1 Ka yo puru bo'olo nga sun wu Maleka yinung chila ku kang ban yinung ma taraman, a bwol wu gung yinung ma taraman wara ku bukya ne, mo'onya mi do bang ku mur nzah, kie ku mur mu'uru ma teku, ke ku mur wu nguni. 2 Ngah sun Maleka magina wuna. pura i yo bar nzah, wara gir kusu ban ma Baku bah i nchimi. Ka tu'ulu i mwara jimmi wu maleka yinung bah a pana wa ngyarngya ne, a ya'a wu nzah i mu'uru ma teku su'uru suhu. 3 Ka chew ne, wu ma do suhu beh nzah, ke mu'uru ma teku, ke wu nguni, shee suna kusa kun dum wu korom ma Baku su. 4 ngah wo'o ne, wu bah a kusa kun dum ya, a balya sa jina 144,000 bwang ya, a yo lassu ma muna Isra'ila. 5 Ku yo nshiliu ma Yahuda a kusa kun dum wu bapina dubu lum i kuni baring (12,000) ku yo nshiliu ma Ruben a kusa kun dum wu bapina dubu lum i kuni baring (12,0000 ku yo nshiliu ma Gad a kusa kun dum wu bapina dubu lum i kuni baring (12,000) 6 ku yo nshiliu ma Ashira a kusa kun dum wu bapina dubu lum i kuni baring (12,000) Ku yo nshiliu ma Naftali a kusa kun dum wu bapina dubu lum i kuni baring (12,000) Ku yo nshiliu ma Manasseh a kusa kun dum wu bapina dubu lum i kuni baring (12,000) . 7 Ku yo nshiliu ma Simeon a kusa kun dum wu bapina dubu lum i kuni baring (12,000) Ku yo nshiliu ma Lawi a kusa kun dum wu bapina dubu lum i kuni baring (12,000) Ku yo nshiliu ma Issachar a kusa kundum wu bapina dubu lum i kuni baring (12,000) 8 Ku yo nshiliu ma Zabulun a kusa kundum wu bapina dubu lum i kuni baring (12,000) Ku yo nshiliu ma Banyami a kusa kun dum wu bapina dubu lum i kuni baring (12,000) 9 Ka yo puru bo'olo, nga sun zam wu bapina bah bwara ko do ngi balya sa, a yo wu Ram, wu nshiliu, wu bapina, i wu lassu a chila ho ku dum ban ningyi renghe i ku dum mun gam, a yi'isa puhu twan yirya, a wa'ara puk bubo'o barang ku bukya; 10 A ngya kunya i jimmu magana ne, "Ra'atsa buhu yi ma Baku su, bah ningha ho ban ninghi renghe, iu mashen bah mun gam." 11 Wu Maleka bwang ya a wo che'ele karngya beh ban ninghi renghe; wu jeh, i wu gir bah ai nchimya bah Baku pa'ana ya. A kwa ku'uru su'ula ku dum ban ninghi renghe ma a mur so'onzah pi Baku, 12 A mur chew ne, "Innah! lem, tohyiwa, nzor, bwata bunmuru, ngyarngya, i jerngye ma Baku mahueng mahueng! Innah!" 13 Mo'on ku yo ciri wu jeh ma, mwan ne, "Wu bah a yi'isa puhu twan ma, ya wu yen bili a pura i yo he?" 14 Ngah yer yi ne, "Bwajeh, a shi'ila." ka chew ne, wu mani ya bah a pura i yo mwara li chiri a zu'usa wu twan ya ningha puhu ya i shila mun gam. 15 I ningha naa, a ha ku dum ban ninghi renghe ma Baku a mur pa'ai tumu i duhu i missa ku ka'ana nerei; yi bah ningha ho ban ninghi renghe ko ma'a ya a ninghi so'o polo yirya ku ba pwalai. 16 Nsalla ko do bassa wol ya sa; Was mu'uru ko do wol wun sa. Missa ko do wol wun sa, ke bissa ban. 17 Beh mun gam bah i ho ciri ban ninghi nenghe ma ko ning lele wun; ko bwol buk wun war wun shen bana bah chu-mu'uru ma nchimu ham. Yi Baku ko yesmirim kau bwang ku yo misya."