1 Mo'on ku ciri wu muna tumu Baku tangzah baring, tangnzah baring yo lo'ana yam ne, " Yoh mo rumo i bi'iwi ma mor kpoh bah ningya ku mur wu mu'uru. 2 Wu gom ma taraman a nwangna i yi ka wu bwa taraman a pa'ana mbwa i ngar po'ongai. 3 Ka beh mun tumu Baku twala mi i mpilar mashen to'o ka nga sunna aam magina ningya hu mur ba'a ngyam to'o yiri mbwang rusa i lo'olo'o ma sa'anga Beh ngyam to'o i muri tangzah baring ka wu feh lum. 4 Beh maam mah yi'isa ba'a twan ka ba'asa yiri i ngya'atah ba'a shima ngyatah ku luru wara kwor ba'a ngytah i buhi bah rusa i wu gir ko'o ka wu ka'ala biwa ma pe'e wu burai. 5 I kudui kpah a ngwa'ala lu'uu magina maswarmai, "Babila mamori, ngih wu pkoh ngih wu gir mako'o ma tahraman" 6 Sunna ne beh maam ah pa'a bwah i shilla wu bah girshima ka i shilla wu bah pana ngichewe i Yeso bah sunai, fahna kunam. 7 Kpamah beh muntumu Baku lo'ana yam ne "Mani ma'ana a fahna kuno? Mo fah wu girma swarmai i mur maam mani ka io beh ngyam bah twalai bah muri tanzah baring ka feh lum . 8 Ngyam to'o ba a sunna mani, bah i wo ha i do ha imani kpah sah, ko pur yo mpuhu ma lima, i shen sa kping wu bah ningya ma taraman bah yo cita'a taraman a do ngwo'ala lu'ulu ya i ku mpuknsheme nchimu sa, a ho fahkunya i sun beh ngyam to'o, chew bah i wo so ha sa, i do ha imani sa, ho bunyere yo. 9 She'ele mani ho ning i nzor Beh muru tangzah baring mah, yini gbo'o tangzabaring bah maam mah ningya ku murya 10 Ya wu gom tangzah baring kpana, a su'ula i wu tongnung i ciri ya m'onya i ha, mo'on do shi yuama sa, na yuama, gba'a ho ning ma muban chige'e. 11 Beh ngyamto'o bah wo ha, i do ha imani sah, yini gom ma yangah, pura yo ciri wu tangzah baring ma ka i mur shen nda wui 12 Wu feh lum bah a suna maya wu gom lum, bah a shiham ma so'o wa beh gom, i ban mo'on nah a ho pawa ganmuru ma war muru ai beh ngyamto'o ma. 13 Wu bamani re'eshe ya mo'on nah, a ho pi beh ngyamto'o mani ganmuru ya ka pahkunu maya. 14 A ho lwa bura i un gamzur, mun gam ho lih ya mbwang, yi ai wu bah a tu'ula ya, a tara ya wu bah ngichewe, chew yi tar wu taru. 15 Beh muntumu lo'ana yam ne "mu'uru bah a suna, bana bah kpoh ma ningna, wu bapina langya-langya, kammuru wu bapina, ka wu raman ka wu lassu 16 Beh feh lum bah a suna, ya i beh ngyamto'o ah a ho be'ene beh kpoh, a mi'i i ning ka'ala. a mi'i i ning mgbelei, a she'e ngyam yi, a tonni. 17 Chew ba Bku ma'ana ku nchimya ne a pa'a gir yi njila. ne a yer ne a pi ngyamto'o ganmuru ya kasa ma a rutsu lo'o Baku. 18 Maam bah a sunna, yinio mor ram bah i ganmuru ma warmur wu gom ma taraman."