1 Ngwo'olo mashen bah maleka ma wu Bah-Karnda bah ka Afisus ne, "Mini yi lo'o bah wara wu lewer tangnzah baring ku buhi ma li i bah i mur shene ku ciri wu fitila tangnzah baring, ma tah ba'ai ma shimai ma. 2 Shi'ila wu ngya'a gir bah wai pa'a, i ngyarngya tumu wo, chele i ngyarngya wo. shi'ila ne wo do yer i wu bah pa'a girbiwa, i wu bah a ma'ahaya, bah ai toh ka'amurya ne y manzani, ma ngichewe do ya sa, ya wu bah lo'o lilim. 3 A chila i ngyarngyau i kurnchimo ku li chiri chew chiriyam, a do wassa gahnah sa. 4 Mani yi girbiwa wo, a yere ji'inga beh njelle bah a wui pa'a ma duwai. 5 Re'eshe i bunuyereu ku nda pa'a girbiwa wo! ji'ingi beh wu gir biwa ne, a pa'a gir bah a wui pa'a ma duwai. a na do ji'inga pa'a beh girbiwa wo sa, mo yo bwo, yo to fitila wo, ku yo bana bah a chihai. 6 Mani a pa'a gir ma shimai, a bi'ina pa'a wu gir mau Nikolatawa, bah mi ma bi'ina ya bwa. 7 Bah nai bumburi i wo'o gir bah mpilar i mur chew wa Bah-Karnda. Yi bah na ngayarnyga ganah wu gir biwa, mo pi nshere ne i tuh bil gunni ma tumu lih bah i ku lah ma ganah ma Baku. 8 Ngwo'olo mashen bah maleka ma Bah-Karnda ba ku Simirna ne, mani yi lo'o bah yi ma duwa, i9 yi ma marsai, yi bah wuna, ka bunuyere luana i nchimi. 9 Shi'ila wu mur lih chiri i gul buwun bah shiwa, wu she'ele ne wun wu bah lili bwna! shi'ila lo'o lilim ma biwai mau bah a ne ya wu Yahudawa, ma ngichewe do ya sa, ya wu bapina ma shetan 10 Wu ma bang ji'iri chew chiri bah ko y kum wun sa, Mu mur chew wunu, bee bah kila ma kowar gamurwun sa kpang ku nengye ne ku mah wun sunu. wo li chiri ma nongyo lum. Wu pa ngichewe mashen kun wuh a nah ne a wol wun, mo pa wun ka'a katah ma nchimu. 11 Bah nai bumburi i wo'o girba beh mpilar i mur chew wa wu Bah-Karnda. Ba na gnyarngya pa'a girbiwa, wuh ma baring ko do bassa kumi sa. 12 Ngwo'olo mashen bah Maleka ma Bah-Karnda bah ku irgomas ne, mani ya wu gnya'a lo'o bah i be'eu rijing ma kuni baring ba lina biwa biwa. 13 Shi'ila bana bah wai ning ham, i ku bana ban ningyi rengye ma shetan ham; I wu gir mani a chila ku ta'am ma ngi chewe; A do ji'inga ma pah ngichewe ku muram sa, ke ku zhe'e ma Antibas bah pa she'ele ma ngichewe ku muram bah shetan wo woli ku chiri su. 14 Wu gamur girbiwa so chige'e; wu magina ku ciri wun, a shi mur war ta'a sahsah ma Balamu, bah sahsah yi Balak ne, i ma'a ne wu Isra'ilawa pa'a girbiwa, ne, a li bila bah a girsa yi waru, i po'ongo po'ongo ku nshere ma biwai. 15 I na i we kpanah i wu bah war ta'a sahsah ma Nikolatawa. 16 Na ningya naa, ni'ingi [a'a girbiwa, a na do ji'inga sa, mo ka'a yo lwa bura i wun, i be'eu ridjing ma kunam. 17 Bah nai bumburi i wo'o girba mpilar i mur chew wa Bah-karnda. Yi bah na ngyarngya gna p[a'a wu girbiwa, mo pi fo'ofo ma swarmai. Mo pi puhu tah bah a ngwa'ala piwi lu'ulu ku muri, bah na ya'anai, yi loi, ko she'ele beh lu'ulu bah bwara do shi'ila sa. she we ba ana ya'anai." 18 Ngwo'olo mashen bah maleka ma Bah-Karnda bah ku Tayatira ne, "Mani ya wu ngya'a lo'o ma mun Baku bah wu ngya'a mishi bene las bissda, gbi'i bene bolo bah a tulu shilmai. 19 Shi'ila wu gir bah wai pa'a, i njelle wo i ngichewau i tumau, i chele ngyarngya, i wu girba wu mur pa'a i mani, gana wu gir bah a woi pa'a ma duwai. 20 Mani ya girbiwau, a yira i bamaam ma'a, Yezebel, bah i to ka'amuri ne yi bah sun duwa. Ku nda sahsah yi, lira wu korom yam ne a ningyi nda po'ongo ku nshere ma biwai, i lih wu bila bah a girsa wa wu waru. 21 Pahnai ngi nshere ne, i ji'ingi pa'a girbiwa yi, i mur be'ene ji'ingi ma pa'a ya. 22 Mo mii ne i nongyo wa ku ban nongyhai i li chiri, mo ma'a wu bah ai ningyi p[a'a beh girbiwa i yi li chiri ma biwai, a na do ji'inga nshere beh maam bili sa. 23 Mo gbol wu muni. Wu Bah-Karnda bwang a bo she'ele ne, mi ni mi bah pe'e she'ele chiri nchimu, mo pa yi ko yen gbe'e buhi kahkah i girba yi pa'ana. 24 Ku mur wu gamur wun bah wu ku Tayatira, mashen ba wun, wu ba wu do wara ta'a sahsah, i ye'ele girbiwa ba i swarmai ma shetan. Mu mur chew wunu ku mur wun sa. 25 Wu war girba wui yi mashen duk missai bah mo yo. 26 Bah nah chila i ngyarngyai i pa'a girba yira i yi mashen marsai, mo pi i ning bah rengye ku mur wu bapina. 27 Ko reng wa i gara ma bolo; ka ho ngya'aha ya ya'ar bene wu kore ma che'eh. Bene bah ya'ana renghye ku yo bah Dah. 28 Bene bah ya'ana ku yo bah Dah, mo pi beh lewer duduhu. 29 Bah nai bumburi i wo'o girbah Mpilar i mur chew wa wu Bah-Karnda.