¹ Wagiya, Festus wa pete an nyaŋa, nze a tamaro ətittiyə ti taro, ma wame a Caesarea ma wake ma wame a Jeruselem. ² Ogomo ti Priest nan ano əsəssəru a ti Jews ŋa rai nan mə burbənu aza Paul, enze ŋa buki ame ³ konzen ŋa saŋare me ti mala te geme se ti nin biza Paul a iburu—se Festus mǝ tə giŋəri Paul a kaa Jeruselem baka da ŋa woo me uruna. ⁴ Enze Festus wa gare se Paul waze i nyaŋ ənyimi Caesarea, konzen mme nan rete areme maze nan epe u kuru a gemme. ⁵ "Baka nane, ano ageme se ŋa nin date," ma go, "ŋanin wame nan woro. Ngase iyabo mura me, i ta me redeŋ," ⁶ uru nee bituru ni enze ma ru ma wame a Caesarea, konzen ara wa sane ma ka cikə u rakɔ u biyǝ nlen enze ma we a rai nan Paul a ame. ⁷ Se maa deŋe, ti Jews əsuru a Jeruselem ŋa tore voto nan me, enze ŋa me u biyǝ agaŋgaŋ ə mumuru ageme se ŋa tin date ŋa ru iyabo Aza me ne. ⁸ Paul wa kate rete areme nan nlen ma go, "In wata worko a makiri ma ti Jews ni nee aza ugura Ədǝshǝri nee aza Caesar." ⁹ Konzen Festus wa nara umura mənyi a ti Jews, enze ma tare Paul me ma go, "U ra barsa u wame a Jeruselem enze min ka biyǝ nlen ma me aza tommo ti giya ageme?" ¹⁰ Paule go, "Na tore əji ara u biyǝn nlen ma Caesar aregeme se anin biyǝ nlen ma me kake. Ndan worko a uyu Jew ni, uga nane se ŋo ru konzen zale. ¹¹ Taa go na worko konzen taago na wuza emegeme se edeŋe uwdənə, ndan nyamene uwǝnǝ ni. Konzen ngase agaŋgaŋ ǝhǝŋi a woro ze, owe dǝmǝnu se irǝnu manin nyakan a ŋe ne. Na wannan nlen ma me a Caesar." ¹² Amaro se Festus wa maso u bənu nan ano u cikǝ u tidara, ma gare, "Ŋo na yiza nlen ma me a waŋa Caesar. Nane ze ŋi ra wamem Caesar!" ¹³ Wagiya amaro ti muru, ogomo Agrippa nan Bernice ŋa deŋe a Caesarea da ŋa wuza me regen ri ituma a Festus. ¹⁴ Amaro a geme se ma naa ŋuna ti muru cebete, Festus ma biyə mi nlen ma Paule o ogomo me; ma go, "Owe rənu se a deke me amaro baka Felix uga ono inyaŋ. ¹⁵ Uca ogeme se in waze ənyimi Jeruselem, ogomo ti Priest nan ano aŋono a ti Jews ŋa rai nan agaŋgaŋ aza ono u giya i mi, enze ŋa saŋare nlen ma uwuna ome. ¹⁶ Enze in tare ŋe me en go dan riwuza ri Romans renze, u nyaka ono bata abii nlen aza macara ma me ne konzen ma mura ara da ma Kate rete areme aza agaŋgaŋ ne. ¹⁷ Baka nane, uca ogeme se ŋa gurna a rigiya, In wa taa paa ne, bata se ara wa sane In wa biyə nlen ma me enze In ŋuna a biza ono me. ¹⁸ Uca ogome se anon nlen ma me wa yere ŋa tore enze ŋa mase u biyə agaŋgaŋ a haŋe, In wara gusa agaŋgaŋ ageme se ŋa rai nanno aza a hame a wata ze nan agata ne. ¹⁹ Ken nan nane, ŋa ze nan magita a zate a haŋe aza imu tarse eheŋe nan aaza Yeso Se mə wənə, ono ogeme se Paul ra gusa ma da dan ruma. ²⁰ In taa daten in ru nane se nin biyǝn nlen magiya ne, konzen na saŋare me nee ma nin gara a wame nan no a Jeruselem da ŋa ka biyǝ nlen ma me aza a gaŋgaŋ a giya. ²¹ Se uca ogeme se Paul ma giŋəri a deke me a rinyaŋana a reŋe a paa emegeme se emperor nin buku, enze In ŋuna ədə məntə mi a riŋana a redo se na kaa rituma a reme a Caesar." ²² Agrippa goŋ Festus, "In mi konzen ra barsa in ta kuna ono ugiya." "Nan ŋəru," Festus go, "U sa kuna me." ²³ Enze ara sane, Agrippa nan Bernice ŋa rai nan izalla cebete; ŋa ra ǝnyimi u gura me nan ti suja ti səssəru nan ano əsəssəru an nyaŋa ma ape ma me. Se Festus nyaŋe remelo, enze a ra ŋe nan Paule. ²⁴ Festus go, "Ogomo Agrippa, nan kusun ano ageme se ŋa ra rigiya nan woro, ŋi na ni ono ugiya; zale ti Jews cebete ŋa ra mursa ohoŋ ǝnyimi Jeruselem nan a rigiya konzen, enze ŋa səkənə imi ago tago a deke me nan ruma ne. ²⁵ Nǝ ru se ma dan ŋuna iyabo iburu egeme se edeŋe uwǝnǝ ni; baka se mǝnǝ bǝnu nan Emperor, enze na ŋuna se in waŋ nan me. ²⁶ Bata min dame nan eme geme se nin goŋ igiya dan darse a waŋa emperor. Baka nane, Na ra nan me a ŋo, ŋŋo, Ogomo Agrippa, baka da min mura agaŋgaŋ a geme se min nin darsa aza nlen magiya. ²⁷ Baka se min ra nərə se ita ze kima in sope ono i nyan konzen in dan darse iyabo aza ahame ne."