¹ Agrippa goŋ Paul, "Ŋo nin bənu aza rete a re." Enze Paul dura uware o home enze ma kate ma burbənu ma me. ² "In wa kuna biruwa bi runtun, Ogomo Agrippa, dan ruza nlen ŋa man a ra aŋo kane aza zale tewo te geme se ti Jews ti rənu aza ahaŋ; ³ uga nane bakase nŋo ono uru ze gaŋka ənyimi zale ti runa ti imu tarse ti Jews nan man saŋara. Nane ze Na vale kunan shauwo. ⁴ Gaŋgaŋ, zale ti Jews ti ru nane se In waze əsuru a rina biya ron ǝnyimi nnyaŋa man nan Jerusalem. ⁵ Ŋa ruwun əsuru u bura me konzen ŋa nin gara se u cikǝ o hoŋ u Pharisee zi,ono o tente ənyimi u ru maraku ma imu tarse e hedo. ⁶ Wagiya mina tore a rigiya da əbiyə nlen bakase na giŋəri eme geme se ano Aco a hado wə təsi nan Ədəshəri. ⁷ Baka nane utəsə mi onze ugiya aza eboze rikuri a yiya da ŋa kai nane se ŋa gurwǝzənə Ədəshəri ətittiyə nan oŋmwe. Baka u yiya biruwa bi giya, Ogomo Agrippa, enze ara gaŋgaŋ aza me. ⁸ Baka iyaze awe ra adodonzo ago Ədəshəri ta date ma yiziza ono uwənə ni? ⁹ A te ti muru In wara gusa nan rete aron se Nin wuza tegogoro cebete dan nyarna riji re Yeso u Nazareth. ¹⁰ In wa wuza igiya a Jeruselem. In wa pate ano u yiya iruwa cebete i nyan nan agata se in kai əsuru ogomo ti priest, konzen se a wuza ŋe, In wa dunka rebo a ron aza a haŋe. ¹¹ In wa ŋiza kpai cebete ənyimi ti Synagogues konzen In wa wuna ŋe kake a ŋa wuza magita mə uru Ədəshəri. In wata nyaŋe rərə ni konzen In wa nyaŋe kpai a wame kusun a te peepe tin nyaŋa mə kəi. ¹² Se In wa da a wuza nane, In wame a Damascus nan agata konzen nan ubunu əsuru a ogomo ti priests; ¹³ enze u runa u wame agemme, a zate oŋmwe, Ogomo, In wǝ nǝri isaŋsaŋ egeme se ikira oŋmwe konzen o tere ara a haŋ nan ano ageme se ŋa ra ŋana nan mi. ¹⁴ Se woro wa go fǝpu a nyaŋa, In kone remelo ǝbǝnun mi se re go ǝnyimi eboze ti Hebrew, 'Saul, Saul, baka iyaze ŋo ra nyo hoŋ kpai? Eze gbau a ŋo tere ara a colocolo.' ¹⁵ Enzen go, 'Ŋo ze əvi, Aco?' Aco tare, 'Mizi Yeso ono ogeme se u na nyan kpai. ¹⁶ Wagiya yira tore a ŋo atau; baka epe igiya Na yoŋko a ŋo, dan ŋunai u cikǝ orere Konzen ono u yisu eme geme se ŋo ru aza a haŋ wagiya eme geme se ra beze o hoi dan nan udakano ne; ¹⁷ konzen ra zuzu o hoi əsuru ano nan ano əpən se a ŋe ze ra tuma o hoi, ¹⁸ da u pəni ŋi əji Konzen u waŋare ŋe əsuru ə məri a waŋa ma saŋsaŋ konzen əsuru a gata a shetan a waŋa Ədəshəri, nane ze da ŋa kai əsuru ədəshəri u kuŋku macara nan umura ogeme se na nyaŋe ŋŋe ano ageme se ana kwiji ŋi baka u yiya biruwa ənyimi a haŋ.' ¹⁹ Baka nane, Ogomo Agrippa, Min dan deke u tarse eme geme se a nyaka Ədəshəri ni; ²⁰ konzen a waŋa ano ənyimi Damascus yəi, konzen awame ano Jerusalem, konzen a wame an nyaŋa ma Judea kweren nan konzen a wame a ano əpən, Na nyaŋe rituma da ŋa kai ŋa kuŋki!mara a ma ŋe ŋa kuri Ədəshəri, a wuza riwuza ri wuma regeme se reze garere nan u tisa Ədəshəri. ²¹ Enze wa ŋuna ti Jews te meyon ənyimi ugura Ədəshəri konzen a Nara u wuna o hoŋ. ²² Ədəshəri wa vonkoŋ a zene u ra a wagiya, baka nane ze In yere in tore in bii a ano u dira agata konzen a ano əsəssəru dan iyabo egeme se i kira nane se atuma nan Moses ŋa buki ira ŋuna; ²³ nane se Ukase ra kuna kpai, konzen manze a bura u yira ənyimi ano u wənə ma yere enze ma yisu epe ma saŋsaŋ a ti Jews nan ano əpən." ²⁴ Se Paule wa mase u kate rete a reme, Festus yiza remelo ma go, "Paule, ŋŋo u taa pu uburkəlu ni; uru o hoi cebete na ŋunai a burkǝlu," ²⁵ Enze Paul gomme, "In dan burkǝlu ni, Ədəshəri deke tegomo Festus; konzen nan u mutana ze In ra biyə dondon agaŋgaŋ a giya nan biruwa be dendenl; ²⁶ ogomo ze nan uru tegogoro ti giya; nan nane, In bənu nan biruwa təndəsi nan me, bakase na kuna kpai In dan pate iyabo a me ne; baka igiya a ta wuza eme a regoro ne. ²⁷ Ŋo naa gara nan atuma, Ogomo Agrippa? Na ru se ŋo na gara." ²⁸ Agrippa goŋ Paule, "wagiya ŋo nin waŋaron in cikǝ ono u tarse Yeso?" ²⁹ Paule go, "Na remmo Ədəshəri, nee a wagiya nee nan udakano, dan ŋo base ne, zale ono ogeme se mana Kunan kane, mərə cikǝ uga mmi, konzen ken nan magwaiwa mi nyan igiya." ³⁰ Enze Ogomo yere ma tore, enze u gumina, nan Bernice konzen, nan ano ageme se ŋa ra cikǝ nan ŋe; ³¹ uca ogeme se ŋa deke u tidara me, ŋa bənu a ŋe ate Enze ŋa go, "ono ugiya ma dan wuza iyabo se e deŋe u wənə nee ubiza i nyan." ³² Agrippa goŋ Festus, "ono u giya a t inin sope me tago ma dan iza nlen ma me Caesar ne."