1 Pimping nan u cinju, Ono u səru ti priest kweren nan ano a ŋono nan ano bezezze makiri nan ano u cikǝ u tidara u Jew. Nze ŋa waŋare Yeso, ŋa dura nan me. Ŋa nyaka me a Pilate. 2 Pilate ma saŋare me, "Ŋo ze Ogomo u ti Jews?" Ma gare me me, Ŋon nə buku." 3 Ogomo ti priest maa zuzuzi a gaŋgaŋ a macara cebete aza Yeso. 4 Pilate konzen ma saŋare me, "Ŋo naa nyamene u buki iyabo? Ŋǝrǝ isana agaŋgaŋ ageme se ŋa ra rasa nanno aza a hai!" 5 konzen Yeso taa tara Pilate iyabo ne, enze eme nyame iwi. 6 Wagiya uca remeze renze, uca ogomme Pilate zuzi nee ma sope ŋe ono inyan vento, ono ogeme se ŋa barse. 7 Aa geme, ano u barsa u warna ra nyimi inyan me, ano wuza ano, aa meshe awe ǝnyimi a daŋara ano nara u warna me, owe rənu se a gosemme Barnabas. 8 Riyəgə ra ano raa rawa Pilate enze ŋa me u saŋara o home a ma wuza ŋe iyabo evento uga nane se ma wuzuza ŋe me. 9 Pilate maa tare ŋe me ma go, "Ŋi ra barsa a zuzi ŋi ogomo ti Jews?" 10 Aza egeme maa ru se marǝ gǝllǝ o home aza u guna ogomo ti priest ma naa nyaka Yeso a tare teŋe. 11 Enze ogomo ti priest ma wuna riyǝgǝ rimi aa ŋa səkənə kpai ŋa go aa sope ŋe Barabbas i kira. 12 Pilate ma tare ŋe konzen ma go, "Iyaze mining wuna nan ogomo ti Jews ti mi?" 13 Ŋa səkənə konzen, "Aa gape me?" 14 Pilate goŋe, "Iyaze ma naa cara?" Ŋa yiza amelo, aa gusa a gare me." 15 Pilate wara a barsa u wuna eme geme se riyəgə ra ano ri ra a barsa me, enze ma zuzi ŋi Barabbas. Ma wuna ətəri Yeso enze ma nyaka me aa ka gare me. 16 Ti suja ta wan nan me ǝnyimi a gawa aru biyən nlen (Se anze ǝrǝ sǝru), enze ŋa tisa ti suja kusun te geme se taa ra rame. 17 Enze ŋa wuna rimin ri vu aza Yeso, konzen ŋa manke a lere i kana enze ŋa soke me me. 18 Enze ŋa me u gusan me, "Ədəshəri deke tegomo, ogomo ti Jews!" 19 Ŋa gwanze me a rete nan u titi konzen ŋa caiy me taye. Ŋa pore ti luna kisa me, aa wuza uga ŋara gurwǝnǝ o home gaŋgaŋ. 20 Se ŋa na kunuza me, enze ŋa buzi rimin ri vu re geme se ŋa tinǝ tǝsǝ, enze ŋa tare udii o home aza a hame, enze ŋa wan nan me aregemme se ŋa ra gapo me. 21 Enze ŋa duri owe se ma ra waka an nyaŋa ma me a ma zaki u titi u gapa Yeso, owe se a gusan me Simon u Cyrene aco Alexander nan Rufus. 22 Ti suja ta ra nan Yeso a riya a go Golgotha (se ǝbiyǝ a go, "Ara siwu se rete"). 23 Enze ŋa nyame manyi se ana sakala nan ma kpamkpan, nze ma nyamene u shǝ mi. 24 Ŋa gape me enze ŋa ware tommo a teme ŋa tiya ti kad aza me daa i male ŋe u gale ogeme se u suja o vento nin yita. 25 Uca ogeme se ŋa gape me, iru i taro ze waze. 26 Da a nǝri, ŋaa darse ere i macara ma geme se ŋaa nyame, "Ogomo u ti Jews." 27 Nan me ŋa gape ǝkǝri a repo, ono vento a bilaya beme konzen ono vento a biguli. 