NGYI 3

1 Ngwo'olo mashen bah maleka ma Bah-Karnda bah ku Sardisu ne, mani yi ngya'a lo'o ma bah wara wu mpilar Baku tangnzah baring i wu lewer tangnzah baring bwa. shi'ila wu gir bah wai pa'a, wai nchimo, ma, we ka'a loh bapina. Wu la'ahun yiwa girshi yirwun ningyui ta'ara! pah ngyarngya i gir bah irai, bah i mur p[e'e ne i wuh, chew bah do kuma wu gir bah a pa'ana ya kahkah ku dum Baku yam sa. 3 Na ningna nah, re'eshe ne, gir ba a ya'ana i girba a wa'ana, pah muro waa i ji'ingi pa'a girbiwa. A na do ninyi ta'ara sa, mo yo bene bah nshiwi, wo do she'ele missai bah mo yo bor leu sa. 4 Wei wu bapina chige'e ku ciri Sardisu bah ado gassa ka'amurya i pa'a girbiwa sa, ya bah a wo yishi Puhu ka'ala shen shene i mi chew ne yana a njina. 5 Bah na ngyarngya gana pa'a girbiwa ko njel ya ne a yi'ishi ka'ala Puhu ya. mo do yes lu'uli so'oto'o ku yo mpuknsheme ma nchimu sa, mo chew ne yi ma bam ku dum Dah i wu Malekai 6 Bah nai bumburi ma wo'o lo'o i wo'o gir bah Mpilar i mur chew wa Bah-karnda."'' 7 Ngwo'olo mashen bah Maleka ma Bah-Karnda bah ku Filadalfiya ne, mani yi ngya'a lo'o yi bah ma shimai, i ngichewe, yini i ngya'a kuli ma Dauda. Gir bah na fahna bwara ko do ngi giri sa, i gir bah na gira bwara ko do ngi fah sa. 8 Shi'ila wu ngya'a gir bah wei pa'a ya, sunnu, ji'ingau kun ka'ana, bah bwara ko do ngi giri sa. shi'ila ne limo shi shiwa kpama a wara lo'o yam gbang, a do tuna kun i lu'ulam sa. 9 Mani, mo ma'a wu bah a yo ciri wu bapina ma shetan, wu bah a ne ya wu Yahudawa, ma ngichewe do ya sa, ya wu bah lo'o lilim, mo ma'a ya ne a yo kwah ku'uru ku duwo, i pahshe'ele ne, mi mini njila we. 10 We bah a wara ta'a lo'o yam ngyarngya chila i kur nchimo, mo waro kpanaa ku yo missa ma mah-sunu bah i wuna ku mur Taraman bwang bah a ho mah wu bah ai ningya ha nzah. 11 Mi wuna i mani wu war girba wui yi shima, ne bwara mi do ya'a girba ningya ma bawun sa. 12 Bah na ngyarngya gana pa'a girbiwa mo mi'i ne i ning ta'a kpuk ku ka'ana nere Baku yam. Ko do bassa ji'ingi banai sa; Mo ngwo'olo lu'ulu Baku yam i lu'ulu mwara ram ma Baku, i piwi Urushalima ku yiri, bah ko su'ulu yo kalang ma yo nzah ky yo bah Baku yam; mo bassa ngwo'olo ku yiri piwi lu'ulam. 13 Bah nai bumburi, i wo'o gir bah mpilar i mur chew wa wu Bah-karnda. 14 Ngwo'olo mashen bah Maleka Bah-Karnda bah ku Lawadikiya ne, "Wu mani ya ngya'a lo'o bah inna, ma ngichewe, i pa she'ele ma ngichewe, bah ku yo bii wu gir bwang bah Baku pa'ana ya a wo ning ku buhi. 15 Shi'ila wu gir bah wei pa'a, we do bene mu'uru bissa ke mu'uru pwala sa. ka ho bowng ne a ning bene bissai ke pwalai. 16 Chew bah a do bwol muro ningya ban mo'ona sa, we do bene bissai ke pwalai sa, mo chieu puru i we ku yo kunam bene chitar so'oto'o i we. 17 A chiwa ne, "Mi bah lili, mi chiha lili bwana, mo do bassa njel gima sa." A do shi'ila ne we ka'a biwau, we gir ma chiri, gul buho shiwa, a tah wa bwa, we a ningya nshengbeleng wo. 18 Mi mu mur pwo lo'o ne, kur ba'ah tah ma shimai bah a tulu girsai ku yo bam, ne, a ning bah lili; i twan Puhui bah wu yishi kusu yiro ne i do ningyau gir nzo'on sa, chew bah a ningya nshengbeleng wo; i mur wo'o bah wu wo'o ku misso ne a kum sun ban shima. 19 Wu bah njila ya, yana bah mi she'e chewe murya, i ma'a ya ku nshere ma shimai. Na nah ngyarngya yiro ji'ing pa'a gir biwa wo. 20 Mi nini! chila mu mur ngha kun ka'ana, bwara bah na wa'ana jimmam ka la'ahun gana beh kun ka'ana, mo boro li bila i yi, nga ning ho bii. 21 Beh bah ngyarngya gana pa'a biwa mo pi nshere ne i ning i mi ku bana ningyi renghe yam, bebe bah ngyarngya gana wu gir, nga ningya i Dah ku ban ningyi rengye yi. 22 Bah nai bumburi ma wo'o lo'o, i wo'o girbah mpilar i mur chew wq wu Bah-Kaarnda."