¹ Wagiya Peter nan Jone ŋa ra nyana ənyimi ugura Ədəshəri uca u taye, uca iru i toroi. ² Wagiya onorome uguŋ əsuru ətiyə ɔyɔɔ aa ra zəsə mi kuyə tiyə a waŋa arəkəi a reze a ugura Ədǝshǝri, baka da ma saŋare ano u pese ǝnyimi ugura me ənəwə awi iru. ³ Se ma nəri Peter nan John a nara o pete ugura Ədǝshǝri, ma saŋare ŋe epe ənəwə iru. ⁴ Peter, yiza əji sasa ma nǝri mi, ŋŋe nin Jone, ŋa go, "Nərə do." ⁵ Uguŋ mi iza əji ma nəri ŋi, a yisa birwa ma nin ka iyabo a ŋe. ⁶ Enze Peter go, "imammate min damen no ne, eme geme se nzen no, ra nya ohoi. Ənyimi riji ri Yeso Ukase u Nazareth, ŋana." ⁷ Ma veke me nan u ware bilai,Peter wa yiza me, enze sasa aregemme ubuna ono me nan rigwataka ri wa ŋuna agata. ⁸ Utənzə, uguŋ ono yere ma tore enze ma me tano; enze ma pete nan Peter a gura Jone ənyimi ugura Ədəshəri, a ŋana, ə tənzə, konzen a tuŋara Ədəshəri. ⁹ Zale ano wa nǝri mi a ŋana tano a tuŋara Ədəshəri. ¹⁰ Enze ŋa dunza se iwaze ono ogome se ma ze ma saŋare ano epe iru a arəkəi a reze a ugura Ədǝshǝri; enze ŋa binja nan iwi nan o kerkene baka emegeme se ina mura me. ¹¹ Se ma da a meshe Peter nan Jone, ano kweren ŋa yere nan teson a wame a ŋe ǝnyimi ururu se gusa o Solomon, nan o kerkene u gaŋka. ¹² Se Peter wa nǝri egeme, enze ma gare ano me, "Ŋi ano Isreal, baka iyaze ŋi na kerkene? Baka iyaze ŋi ra nərə o hodo dondon nane, uga woro na ŋuna me ma me tano nan agata a hado nee ri wuza redo? ¹³ Ədəshəri a Abraham, nan a Isaac, nan a Jacob, Ədəshəri a ano Aco a hado, ŋa yiziza orere o home Yeso. Manze u ware zuzi mi a waŋa ədəshəri konzen u nyamene me a bida bi Pilate, se ma barse da ma sope me. ¹⁴ Ŋŋo wa nyamene ono u sansan nan Ono ma gaŋgaŋ, enze ŋi saŋare ita kira lo əzuzi ŋi ono u wuza ano. ¹⁵ Ŋi wa wuna Ono u Ruza ruma, ono ogome se Ədəshəri wa yiza ənyimin keze—konzen woro wə nəri igiya. ¹⁶ Wagiya, nan u yiya birwa əriji a reme—ono u giya se ŋi nəri ŋi ru—riji re vento ri giya renze rina ŋuna me a gata. Uyiya birwa se ura ənyimi Yeso u wa nyame kweren i gayaŋ ənyimi əhəŋi kusun. ^{17 18} Wagiya ayeno, in ru se ŋi wa wuza nan u dira uru mi, uga nane se ano u tarse ŋi. Bata tegogoro tegeme se Ədəshəri wa buki ənu a kusun ti a tuma, se Ukase o home nin kuna kpai, mana binja eme wagiya. ¹⁹ Ka mi ni, nane, enze i waŋaro, baka da a ita macara aməŋi, baka se ti tiyə ti ra ra tegeme se ara pəni telo ara Aco; ²⁰ enze ma tuma Ukase ogome se a nyaka baka ŋŋi, Yeso. ²¹ Manze ono ogeme se Ədəshəri na ka kake se uca u ŋiza zale tegogoro, aza egeme se Ədəshəri wa biyə nan u dakano a tinu ti atuma a hame. ²² Moses wa zene o go, 'Aco Ədəshəri ma raa yiza utuma uga immi əsuru ənyimi ano wanoye. Ŋo nin ruka te toŋe kima e megeme se mara biyǝ mi iŋi. ²³ Ira ŋuna nane se ono ogome se ma taa ruka o toŋe a utuma ogeme ne a raa wuna o home rus ǝzuzi mi ǝnyimi ano.' ²⁴ A a, enze zale atuma ǝsuru a Samuel nan a geme se a rai a maro a hame, ŋa biyǝ ŋa yisu epe timuru ti giya. ²⁵ Ŋi abiya a ti prophets nan ano u zaka se Ədəshəri wa ŋuna nan ano u wuru, uga nane se ma buki a Abraham, 'ǝnyimi bi sana be masano kweren ŋa ra mura taye.' ²⁶ Amaro se Ədəshəri na yiza orere o home, ma tuma me iŋi yǝi, da ma mura ma nya ŋi taye nan u waŋaro zale u huŋi ǝsuru a macara."