1 Mun tumu Baku ma tongnung ka tong feh mabi. ngha sun lewer kuyo kalang bah kwana ku nzah. A panai gir fah kun ka'ana ma mpuk wuh. 2 Fana beh kun mpuk wuh ka lele pura kuyo beh kun mpuhu bene i kuyo mwara kal bissa. Misa i bakalang pi'ira pinai ku chew beh lele ku yo kun beh mpuhu. 3 Wu jiri oura ku beh lele mayo nzah, ka a panawa ngyarngya bene mawu zhengye ku nzah 4 A chiwna wa ne a doh suhu to'o ku nzah sa ke gir bah sa'ana ke nguni, a pa'a iwu bapina bah a doh chijik ma Baku ku kundumya sa. 5 A do yirawa kun ne a wol wu bah bapina sa, a pawa chiri ma zungya tongnung. ko konya bene ta'a jengye bah na swa'ana muni. 6 Ku wu nongy bili wu bapina ko pis wuh a ko do kum sa. Ako njel ne a wuh beh wuh ko bangyah ji'ingi ya. 7 Wu beh jiri a bene burshi bah a girsai mashen nda lwa burah. Gima iku murya bene kara gom ma tah nga'abolo, misya bene ma wu bapina. 8 Ai ngyong murya, bene ma wu maam ngyirngyi ya bene ma wu "Yima." 9 Ai gir kusu kwa'aya bene bolo ma kusu ku'u kur kikauya bene wu gir bi'ihi iwu burshi bah amur bang mashen nda lwa bura. 10 Ai nshilya bene ma zhengye ma tah wu bapina; iku beh nshilya ai ngyarngya ma ma'a bapina ne i sun chiri ma zungya tongnung. 11 Mun tumu ham ku beh mpuk wuh bene ma Gom. lu'uli i Yahudanci Abadan i Helenanci Afoliyon. 12 Lwa bura ma mo'on bwa'ala. sunu! ku nzum mani gir ma biwai baring koyo. 13 Mun tumu Baku ma tangza twangna feh mabi, ka wa'ana jimmu pura kuyo bum feh ma "zinariya" ma ban ton ngyam bah iku dum Baku, 14 Chiwa yi beh mun tumu Baku ma tangzah bah yini i beh feh, "so'o buk wu muna tumu yinung bah a kasa kunya ku mwara sall Yufirestis.'' 15 Wu mun tumu yinung bah a ma'anaya ma bolo maduhi ma beh zungya i ma beh ba ne a wol zam tarung mawu bapina ma nzah. 16 Beh wu bah tah mwarang bah a wo mur burshi a 200,000,000. wa'ana zamya. 17 Inah ma suna wubah burshi ku loro iwu bah a yiuna ku murya: Wu gir ma'a ku kwa'a ya bah ai lelkun bissa pinai, bulung bulung, i mu'uru mpumpuhu i lelkun bissa mu'uru kwa'ala. ka'amur wu bah burshi bene ma wu "Yimma," bissa lele i lel kunu imu pur kuyo kunya. 18 I ku chew wu ko'ongo tarung mani wala wu bapina zam tarung: beh bissa, lele, i lel kunu bah pura kuyo kunya. 19 Ngyarngya ma wu bah burshi i ku kunya i njila ya, beh njilaya bene wu yo'o, ai ka'amurya bah ai lum wu bapina pur pengye. 20 Wu gamur bapina bah beh ko'ongo do wala ya sa, do ji'ina tum bukya ma chew biwa sa, ke a ji'ingna so'onzah pawu kilah i wu waru ma "Zinariya. Azurfa" ta'a ngya'abolo i nguni wu gir bah a do i sun ban sa ado i shenshene sa. 21 Ke a doh ji'ingna gbol wu bapina sa wu bah bwiri, wu bah nong i yirya ke tum nshiwi ya.