1 Ningyi sun beh mun-gam i mur fah ma mo'on ku ciri la'assai tangnzah baring ma. Ngah wo'o mo'on ku ciri wu gir yinung bah ai nchimya ma i mur chew i mwara jimmi bene mwarang ma kalang ne, "Yo!" 2 Nga sunu, yi ma sun puhu Burshi! Bah yewe ningha ho muri wara tha a panai kata Gom, kah puru yew burshi ma bene bah lwa bura ne, ko li beh lwa-bura mina. 3 Beh mun-gam ka fah lassai ma baring nga wo'o yi ma baring ngah wo'o yi ma baring ku ciri wu gir bah ai nchimya i mur chew ne, "Yo!" 4 Mo'on ku yo chiri wu burshi ma ba'ai ka pyruy chele. Bah yiwa ho muri a panai ngyarngya ne i toh ningha shima ku yo taraman i ma ne wu bapina ninghi nda gbol yirya. A wo panai mwara be'eu ridjing bwa. 5 Beh mun-gam ka fah la'assai ma tarung, na wo'o gir ma nchimi ma tarung i mur chew ne, ""Yo!" nga suni ho dum pinah Burshi! Bah yewe ningha ho muri, wara gir moh lu'urai ku buhi. 6 Ngah wo'o gima bene jimmu ku ciri wu gir yinung bah ai nchimya ma i mur chew ne, "Mudu ma alkama naira mo'ona, mudu tarung ma ngyawana a wo kur i yi naira mo'ona, wu ma do ya'a muru i ngari sa." 7 Beh mun-gam ka fah la'assai ma yinung nga wo'ojimm gir ma nchimi ma yinung i mur chew ne "Yo!" 8 Ngah sun ho dwam burshi bah kwa ngah yiri, bah yiwai lu'uli wuh, mpuk shi'ila wo wara chi'i pwer pwer. A wu pana wa ngyarngya ku mur mo'on ku ciri yinung ma taraman ne a bwol ya i be'eu ridjing, nsala ma biwai, i gbashi, i wu ngham ta'a ma biwa ya ma taraman. 9 Ka fah la'assai ma tongnung. nga sun ku ta'a bagadi nchim wu bah a bwaka tya chew lo'o Baku i pa she'ele bah a wara ningha i yi. 10 Aa tu'ulu i mwara jimmu, a mur chew ne. "ba'a yewe, bwajeh, ma-shimai, bah ngichewe, a mu chele wos ngana ku reng wa wu bah ai ningha ku taraman sa. i toh ya'a buhu ku mur shila su?" 11 A wo pawa mo'on mo'on bwang ya puhu gul twan a chew wa ne a shi chele nos mgbang ne, gamur wu mwan wun, wu korom, i wu so'ongi wun bah aho wolya bene bah a wo walaya, ji kahkah. 12 Ngah sunu kpa, i mur fah la'assai ma tangnzah; shee mwara ji'iri nzah; missa pir wi ning pinai bene twan ma kusu yiru bah a tanai i nghong mbili, zungya bwang pirwi ning bene shillah. 13 Wu lewer ku kalang kwa'aha su'ula mayo nzah bene wu bil forh bah a shi ham ma bangha gung ma gana ji'ira ya suana su'ula. 14 Beh bah kalang karma ning bene a karma mpuknsheme yiwa, wu mur gboo i mur ban ku ciri mwara mu'uru teku a ho kau ya la'ahun ku ban ninya ya. 15 Wu bah renghe (Wu Gom) ma taraman, wu muna bah renghe, wu forong, wu bah lili, wu mwa'ara ya, i wu korom, i wu bah a ningha ningha ya, i wu bah a swarma ku puk sa'a tah. 16 Aa tu'ulu beh mur gboo tah mah ne, "Kwa ku mursu ne a kusu su ku yo mis bah i ningha ku ban ningyi renghe, i ku yo li nchim, mun gam bwa. 17 Beh mwara missai duk li chiri ya yuama, yen bah i ngnarngya ku chele?''