝnyimi ano a sǝsǝru a ti synagogue, riji a reme Jairus, ma ra a me, konzen uca ogome se ma ni mi, ma ka gara ame a tau. 23 Ma wuza avale ma kuri ma duri konzen, a gusa, "Ku galla koŋ Ku bate kuna ra voto a wǝnǝ. Na a vale, ra da a utare u ware o hoi ame mara wamo." 24 Enze ma waŋ nan me, riyǝgǝ cebete ra tarse me a shishika o home. 25 Uyu wai wara a rame ma ze nan u kuŋku mǝnyi, si wai rikuri. 26 Ma a ganno a giŋǝrǝ tuka, ma wursi zale eme geme se maze nan no. Taken nane ma ta wamo ne, imamme ǝ vǝrǝnu. 27 Se ma kuna epe Yeso, enze ma rai a me amaro a sheshekozo ǝnyimi ano enze ma dupa udii o home, 28 Nze ma gose, ma go, "Ngase in dupa tommo a teme, ra wamo." 29 Uca ogome u kuŋku mǝnyi ma mi ma wa tore, nze ma kone ame ǝ ripun mana a wamo. 30 Uca ogome Yeso ma wa kone agata na suru a me. Ənyimi ano me ze ma waŋaro, ma saŋare, "Əvizi na dupa tommo a ton?" 31 Atuma a hame ŋa tare, "Ŋo tǝ nǝrǝ ano cebete a shishiko ye ne, nze ŋo ra gusa ǝvizi na dupai?"' 32 Nze Yeso ma waŋaro a nǝrǝ ara da ma nii ono ogeme se manaa wuna nane. 33 Uwai me nan u ru eme geme se ina mura me, ma rai ma gurwənə nan iwi, mǝ buki mi gaŋgaŋ. 34 Ma gomme, "Ugalla, u yiya birwa be na wunai a wamo. Waŋ shammo konzen u wamo a makwene a mai." 35 Se ma da ǝbǝnu, enze awe rai ame ǝsuru a ono usǝssǝru u synagogue, a gusa, "Ugalla o hoi nǝ wǝnǝ. Iyaze ŋo raa waŋara ono obezezze me nane?" 36 Nan u kuna eme geme se ŋana buku, Yeso gomme, "tago u kuna iwi ni. Ŋuna birwa." 37 Yeso wa ta deke owe tarse me ne, se Peter, Jamese nan Jone u wanome Jamese. 38 Se ŋa rawa titǝu ono u sǝru u ti synagogue nze ma ni ano a haŋe u nanaiy me, cebete; ŋa ra yikizi nan izama gaŋka. 39 Uca ogeme se ma pete ǝnyimi ǝtitǝu mi, ma goŋ ŋe, "Baka iyaze ŋi na yiza iruwa i hiŋi? Vana me ma dan wi ni ma ran roo manze." 40 Nze ŋa kerkeze me. Enze ma zuzi ŋi zale ǝkǝi enze ma yete aco me nan ǝyimi nan ano a geme se ŋana ze nan me, enze ma pete ara a geme se vana me wǝ rǝnu. 41 Ma mee me u ware enze ma gomme, "Tabitha, koum!" enze a waŋare i cikǝ, "Ku galla, Na goŋŋo, yira tore." 42 Uca ogemme ugalla me ma wa yira ma tore enze ma me uliŋǝrǝ ara (Siwaiya seme, se waze rikuri). Egemme wa wuna ŋe a kuna iwi nan o kerkene gaŋka. 43 Maa wunki ŋi te toŋe, tago ŋa buki, owe kone ne, nze ma goŋ ŋe, a nyame iyabo a ma wushi.