NGYI 14

1 Ngah chele sunu, yi mun gam ma, chila ho ku dwam ku ur gbo'o tah ma Sihiyona, i yi, wu bapina 144,000 bah ai lu'uli i lu'ulu Tari ngwa'ala ku kun dum ya. 2 Ngah wo'o kur ban i yo kalang bene kur mu'uru ku salah ke, bene kur li nsheme mwarang ma gana. Beh kur ban bahh wo'o wo bene mau bah ngya nzhengereng a mur ngha nzengereng ya. 3 A wu ma'a piwi nshele ku dum ban ninghi renghe i ku dum wu yinung bah ai nchimya ma, i ku dum wu jeh. Bah wara bah ko ngi ye'ele beh nshele shee wu 144,000 ma bah a ra'atsa bukya ku yo taraman. 4 Ya wo bah a do twa'anga yiya i wu maam sa, a ninghi wara yirya param i meng to'ongo. A wara ta'a beh mun gam mashen bana bah na mur shen mashen ham. A wo ra'atsa bukya ku yo ciri wu bapina ne, a ning bila ma bas yi Baku i beh mun gam. 5 A do kum kun magina ya i lo'o lilim sa, bykya wo torom. 6 Ngah sun Maleka magina i mur bel ku chiri kalang i wara bishara ma hueng bah ko pah kunu wa bah ai ningha ha taraman, mashen bau wu ram, nshiliu, lassu, i wu gamur bapina. 7 I mwara jimmu ka chew ne, "Wu bang ji'iri Baku wu pi rung njung baonghoi chew ne missa renhe yi yuama. Wu so'onzah pi, yini [a'ana kalang, nzah, teku, i ban pur wu mu'uru. 8 Mo'on beh Maleka ma baring ma, war chi'i i mur chew ne, "I kwahma, kwahma dam mwara Babila kwahma, yti bah ma'ana gamur wu bapina bwana nuna ngar pa'a girbiwa yi (Pe'e wu bura)." 9 Mo'on Maleka ma tarung Maleka war ta'a ya, ka chew i mwara jimmi ne, bwara bah na so'onzah pana yi ngyam to'o i ka'a waru yi, ka kuma sa'anga she'ele ku kun duwi, ke, ku buhi, 10 yi bwa, ko nuh mu'uru ma yangnai ma li nchimu Baku bah a suana i ngyarngyai ku bum gir feng ma suhu nchimi, a do su'urai i gima sa; ko li chiri i bissa bah ii do wo'oho sa ku dum wu maleka ma shimai, i ku dum mun gam. 11 Beh lele ma li chiri ya ko yewe mashenzhe'e i zhe'e. duhu i missa bah ban nos wa wu bah ai so'onzah pi yi ngyam to'o i ka'awaru yi, ke bwara bah i sa'anga ma she'ele ma lu'uli." 12 Mani i njel kur nchimu, chele i wu bah pahmurya yi Baku i wu lo'oi, ne a ning wa bah ngichewe yi Yeso. 13 Ngah wo'o jimmu i yo kalang i mur chew ne, ngwo'olo; Gir shima mashen bau wu bah a wa'aha ma, bah a wuna ku ciri yi bwajeh i mani mashen duwa." 14 Ngah sun Puhu rungjung chila ku dwam, bah ningha ho ku beh chiri rungjung wo bene mun bapina." i kata ma tah ma shimai (Zinariya) ku muri, i be'eu ma linai ku buhi. 15 Mo'on Maleka la'ahun pur i yo ka'ana nere Baku ka tu'ulu i jimmu ma mwarai. yi bah wu ningha ku mur rungjung. yi bah wo ningha ka mur rungjung, ne, "toh be'eu (lauje) ne yum bila chew bah missa ma yumu ndama, beh ngah bila swa i rege bangha ma." 16 Beh bah wu nighya ku mur rungjung ma buk be'eu (lauje) yi su'yla ku mur taraman, a yum wu ngya'a bila ma taraman bwang. 17 Yi mo'on maleka kpa ka pur i yo ciri ka'ana nere bah i ku kalang, yi i be'eu (Lauje) ma linai. 18 Mo'on Maleka kpa, ka pur i yo bana chele lo'o i renghe (Bagadi) ma ka'ana nere Baku, yi ii ngyarngya ku kur bissa; ka tu'ulu i jimmi ma gana yi bah wara beh be'eu lauje linai ma ne, nara beh be'eu lauje ho ma linai ma ne yum wu ngya'a bila bah a bangyama ku taraman. Wu muna beh ngya'a bila a bangya ma. 19 Beh Maleka yere buk be'eu lauje ma ku mur taraman, ka yum beh ngun bi zuwe ma, a tu wu bil muni so'o ku bana ka'anga mu'uri ma suhu nchim Baku. 20 A dangar bana kam beh mu'uru bil zuwe ku yo nzum chiri ram, shilah ka ningyi nda tuh puru i yo h bana bah a mur kam beh bil zuwe ma, kaa gulu ning bene nkuri kun burshi bah ko gulu sa ji bene mel 1,600.