NGYI 13

1 Nga sun ngyam to'o magina i mur pur yoo ciri teku, i wu fih lum i ka'amuri tangnzah baring i katah Gom lum ku mur wu fih, i lu'ulu ma sheshe i suhu nchimu a ngwa'ala ku beh wu ka'amuru bwang ya. 2 Beh ngyam to'o bah sunu i bene mumpiri, wu mgbi'i bene mgba'a bear i kuni bene ma Yimma. Beh dragon panai beh ngyarngyayi i ban rengchewei, i renghe yi ma mwarai. 3 Mo'on ku ciri wu ka'amur ben ngyam to'o i bene wui biwa pengye ku ka'a muri bah bilama. wu taraman bwang fa'aha kunya, a kwa ku war ta'a be ngyam to'o ma. 4 Wu bapina a so'o nzah pih beh dragon chew bah toh renghe yi panai ngyam to'o, a mur so'o nsah pih ngyam to'o kpanah, a mur mwe ne, Yen bah jina i ngyam to'o? yen bah ko ngi lwa-bura i yi? 5 A panai ngyam to'o kunu ma lo'o wu ngya'a lo'o ma biwa i sheshe i ningyi renghe ma zungya lum yinung i kuni baring. 6 Ka fah kuni ku nda sheshe Baku, i suhu lu'uli i ban ninghai i wu bah ai ningha ku kalang. 7 A panai ngyarngya ma lwa-bura i wu ba war ta'a Baku, ne i kumu liya i bura. A wo panai nenghe ku mur wu nsheliu, i wu bapina, wu lassu, 8 Wu bah ai ningha ha ku taraman a ho so'onzah pih yi ngyam to'o, bwang wu bah a do ngwa'ala lu'ulu ya ku ciri mpuknsheme ma nchimu ma mun-gam bah wo so'o shillai ku yo duk bah a chiha ta'a taraman. 9 Ba nai i bumburi, i gishi wo'o 10 Na ninghane bwara ko li chiri, ko ninghi li chiri. Bah na ne i wol bwara i be'eu ridjing, i beh be'eu ridjing a ho woli kpanah. Mani njila ne wu muna Baku ning wu bah kurnchimya, i chele i ngyarngya, i pah ngichewe bwa. 11 Ngah sun beh ngyam to'o magina i mur pur i yo ciri nzah, i wu feh baring bene ma gam i mur lo'o bene dragon. 12 Ma kun ngyam to'o ma mo'on ma, wuy pa'a tumu i renghe, ka ma'a taraman i wu bah ai ningha ku cirii, a so'onzah pih ngyam to'o ma dwai, bah a biwa-pengye ma ka'amuri wu bilama ma. 13 Kka pa'a wu mwa'ara gir ma fahkunu, ka ma'a bissa pur i y kalang su'ulu yo nzah ku ngya'amish wu bapina. 14 Chew wu ngya'a gir ma fah kunu, a wo pih ngyarngya ne i pa'a makun beh ngyam to'o ma duwa ma ne, i lere wu bah ai ningha ku taraman, Ka ma'aya ne a gah ka'awaru tumu chew ne, a pa murya yi beh ngyam to'o bah a wo kor ka'amuri pur pengye i be'eu ridjing ma, i shi ham ui nchimi. 15 A wo panai yere ne i pa woso yi be ka'awaru ma ngyam to'o ma duwa ma ne, ko ngi lo'o ma'a wu bah bi'ina ma so'onnzah pih yi be ka'awaru a ho bwol ya. 16 Ka bassa ma'a wu bapina ma kiri, wu mwa'ara ya, wu zuk-zuk ya, wu bah gulbukya shiwa, i wu bah lili, wu bah ningha ningha ya, io wu korom ne, a sa'anga she'ele ku bukya ma li ke ku kun dum ya; 17 Ne bwara ko do ngi kur gima ke i kur iyi sa, shee nai be sa'anga she'ele, bah yini beh lu'ulu ngyam to'o ke lamba ma lu'uli. 18 Mani ko njel nzor bwara ba nai she'ele, i bol beh lamba ma ngyam to'o, yi lamba mau bapina. Beh lamba yi 666.