1 Uca ogeme se ǝtiyə o vonke wa Wake, Mary Magdalene nan Mary əyin Jamis, enze Salome ma kwe iburu nya e loo daa ŋa ra nya woze ripun re Yeso nan no. 2 Nan uu cunju pimpin ǝtiyǝ u bura ǝnyimi ti muru sunare, nan u nyana onmwe ŋa wame i sau. 3 Ŋe ǝbǝnu a gusa, "Əvi zi nin tipi do ri zuwa ara o pete i sau me?" 4 Se ŋa nǝri ǝkǝyǝ aza, ŋa nəri se rizuwa reme ana waŋara a ka tare, raa ze ri sǝssəru. 5 Ŋaa pete ǝnyimi i sau enze ŋa nǝri ono maŋina nan u təsu ǝnyimi tommo ti run, ǝ cikǝ u ware bikai, enze ŋa kerkene. 6 Ma goŋ ŋe, "Tago ŋi kuna iwi ni. Ŋi ra giŋərə Yeso, ono Nazareth, ono ogeme se ŋa gape me. Mana yira! Ma dama a rigiya ne. Nǝrǝ a regeme se ŋa ti luta me ǝnu. 7 Wənni, buku ni aa tuma a hame nan Peter se mara waro o hoŋe a wame a Galilee. Ageme ze ŋi ra nərə ome, uga nane se ma ti buki ŋi." 8 Enze ŋa suri ŋa mē teson ǝ suri i sau; ŋa kerkene nan iwi. Ŋa taa buku owe iyabo ne Baka se ŋa kuna iwi. 9 Pimpin ǝtiyǝ u bura ǝ nyimi ti muru sunare, se mana masa u yira, enze ma bura oyonko a Mary Magdalene,se a suri aa me ze maa zuzi ti uvunu sunare. 10 Ma waŋ ma ka buki aa no ageme se ŋa ze nan me, uca ogeme se ŋa raa tiyan nan izama. 11 Ŋa kone ago maze nin ruma konzen mǝnə nii mi, bata ŋa na nii mi bata ŋa dan gare. 12 Amaro tegogoro ti giya ma yonko aa te ti yinkǝnǝ ken an ka repo o hoŋe, se ŋa ra suri an nyaŋa ma me. 13 Ŋa wame enze ŋa buki o meshe a tuma, bata ŋatā gara ŋe me ne. 14 Azamaro me Yeso wa yoŋko a ano beren se ŋawa rǝ cikǝ a teboro, nze ma bǝnǝ ŋe aza u dira ugara o hoŋe, nan igbau birwa beŋe, baka ŋawa tǝ gara nan anon nlen mu guna ŋana nǝri mi si mana yira anyimi nkeze. 15 Ma gon ŋe,"wan ni anyimi massano zale, di bii nlen ma Adǝshǝri ano massano. 16 Onogemese ma gara, a zorome ma nin mura ruma, konzen anogemese ma dan gara ne ma nin dira ruma reme. 17 Karuna ka giya ka nin tarse nan anagemese ŋana gara nanŋe: anyimi rija ron ŋa nin zuzi tuvunu tebɔ. Ŋa nin biyǝ nlen ma sau. 18 Ŋa nin zasi iwǝ nan tara teŋe. Konzen ko inga ŋa shi iyabi iwu wǝnǝ, iyabo da wa muro ŋe ne. Ŋa nin tura uware aza anu makwene, ano makwene mame nin wǝmo." 19 Amaro se Aco wa biyǝ nane a ŋe, nze a yete me a ka adaishari, konzen ma cikǝ uware bilai bǝ Adǝshǝri. 20 Atuma me yere ŋa pete a turara a yisu nlen mame, Adǝshǝri a ŋanan ŋe, konzen awa ru nlen mame a karuna ka gemese kawa tarsenŋe.