1 Ho banai suna piwi kallang ka piwi taraman. chew wu kallang madwai ka taraman ma dwai a yo bo'alama, salla do ha kpa sa. 2 Suna shima Puhu ram, piwi Urushalima bah pura yo kallang lah Baku, girsa bene maampiwi bah bassa yiri chew milmi. 3 Wa'ana mor jimmu pura yo banrengchewe ene,"Sunnu! ban ningya Baku i ku ciri wu bapina, ko ning i ya. A ko bing wu bapinai, Baku i muri ho ning i ya ka i ning Baku ya. 4 Ho yesh wu mirim ya mbwang yo misya, Wuh ko pa'a param, ke biwi nchimu, ke zollo, ke konno chew wu gir ma ya'ai a bwa'ala ma. 5 Bah ningya ho banrengchewe lo'ona ne, "Sunnu! mu mur pa'a wugir bwang piwi ya." Ine, "ngwo'olo wugir mani chew wu ngya'a lo'o mani a jina ma a yer iya ka a ningya ngichewe" 6 Lwa'ana yam ne, "Malai, mini Alfa,mini mi Omega, mini mi machikchi'i ka mamarsai 7 Bwara bah na lina duwa, ko li mpuru mani, mo ning Bakui ka yi ko ning munam. 8 Kpa mah oh bah ji'iri, ka oh bah be'ene warlo'o wu bah tumko'o wu bah wol wu bapina, wu bah pe'emaam, wu bah gbomo, ka wu bah tarta'a waru, ka wu bah ye'erechewe bwang bwang ya a kum girya a ciri lim mbuk bissa mani yini wuh mabaring yi. 9 Mo'on i ciri wu munatumu Baku bah tanza baring ma yuana bam, yi bah wara kwa'anjing tanzah baring a ru'usa i wo lichiri tangzah baring mamarsa ya, ka lo'ana yam ne, "Yo nini, mo rummo i beh maampiwi, maam mun nzur" 10 I banai twala mi i mpilar mashen mor gul gbo'o ka rumma mi i Puhu ram ma Urushalima bah pura yo kallang bah Baku. 11 Urushalima i kahkah ma Baku i mu tah kelep bene shimatah, bene tah yasfa. 12 I wo mor gul giri bah kun ka'ana lum kuni baring ka wu munatumu Baku lum kunya baring a chi'ila ku beh wu kun ka'ana. I kun beh wu ka'ana a ngwo'ola lu'ulu wu njiliu lum kunni baring ma Isra'ila. 13 I kun manzang wu kun ka'ana tarung, i buhkallang kun ka'ana tarung, i bunzah kunka'ana tarun ka i kun kurwa wu kun ka'ana tarung. 14 Beh ko'olah i ta'alah lum kunni baring ka a ngwo'ala lu'ulu wu muna tum munur lum kunni baring hu mur ya. 15 Beh bah lo'ana i mi wara garmah bah a ba'ana i ba'a ngya'arah ma beh ram, wu kun ka'anai ka wu ku'i. 16 Beh ram i kahkah gulli ka wangyi a kahkah mahna be ram i garmah, kuma garrah dubu lunu kuni baring. gulli, wangyi ka i gulli kallang a kahkah. 17 Mah na ku'i, buhu lum gba'a i lum yinung i kunni yinung mah bapina, mah ma muntumu Baku na kpana. 18 A ba'ana ku'i i yasfa ka beh ram a ba'ana i puhu ba'atah bah i mu ta'aha kelep. 19 Beh ta'alah a bassai i wu shima tah ma mo'on yi Yasfa, mabarunfg yi s Saffir, matarung yi Agat, mayinung yi Zumurrudu 20 Ma tongnung yi Onis, ma tangzah yi Yakutu, ma tangzahbaring yi Kirisolat, ma ya'anga yi Beril ma tangshing yi Yofaz, ma lum yi Kirisofaras, ma lumkuni mo'on yi Yankinta, ma lum kuni baring yi Ametis. 21 Beh wu kunka'ana lum kunni baring ma a pa'ana i luru lum kunya baring, kun ka'ana mo'on i luru mo'on, a ba'ana beh wu njere ma ram i ba'a ngya'a tah nnah. 22 Do suna ban lem Baku sa, chew beh larsu Baku ma kallang ka beh munzut ya ban lem. 23 Ben ram do njila missa ke zugha ne a bung yi ban sa, chew kahkah Baku yini bungban yi, ka munzut yi bissai. 24 I bungban yi, wu bah rammai a shenshene wu gom ma taraman a war kahkah i bii. 25 A do gir beh wu kun ka'anai i missa sa ma hueng, duhu ko do ton i beh ram sa. 26 A ho war kahkah wu ba ramman ka djeh ya ku bii. 27 Kpa mah, gir biwa gima ko do bor bui sa. ke bwara bah tumko'o, ke bah lo'olilim kasama bwara bah a na ngwa'ala lu'uli i bum mpuknshem Nchimu ma mun nzur nnah.