1 Ngah gir magina dam mwarai sa'a pur ku kalang bamaam bah kusa yiri i missa, chila ku mur zungya, i wu ka'atah ma lewer lum kuni baring ku ka'amuri. 2 I wu rutsa i bum, ka mur zollo i li chiri chew bah wu tah pwer ma bili. 3 ngah gir magina pur ku ho kalang kpa; dam mwara yo'o ba'ai, i wu ka'amuri tangnzah baring, i wu feh lum ho ku beh wu ka'amuri i wu ka'a kala ma jeh ho beh wu ka'amuri. 4 Beh nshilih yes wu lewer kau i yo kalang so'o ya su'ula mayo nzah. Beh yo'o ma ka chele ho ku dum maam ma bah wu taa pwer may nda bili ma, ne ku bol beh muni wolo she'e na bilama. 5 Ka bil mun-ba-bura, bah ko reng wa wu bapina bwang ku taraman i garah ma bolo. A toh beh muni war mashen bah Baku, mashen ban ninghi renghei. 6 Beh maam ma ka la'ahun bang mashen ciri to'o bana bah Baku girsai ne i ning ho banai ma duk 1260 7 Lwa-bura ka la'ahun ku kalang, Mikailu i wu maleka yi a lwa-bura i dragon, yi dragon i wu Maleka ma piia pirwi ku nda lwa-bura i wu mikailu. 8 Dragon i wu maleka yi, ngyarngya ya wu shewe, a do bassa kum ban ningha ya ku kalang sa. 9 Beh dam-mor dragon ma, a toli buk su'ula mayo nzah yi ka'ajeh yo'o ba ai tu'uli ne bah kila, ke shetan, bah lere wu taraman bwang mashen nda kping. A wu toli buk mayo ha taraman i wu maleka yi bwa. 10 Ngah wo'o mwara jimmu i yo kalang i mur chew ne; i manim ra;atsa buhu,m i ngyarngya, i mulki ma Baku su, i renghe ma Kristi a puru yuama; Yi bah war chewe wu so'onghi su shen bah Baku duhu i missa, a toli buha su'ula ku nzah. 11 A wo ngyarngya gani, nso shila mungam ma, i nso lo'o ma pa she'ele ya; a wu do njel nchimya bwana sa, ma beh girwar ya mashen wuh. 12 Na ningha nah i bong yirwun, wu bah wu ku kalang i wu bah wui ningha ho ku chiri gir chiri mashen ba wun we nzah, i we teku, chew ne, yi bah kila ma su'ula ku ba wun rutsa nchimi i bura, chew bah i shi'ila ne missai taa pwer ku mala. 13 Beh Dragon (Mwara ngham to'o ma biwai) ma'a sun ne a toli buha su'i;a ku nzah, ka ba ngha pir ta'a maam bah wo bil mun ba-bura ma. 14 A pa yi maam ma kikawi baring bene ma mwara buhul, bah ko ngi lel kukalang mashen bana bah a giorsai ku ciri to'o, bana bah a ho ninghi suni ku missa mo'on, ku missai bwana, i ku gamuri missa, ne bah kila, yo'o ngyam to'o ma ku do kumi sa. 15 Beh yo'o (Dragon) tah titar pur i yo kuni bene mu'uru ku salah, ku yo nzum maam ma ne i yeshi kau kwanshere i yi. 16 Ngya'a nzah kum beh sari ma, ka fah kini zo'oso mu'uru ma sallah bah i mur pur ku yo kun yo'o ma. 17 Beh Yo'o ma linchimi i maam maa, ka bor ku nda lwa-bura i wu gamur shil maam ma; ya wu bah a pana murya i dokoki ma Baku, ai pah she'ele bwa ku mur Yeso. Yo'o ma ka yewe chele ku mur nzah shilaa ho ku beh ciri mu'uru teku.