1 ngha sun mwara mun tumu Baku magina ku mur su'ulu ku yo kalang. kusa muri i "gajimare." mishi bene missa mgbi'i bene kpuk ma bissa. 2 Bwala mu mpuknsheme bah fana ku buhi. Chiha mgbi'i ma lih ku sallah ka mgi'i ma musum ku nzah. 3 Ka ngya kuni bwana bene "Yimma." bah imu pa'a bura. ngya'aha uni ka mwarang ma kalang tangza baring sa'asa ban. 4 Ku nzum bah beh mwarang ma tangzah baring pura, miku mur njel ngwo'olo, ka wo jimmu kuyo kalang mur chewne, "Kusu gir bah wu mwarang ma tangzah baring chiwa do ngwo'olo sa." 5 ka beh mun tumu Baku bah suna chila ku sallah i nah ka tol buhi mali mashen kalang. 6 Ka kanbwa i yi mo'onah bah yini i nchimi ma malai sa, yi bah ma'ana nzah i kalang i mbwang wu gir bah aku bwi, nzah i mbwang wu gir bah aku muri, i sallah i mbwang wu gir bah aku bwi beh mun tumu Baku ka chewne, ko do basa bol ban bwana sa. 7 Ku beh duk bah mun tumu Baku ma tangzah baring kuyo nda tong feh mabi, bene bah pana beh lo'o ma shimai yi wu bah tumui wu bah sun duwa." 8 Wa'ana jimmu kuyo kalang basa lwa'ana yam kpa: neh shen tolo fah beh mpuknsheme bah iku buk mun tumu Baku bah chila ku mur sallah i ku ur nzah." 9 Ka mi shina bah beh mun tumu Baku chiwai ne i pam be mu mpuknsheme ka chiwam ne, " Yah beh mpuknsheme lih ko mah boh lulu, iku kuno ko luro bebe nghi. 10 Ya'a beh mu mpuknsheme ku buk Maleka she'e, rurwa'ana bene nghi ku kunam, bah she'e malama pirwi ning lulai ku bwam. 11 Yi ma magina chiwam ne mu lo'o chew sunduwa ku mur wu bapina bwana , wu gamur bapina, wu taraman, wu lassu i wu Gom."