1 Ku buhi ma li nga sun mpuknsheme bah a ngwa'ala ku nzwi bwaya, a la'asai i gir lassa tangnzah baring, ku buk bah wu ningha ho ku ban ninghi renghe. 2 Nga sun dam mwara Maleka i mur pah kunu, i mwara jimmi chew ne, "Yen i jina bah i fah mpuknsheme mani, i fa'aha gir bah a lassai i yi?" 3 Bah bwara bah i jina ku kalang ke ha nzah ke ku ta'a nzah bah ko ngi fah beh mpuknsheme ke ku sun girbva ku bwi. 4 Nga zolo, nga ning ku nda zolo chew bah a do kum bwara bah wu jina ku fah beh mpuknsheme, ke ku sun girba ho bwi. 5 Mo'on ku yo ciri wu jeh ma chew yam ne, "A mi zol sa! sunnu, mani yi Yimma ma nshiliu mau Yahuda, chi ta'a Dauda, bah ngyarngya gana ma. Yi ko ngi fah beh mpuknsheme i gir tangnzah baringbah lassa beh mpuknsheme i yi." 6 Nga sun mun gam maginai chila ho ciri ban ninghi renghe i wu gir bah ai nchimya bah Baku pa'ana ya, a yinung i wu jeh ma, beh mun gam i bene a yira meli, i wu feh muri gangnzah baring i wu ngya'a mishi tangnzah baring, ya na wu mpilar ma Baku tangnzah baring, bah a wu tuma ya ma yo ha taraman bwang. 7 Kah shene sa tol beh mpuknsheme ku yo buhu ma lih ma bah wu ningya ho ku ban ningyi renghe ma. 8 Wu ya'a beh mpuknsheme ma, wu gir ba ai nchimya yinung ma, i wu jeh lum baring i kuni yinung ma, a kwa ku'uru ho ku dum mun-gam, bwangya a wa'ara nzhengereng, i mpussu ma zinariya russa i muru ma rumngishi ma shimai bah ai tah ku yiru (Turare), ya bah nere Baku chew ning kui pa'a gir shima. 9 A mur ma'a piwi nshele, a mur chew ne; "We bah a jina, a twala mpuknsheme ma fa'aha girbah a wo lassa beh kun mpuknsheme i yi, chew bah a wo walah we, i shilau a ra'atsa buk wu bapina yi Baku ku yo wuh nshiliu, i wu lassu, i yo wu bapina i wu ram. 10 A ma'ana ya a ningha wu bah pa'a tumu i wu bah sahsah ne a pa'a tumu yi Baku su, i ningyi renghe wa taraman." 11 Ngah chele sun ban shee wo wu jimmu wu maleka i zam ya bwana bah a ninghi karngya beh babn ninghi renghe ma i wu gir bah Baku pa'ana ya ui nchimya ma i wu jeh bwa. 12 I jimm ya ma mwarai a wu ma'a nshele chew ne, "A jina mun-gam, bah a wu woli, neh i ya'a ngyarngya, i lilih, i nzor, i chele i ngyarngya, i tolo yiwa, i bongyo, i so'onzah!" 13 Ngah wo'o wu girbah ai nchimya ku kalang i ku nzah, i ku nzah, i ku ciri mu'uru teku, i wu gir bah a ku ciri ya bwang a mur ma'a nshele chew ne, "So'onzah bongyo toh yiwa, i ngyarngya mashen bah baa ba ningha ku ban ninghi nrengye, i mun-gam ma hueng. 14 Wu gir bah Baku pa'ana ya i nchimya yinung ma a chew ne." Innah," wu jeh kwa'aha su'ula so'onzah pi yi bwajeh ma kalang.