28 29 Ano ageme se ŋa ra waka ŋaa tinza me, ŋŋe a gutuku ate a gusa, "Aha! Ŋo ono ogeme se u nin pusa akura Ədǝshǝri u piyǝ a me a ti muru ti taro, 30 kasa rete a re konzen u tu a bigapa be me!" 31 Nane ze ogomo ti priests mǝ gǝlli mi a kunuzo me nan a daŋara ano me, a gura ano obezezze, ŋa go, "Ŋo kase awe ŋo ta date ŋo kase reta re ne. 32 Deke u kase, ogomo u Israel me a mǝ tu wagiya a bikapa be me, da woro nǝri i gare," nan ano a geme se a gapa ŋe nan me konzen ŋa yizu mi. 33 Nan uca iru tase, mǝri ma pate in nyaŋa ma me, nane ze ara me wǝ cikǝ a ka deŋe iru toroi. 34 Nan iru toroi me nze Yeso sǝkǝnǝ kpai, mago, "Eloi, Eloi, lama sabaktani?" Nane se a waŋare, "Ədəshəri a haŋ, Ədəshəri a haŋ, baka iyaze ŋo na nyamenon?" 35 Adaŋara ano ageme se ŋa ra tore ŋa kone me nze ŋa go, "Nǝrǝ, mara a tisiza Elijah." 36 Owe yere nan tison, ma ka wuna manyi mi iburi titi ii mi foko-foko, ma soke o koo o yoo, enze ŋa witi ŋa nyame a ma shi. Ono me go, "Deke a woro nǝri nee Elijah nin tunu ma raiy ma dutuyi" 37 Enze Yeso sǝkǝnǝ kpai enze ma wi. 38 Ojebeto u ri dirǝn uwa daro pas ǝ suru a binu ba aza a tunu a binu bǝ ǝdizi. 39 Se ono ri nyaŋana rin sau ma yere ma nǝri nane se Yeso na wənə, ma go, "Gaŋgaŋ ono u giya manze Vana Ədəshəri." 40 Awai wara aregemme se ŋa nǝri aa yayau. Ənyimi a haŋe Mary Magdalene wǝrǝ nu nan Mary (əyin Jamis ono ədimu nan u Joses), nan Solome. 41 Uca ogeme se maa raa Galilee ŋa wa tarse me konzen ŋaa wuza me ituma. Adaŋara wai cebete konzen ŋa tarse me a rawa Jerusalem. 42 Su wǝru wa wuna, baka iwa ze ǝtiyǝ o goro ze, uga Kane enze ŋaru ǝtiyǝ o vonke, 43 Joseph ono u suru a Arimathea ma rai ara me. Ono me ono u sǝru zi u tidara un nyaŋa ma me, ono ogome se ma ra paa u ra tegomo ta Ədəshəri. Maa yere tǝndǝsi ma ka saŋare ripun ri Yeso. 44 Pilate wa kuna iwi se maa kone Yeso nǝ wǝnǝ; maa tisa ono rinyaŋana a ran sau ma saŋare me nee Yeso na wənə. 45 Se Pilate wa kuna ano ageme se ŋa ka gaare me, se Yeso na wənə, enze ma nya Joseph e keze me. 46 Joseph ma kwe ti gale ti linen. Ma duti mi aza bikai be me, enze ma təsi mi nan ti gale ti linen, ma ka luta owoo o geme se əə gəsi u uzuwa. Nze ma pate anu mi nan u palason rizuwa. 47 Mary u Magdalene nan Mary əyin Joses ŋa nəri aregemme se aa waze Yeso.