1 Mǝ suri a regemme enze ma rai ame ape, enze atuma a hame tarse me. 2 Se ǝtiyǝ o vonke deŋe, Maa bezezze ŋe ǝnyimǝ akura Ədǝshǝri. Ano cebete ŋa kone me enze ŋa kerkene ŋa kuna iwi. Ŋa go,"A ba ze mana mura man bezezze ma yiya?" "Iya isana rekese renze ri giya se a nyame?" "Iya ridiya renze ri giya se mara wuza me nan tare a teme?" 3 "Dan ono ǝ sǝssǝku u giya, Vana u Mary konzen u wanome Jamese nan Joses nan Judas nan Simon? Dan a wanome a galla a giya nan woro ne?"Ŋa worko aza Yeso. 4 Enze Yeso goŋ ŋe, "Ituma u dira ri galla, se ame ape konzen ənyimi ano a hame nan akura me." 5 Maa ta date ma wuza ituma i ridiya reme cebete ne, se u tara tare ano makwene se ŋa ta kerne ne, ma wuna ŋe ŋa wamo. 6 Ma kuna iwi baka udira u yiya birwa be ŋe. Enze ma waŋ ma liŋari ti gwiri a bezezze o hoŋe. 7 Enze ma tisa an ka rikuri rimi, ma tume ŋe an karpo-karpo, ma nyaŋe agata aza uvunu ɔbɔɔ. 8 Konzen ma buki a ŋe, tago ŋa mənti iyabo a tano a teŋe ne, ne borode, ne ubata, ne iru u tǝsu o hoŋe se u bita base. 9 Konzen i soke tiŋaforo, tago i yete ti dii te repo ne. 10 Ma goŋ ŋe, "Ngase e pete ətitǝu, cikǝ ni se ǝtiyǝ o shenko. 11 Ngase aya pe ŋa nyamene nee ŋata kone ŋi ni, nga ŋi deke ara me, tere uturu uwa tau ǝ hǝŋi, i cikǝ ulǝmu a ŋe ." 12 Ŋa suri enze ŋa me u yisu mi ano, a ŋa deke ri dima nan ti runa ateŋe ti caron. 13 Ŋa zuzi uvunu ɔbɔɔ a no cebete konzen ŋa shokome ano makwene maneŋe, ŋa a wuna ano cebete ŋa wamo. 14 Ogomo Herod ma kone epe i giya, riji re Yeso rina pete konzen ana ru mi a kuyaba. Awe wara gusa, "Jone ono zoro mana yira a suru an sau konzen baka nane ze, agata a ridiya rigiya ri rituma ənyimi ame." 15 Adaŋara me go, " Elijah ze," Awe kuru ŋa go, "utuma ze, uga o vento ǝnyimi atuma me a simiza su waka nan u dakano." 16 Bata uca ogome se ogomo Herod ma Kuna epe igiya, mago, "Jone, ogeme se in wa gware me rete, ma na kuri ma yere," 17 Baka Herod nan rete a reme ma tome a ka me Jone a wuna me inyan baka u ginərə u Herudias (uwai u wanome Philip),baka ma wuza anya a hame. 18 Baka Jone wa gomme, "ita reze ŋo yete uwai u wanoye ne," 19 Enze Herodias ma care ǝpuru aza a hame konzen mara barsa u wanome, enze ma ta mura uruna ne, 20 Herod nan rete a reme, ma Kuna iwi e Jone; ma ru se ma barse ri wuza ri gaŋgaŋ konzen ono u sansan ze, enze ma yiya me nan ruma. A kunuza ubənu ome ma ta barsa ma care me ǝpuru ni, ǝginǝrǝ u runtu ome birwa. 21 Enze uwǝri ra, ətiyǝ ɔyɔ Herod na deŋe enze ma gore itamma baka ano ageme se ma buki ŋi, nan ti komanda ateme, nan ano əsəssəru ə Galilee. 22 Enze u galla u Herodias nan rete a reme ma pete ma gari ŋi irina, Herod Kuna olome, nan agen awi tamma. Ogomo goŋ ugalla me, "saŋaron zale eme geme se ŋo ra barsa me, ra nyo hoi." 23 Ma tono ma gomme, "zale eme geme se ŋo saŋaron, ra nyo hoi, ne udaŋara te gomo a ton," 24 Mə Suri əkəi ma goŋ ǝyimi. "Iyaze nin saŋare me?" Ma gomme, " rete re Jone ono zoro." 25 Ma Conno ma kuri ogomo, enze ma saŋare me, "Ra barsa rete re Jone ono zoro o kero." 26 Enze ogomo kone u caro me geten. Ma tan date ma nyamene egeme se ana saŋare me ne baka otono ogeme se mana wuna konzen baka a gen awi tamme me. 27 Baka nane, ogomo, tuma u suja ənyimi ano rinyaŋana reme nze ma buki ame a ma ra nan rete re Jone. Ano ri nyaŋana ŋa wame ŋa ka gware me rete u gura i nyan. 28 Ma rai nan rete reme ma nya u galla me, ugalla me konzen ma nya ǝyimi. 