1 Suna ngya'a gir magina ku kalang i mwaraui ma shimai bwa. Wu Maleka tangsa baring ai beh gbashi ma marsai ma tangsah baring, ma marsai chew bah ku chiri ya, suhu nchim Baku malama. 2 Nga sun gima bene mwara mu'uru ma gir sun missu a binai i bissa, wu bah a chi'ila ho ku beh kang mwara mu'uru ya bah a lina bura ku mur beast i ka'a waru yi i lamba ma lu'uli. A wara wu nzheng gereng ku bukya bah Baku pahna wa. 3 A mur ma'a nshele ma Musa korom ma Baku, i nshele ma mun Gam, a mur chew ne, "Tumu wo a mwa'ara ya, i ma shimai; aa Bwajeh,Baku ma gana wu nshere wo a shiaya i ngichewe; We Gom i yo zhe'e ku mur zhe'e. 4 Yen bah ko do bang ji'iri wo, ke, ku do toh lu'ulo yiwa sa, a Bwajeh? We lo'o ma shimai. Wu gamur bapina a ho yo so'o nsah ha ku duwo chew bah tumu wo ma shimai a suna ma. 5 Ku nsum gir mani, nga sun ku kalang ka'ana nere, yi bana pah she'ele wo nwangya hong. 6 I yo ho chiri bum beh ka'ana nere, wu Maleka tangsah baring ma pur i wu gbashi ma tangsah baring. A wo yi'isa ka'ala ma shima ya bah a mur ta'aha kelkel, a ku'ura kwa'aya i twan bah a pa'a binai i tah ma shimai (Zinariya) 7 Mo'on ku ciri yinung wu gir bah ai nchiya ma, pawa wu Maleka tangsah baring i wu peleng ma ta'ah ma shimai tangsah baring rutsa i suhu nchim Baku bah ko ning ma hueng hueng. 8 Beh ka'ana nere ma rutsu i lele ku yo rungdung bwongyo ma Baku, i ngyarngyai bah bwara ko do ngi bor beh ka'ana nere sa, shee wu gbashi tansah baring i wu Mleka tangnsah baring ma a na boro malama.