1 ngha wo'o dam mwara jimu ku yo ka'ana nere Baku i mur chew wa wu Maleke tangsah baring ne, wu shene sa so'o wu peleng ma suhu nchimu ma Baku ku mur Taraman. 2 Mo'on ku chiri wu Maleka ma sa war peleng ma bi so'o ku mur nsah ma Tarman, kaa pirwi ning tamburi ma biwai bah i yo ning pe'e, i pah lulu, ka kwa ku mur wu bapina bah a sa'a ngha ahe'ele ku mis ya. Yana wu ba ai so'on nsah pi beh ka'a waru. 3 Ma baring ku iri wu maleka ma a so'o ma bi ku ciri mu'uru ma teku; yi bah pirwi ning bene shilah lo bapina, wu gir bah ai nchimya ho chiri u'uru wo'oho bwang. 4 Ma tarung ku ciri wu Maleka ma sa so'o ma bi ku ciri salah, i wu muna gau bwa'a, a pirwi ning shilah. 5 ngha wo'o yi maleka bah ningyi sun mu'uru ma chew ne, "We bapina ma shimai ku reng chewe mani, wu ham, bene bah a wo ham, we ma shimai, chew, bah a ringya kahkah; 6 A swa'ana to'o i shilah wu bah pangihewe i wu bah sunduwa, yi bah a pa wa shila ne a nuh, i bwangya wa naa." 7 Ngha wo'o bagadi i mur chew ne a we Bwajeh Baku, we yi ngyarngya bwang, wu reng chewe wo ma ngichewe wo ma ngi chewe bwang ya, ya ma shima ya bwa. 8 Ma yinung ku ciri wu Maleke ma sa so'o ma bi beh peleng suhu nchim Baku ma ku mur missa, a pah ngyarngya yi missa ne i ton wu bapina i bissa. 9 Wu bapina to'ongo yirya chew ban bah wu birwe biwa; a ningyi nda pah kunya ma biwai i lu'ulu Baku, bah ii ngyarngya ku mur beh gbashi bah kuma ya; a bene ma ji'ingi pa'a gir biwa ne a to lu'ulu Baku yiwa. 10 Ma tongnung ya, sa so'o ma bi beh peleng ku mur ban ningya ma rengchewe ma beast, nsah yi ka ning ku pinna. Wu bapina ningyi9 nda lu'ungu lasya chew li lulu. 11 A ning ku nda pa kunu ma biwai yi Baku ma kalang chew lulu i tamburi bah ma'ane pe'e ku yirya: a bene ma ji'ingi pa'a gir biwa bah ai ning ku nda pa'aya. 12 Ma tangsah ya, sa so'o ma bi beh peleng ku mur dam mwara sallah bah ai tu'uli ne Affaratis; beh mu'uru ma sallah yum bwang chew ne i girshi nshere wa wu Gom i yo ram ma pim-pim Ban pur missa. 13 Ngha sun wu Mpilar mau kila a tarung bah a bene, wu liloo; a pura iyo kun Dragon i yo kun beast i kun wu bah sun duwa ma lilim. 14 Ya wu mpilar mau kila bah wu gir ma mah chi'i sahai, ai puru shen bau wu Gom ma Taraman bwang, ben murya mashen nda luabura ku dam mwara duk ma Baku bah ngyarngya bwang. 15 (Sunu, mii yoh bene bah nshiwi." Gir shima mashen yi bah ii ning bising ku nda ning lele wu twan yi, ne, i do shen danggbiring yi sa, ko ning yi gir nzoon.") 16 A kau mur wu Gom benya ban mo'ona ku bana bah a luanai i Ibrinanchi ne Haarmageddon. 17 Ma tangsa baring ya, sa so'o ma bi be peleng ku chiri parah ban, shee mwara jimu pur ku yo ciri bum ka'ana nere Baku, iyoo ban ningyi renghe ma gahnai, i mur chew ne, "I jiya ma!" 18 Shee li nsheme, i wu jimu, i mwarang ma kalang, i mwar ji'iri nsah, bah a do shi pa'ai bene bili ku nsh sa bah wu bapina ha taraman, beh ji'iri nsah wu ma mwarai. 19 Mwara ram ye'ere gau mashen tarung, ram mau gamur wu bapina she'ele. Baku ka re'eshe i dam mwara Babila ka pr gir eng rutsu i mu'uru ma ya'a nghai ma suhu nchimu. 20 Wu mur sah ku mwara bwah bangya i wu mur gbo'o bwa pa'a param. 21 I yo kalang wu mwa'ara lila'a bah a bene tah lu'uru ya sa jina bene waya lum gba'a lum (100 Ibs) ka ningyi kwa'aha ku mur wu bapina. A ning ku nda pah kunya ma biwai yi Baku, chew beh gbashi ma lila'a wu ma ganai.