¹ Wagiya ǝnyimi timuru ti giya, se atuma Yeso wara vərə nu, ti Grecian Jews ta me agaŋgaŋ aza ti Hebrews, baka se əshii a haŋe ə shiŋəri ŋi aza u wara imu wushu i kuyyǝ tiyǝ. ² An ka rikuri mi ŋa tisa riyǝgǝ ra atuma Yeso a ŋe ŋa go, "Ita ze kima woro deke ituma in nlen mǝ Ədəshəri i kuru a wara tura ne. ³ Baka nane i zake, ayeno, anarome an ka sunare ənyimi əhəŋi ano ageme se ŋa ze nan riji ri wuna, u binja nan Uvunu konzen nan remeze, ano ageme se woro ra zaka me aza ituma igiya. ⁴ Baka se woro, irə wushu ǝji nan taye kuyyə ətiyə nan ituma iwu yisu nlen mame." ⁵ Nlen ŋa maŋe ma runti riyǝgǝ ri mi iruwa. Enze ŋa zake Stephen, ono nan ubinja u yiya birwa nan Uvunu u saŋsaŋ, nan Philip, Prochorus, Nicanor, Timon, Parmenas, nan Nicolaus, ono u pən əsuru a Antioch. ⁶ Enze ano u yiya birwa me ŋa a rai nan ano a giya a atuma me, enze ŋa remmo Konzen ŋa tarse ŋe tare. ⁷ Enze nlen mǝ Ədəshəri ma wushi əji nan u sarmo, enze atuma a Yeso a Jeruselem əvərənu cebete, konzen riyǝgǝ ri ti Priest ŋa cikǝ ano u tarse u yiya birwa. ⁸ Wagiya Stephen, a binjan ogwene nan agata, ma ra wuza tegogoro ti mumuru te geme se a dawa nari ni ənyimi ano me. ⁹ Konzen awe wa yere ano ageme se ŋa ze ano Synagogue se a gose nan ŋe Synagogue uwa ano rǝrǝ, uwa Cyrenians nan Alexandrians, awe konzen a suru a Cilicia nan Asia. Ano a giya wara a meshe magita nan Stephen. ¹⁰ Bata ŋa ta date ŋa tore aza rekese nan Uvunu ogeme se Stephen wə bǝnu nan no ne. ¹¹ Enze ŋa nya ayano imu pətə ənu da ŋa go, "Woro na kuna Stephen buki agaŋgaŋ a woro aza Moses nan Ədəshəri." ¹² Ŋa bunki ano me, ano a ŋono, nan ano obezezze makiri, enze ŋa dura Stephen enze ŋa me me konzen ŋa ra nan me u tidara. ¹³ Enze ŋa rai nan ano u tarse amaron impore, ano ageme se ŋa go, "Ono u giya dan deke u bənu aza ara a saŋsaŋ agiya nan makiri. ¹⁴ Baka woro ti kone me a gusa ago Yeso u Nazareth u giya mara dutu ara a giya konzen ma cuwale riwuza regeme se Moses wa deke do me." ¹⁵ Zale ano ageme se ŋa cikǝ u tidara ŋa yiza əji a haŋe ǝ nǝrǝ o home dondon enze ŋa nǝri mmwinyu maze uga mmwinyu ma u maleka.