1 A ka pam gara mo'on bene gar mawu gir ka a chewam ne," La'ahun shen mah lah Baku i ban ton wu ngham bah a wara yi Baku, i wu bah lem Baku bwi. 2 Doh mah beh kasban. A ko shen kumur ram ma Puhu ma zungya lum yinung i kumi baring. 3 Moh pah wu bah reng kunam baring kunu ne a chew gir bah koyo ku dwa ma nongho 1,260 a yi'isa twan ma chiri." 4 Beh wu bah rengkunu yini beh ngun foh i bisa sun ban baring bah a chila ku dum Baku ma nzah. 5 Bwara na njila pa'awa gir biwa, bisa ko pur kuyo kunya i leshe wu mwan bura ya. Bwara na njila pa'awa gir biwa ai woh ku njere bili 6 Wu bah rengkunu mani ai ngyarngya bah ai ngi pah kunu a kusu bah kalang ne mbulu doh yo i misa sa, ne a kumu sun dwa. Ai ngyarngya ma pi'iri wu mu'uru ne a ning shila ai mah wu gir biwa bah ana njila ku nzah. 7 Ana mala pah lo'oya, ka beh ngyam bah pura kuyo buhu ma mallai sa ko yowa i bura. ko gan murya ka iwol ya. 8 Loya ko nong ku kasban ma mor ram (Bah i bene a tu'ulu saduma i Masar) bana bah a kpangna Baku ya ku nguni. 9 Duk tarung i gamuri wu bapina mbwang ma wu raman lassu i nzahban ko sun be loya. a ko do yere ne ashen kor mbuhu ma'aya sa. 10 Wu bah a ningna ku nzahban ko bong nchimya ku murya a ko tahngom. A ko pa'aha wu gir i yirya ku chew girbiwa bah wu bah sunduwa baring mani pa'ana wu bapina bah a ningna ku nzahban. 11 Nongho tarung i gamuri n bwa'ala waso mah nchimu kuyo bah Baku lo borya, a ko la'ahun chele i ngba'aya mwara ji'iri bwara ku yir wu bah sunaya. 12 Ka a ho wo'o mwara jimmu kuyo kalang imur chiwa ne,"Wu yo nini!'' A ho la'ahun yeu mashen kalang ku rungdung, wu mwan buraya ko sunu. 13 Ku beh bolo bili mwara ji'iri nzah ko puru nzah ko sa ya'ara beh gigen ram ko she'ele bwang. wu bapina 7,000 a wo'olo ya ku beh saya'ara nzah, wu bah ai nchimya ji'iri ko bolya a ho so'onzah pih Baku ma kalang. 14 Lwa bura ma baring bwa'ala sunu! bura ma tarung wuna chichik. 15 Mun tumu Baku ma tangzabaring ka tong fei, mwara jimmu ka lo'o kuyo kalang ka chew ne, "Banning hah ma nzah ning hah ban ningha ma Baku i mun Baku ko ning gom ma malai sa. 16 Wu jeh lum baring i kuni yinung.bah a ningna ku mur gir ningha ya ku Dum Baku, a dumn misya su'ula a swa'ana nzah napai yi Baku. 17 A mu dhew ne," su bwata weh, Tarsu Baku Bwajeh weni bah weh ham, weni wo ham, chewbah a twala mwara ngyarngyau a paka gom moh. Beh Gom ku mur bwang beh mo'on bah yi, yi bah ko yo. 18 Wu raman ji'iri bwala ya, suhu nchimu uana. Bolo yuana ma rengchewe yi wu bah wuhna i we mawu pih mun tumau kuru mgbi'i bah sunduwa i wu shima bapina ma Baku i wu bah ai bangna ji'iri lu'uli,wu mun i wu jeh. Beh bolo yuana bah wu gasping wu bah gasangna beh nzahban. 19 Ban lem Baku ku kalang a nanah ka a suna ka'ango'oro kur buhu ku ban lem Baku. Nzheme kumur le'ehe ban kumur bunghu mwarang ma kalang ku mur sa'as ban, nzah kumur ya'ara, i mwa'ara ngya'a lilah.