29 Se atuma ahame ŋa Kuna nane, ŋa a ra enze ŋa yete ripun ŋa reme ŋa ka biza reme i sau. 30 Atuma me kuri a Yeso enze ŋa buki a me zale eme geme se ŋana wuza konzen ŋana biyǝ. 31 Enze ma go ŋe, "Rǝni nan ate ǝhǝŋi a wame a riya a wete a ka vonke bate." Ano cebete a rasa, ǝ kursu, konzen ŋa dan mura uca u wushi imu wushu ni. 32 Enze ŋa dura ene heŋe ǝnyimi okoŋgo ŋa wame are geme se a ze wete nan ate ahaŋe. 33 Nane ze ŋa ni ŋi a dura, ano cebete ŋa ru ŋi, enze ŋa tarse ŋe nan atau a teson ano u suru a te pe-pe zale, Konzen ŋa a Conno ŋa ka deŋe,i batan ŋe. 34 Uca ogeme se ŋa deŋe u para u rii, Ma nii ano cebete enze ma Kuna ijaiye heŋe baka ŋa ze uga itan egeme se idamen ono u gura o hoŋe ne. Nze ma me obezezze o hoŋe tegogoro cebete. 35 Uca ogome se oŋmwe naa tunu, enze atuma a hame rawa me ŋa go, "Ara əwǝ ze a giya konzen uwəru u giya se u naa wuna. 36 Sope ŋe a ŋa pete ǝnyimi rekero ra ape nan tigwiri te voto ŋa ka kwa iyabo ŋa wushi nan ate a haŋe." 37 Enze ma gare ma gon ŋe, "nŋi, nyaŋe iyabo aa ŋa wushi." Nze ŋa gomme, "i ka kwa a kwata borode a ti dinari sinu se repo, a nyaŋe ŋa wushi?" 38 Ma goŋ ŋe, "Ŋi zenan agoro me a nyano ze? Waŋ kǝ nǝrǝ ni," se ŋaa ka mura, ŋa go, "agoro shibi nan iginu e repo," 39 Ma goŋ ano me zale a ŋa cikǝ ti-puri ti-puri a aza omo. 40 Ŋaa cikǝ a anyaŋa ti-puri ti puri; ti-puri rinu-rinu, ǝkuru shibi-shibi. 41 Enze ma yete agoro shibi nan iginu e repo me, enze ma iza əji ə nərə ədəshəri ma nyaka taye enze ma pose agoro me, ma nya atuma a hame a ame enze ŋa ware ano me. Enze ma pose iginu e repo me ŋa ware ano me, kusun. 42 Zale ohoŋe, ŋa a wushi ŋa seke. 43 Ŋa a tenke ibǝzǝ e borode, te pozo rikuri nan u binja, nan konzen ibǝzə iginu. 44 Ano a rome waze ti gu shibi se ŋa a wushi agoro me. 45 Enze ma we atuma ahame ŋa pete o koŋgo sasa, ŋa ware me aa pəri u ulu, a wame a Bethsaida, mme ma wuza ma sarme ano ŋa ŋana. 46 Se ŋa a mase u sarmo, Ma nya aza ɔwɔɔ da ma ka remmo. 47 Uwəru na a wuna, konzen o koŋgo una ka deŋe a zate u dandale manyi, konzen emme tente me a ŋana. 48 nii ŋara pankalo a waŋara o koŋgo, uvunu ra pankala o hoŋe. Nan ətittiyə, uga uca iru naze, ma rai ma mura ŋe, a ŋana aza manyi mme a nara u waka o hoŋe. 49 Se ŋa nǝri mi a ŋana aza u dandale manyi ma me, ŋa a ra a gusa uwǝwǝru, enze ŋa səkənə, 50 Baka se ŋa nəri mi enze ŋa Kuna iwi. Konzen ma ware u bukǝnu nan ŋe sasa, nze ma goŋ ŋe, "Mutana ni! Mmi zi! Tago ŋi Kuna iwi ni!" 51 Ma pete ǝnyimi okoŋgo me nan ŋe, enze uvunu mi tore. Zale o hoŋe ŋa kerkene konzen ŋa Kuna iwi. 52 Baka se ŋa ta a ru eme geme se a goro me ze ne. Baka nane, iruwa e heŋe wa ŋuna gbau. 53 Se ŋa pǝri u ulu, ŋa ra an nyaŋa ma Gennesaret enze ŋa tǝsi o koŋgo me a rame. 54 Se ŋa suri o koŋgo me, ano ŋa wǝ ru mi sasa, 55 enze ŋa pete ǝnyimin nyaŋa ma me kusun nan teson enze ŋa me u rasa nan ano ma kwene ǝ suru a te pee-pee ŋa tarse zale a regeme se ŋa kone mana a pete ǝnu. 56 Ara ageme se ma a pete ǝnu ti gwiri nee te pe-pe, nee ǝnyimi nyaŋa, ŋa luta ano makwene a tura ti jamene. Ŋa vale me aa ma deke ŋe ŋa dupa bi nu bi udi ome, konzen zale ano ageme se ŋa dupa me ŋa wamo.