NGYI 8

1 Beh mu nzur yo fa'aha be gir bah a wo kusa ban magina cheche'e ku kalang ma gau bolo lah baring. 2 Ka suna wu muna tumu ma Baku tangzah baring a chila ku dwi, a panawa feh tangzah baring. 3 Mo'on mun tumu Baku yuana, buala gir so'oh "turare" chila ku ban ton beh "Turare." A panai beh "turare" bwana ne i nere Baku chew wu bapina bah war chi'i ku mur beh "turare ma zinariya" ku ban tono ku ban ninghai. 4 Beh leleh ma "turare" i nere Baku ma wu bah war chi'i ma ngichee yiwa kalang i dum Baku kuyo buk beh mun tumu ma Baku. 5 Beh mun tumu Baku ka tol beh gir so'o "turare" ka rusu bisa ku bwi kuyo ban ton "turare." ka yere ma'a buhi mayo nzah, mwarang ma kalang ka ngya'aha njeme ninghi nda bungban, nzah ka sa'aha ya'ara. 6 Beh mun tumu Baku ma tanzah baring bah yini i beh feh ma tangza baring bah a girsaya ah tongho. 7 Mun tumu Baku ma mo'on twagna feh mabi, lah bisa i bisa pura twafna i shila. yere ma'ana mayo nzah mane zam tarung yi li bissa, zam tarung ma nguni lihna bissa mbwang, wu to'o bah mu'uru mpumpuhu lihna bisa bwang. 8 Mun tumu Baku ma baring twangna feh mabi, gima bene mwara kon kumur li bisa a turu buha ku sallah. zam tarung ma beh sallah ningna shila. 9 Zam tarung ma wu gir bah ai ncimya ku mu'uru wunah, zam tarung ma wu "jirgi" mu'uru tana kpasang. 10 Mun tumu Baku ma tarung twangna feh mabi, mwara lewer yini lulai. zm tarung ma wu sallah i mu'uru bah imu pur kuyo nzah. 11 Beh lu'ulu lewer yini lulai. zam tarung ma wu mu'uru pi'ira lulai, wu bapina bwana wunah ku chew beh mu'uru bah lulai. 12 Mun tumu Baku ma yinung twangna feh mabi, zam tarung ma missa bung ban yi wuna i zam tarung ma zungya, i zam tarung ma lewer. Zam tarung ma mbwang ya pirwa chuhu; zam tarung ma misa i chuhu do bungna ban sa. 13 Ngha sunu, ka wo'o mu ngyil gigi ku mur bo'olo ku muram i mu tu'ulu i mwara jimmi "Chiriwun, chiriwun, wu bah wu ningna ku nzah, ku chew gamur feh bah yirai, gir bah ko yar ku murwun bah wu muna tumu Baku tarung a yo nda tong ku murwun.