NGYI 22

1 Ku banai muntumu Baku ruma mi i bwa'a mu'uru nchimu puhi i mu tah kelep i mur bwah pur yo ban renchewe ma Baku ka ma mun nzur. 2 Ku ciri njere ram kpah wu ngun nchimu ho ku kang bwa'a a mur bel belya mbom ya lum kuni baring, ka ai bel hu zungya zungya mbum mpuhii i ma ning shima ku ramman. 3 Gir ma'a pah kunu do basa ham kpa sa. Beh ban rengchewe Baku ka ma mun nzur ko ning ku ciri ram, ka korom yi ko pa'a yi tumu. 4 A ho sun mishi, ka a ho ngwo'olo lu'uli ku kudumya. 5 Duhu ko do bassa ton kpa sa, a do njel bungban ma bissa ke ma missa sa. chew bah Tarsu Baku ko bung ku mur ya, a ho war mur ban ma hueng. 6 Beh mun tumu Baku lu'ana yam ne; "wu ngya'a lo'o mani a jina yere ka a ngichewe. Beh Tarsu, Beh Baku mo Mpilar wu bah sunduwa, tura mun tumui ne i rum wu korom yi gir bah ho pa'a i mani - mani." 7 Sunnu mi euna imani - mani, ba kum jenchi'iu yi bapina bah wa'ana kum kun ngya'a lo'o sunduwa ma mpuknsheme mani" 8 Mi Yahaya mini bah wa'ana ka sunna beh wu gir mani. Bah wa'ana ka sunna beh wu gir kwana ne mu so'onzah pih beh muntumu Baku bah ruma mi i beh wu gir. 9 lwa'ana yam ne wi, do pa'ana nnah sa, mi mwan korom wo i wu so'ongo wu bah sunduwa, ka i wu bah wa'ana kun ngya'alo'o ma mpuknsheme mani. So'onzah pih Baku!" 10 Lwa'ana yam ne "do kussu beh ngya'a lo'o sunduwa ma mpuknsheme mani sa, chew beh ban tahpwer. 11 Bah do pana ngichewe sa i ningyi pa'a gir ma param ngichewe, bah pa'a girbiwa i ningyi pa'a girbiwai Bah pa'a shima i ningyi pa'a girshimai, Ba param girbiwa i ningyi ning i param girbiwai 12 Sunnu! mi wuna imani - mani i kuru mgbu'u mabam, ne mu pih yen i yen kahkah tumui. 13 Mini Alfa ka Omegam ma pahai i ma marsai, ma chikci'i ka ma mallai. 14 Wu bah kum jenchi'u ya wu bah a zu'usa twan ya, ne a kum pahkunnu ma li bilngun nchimu ka a bor ram yo kunka'ana. 15 Wu bah a ji'ing ya i nzai ya wu nvah, ka wu bah gbomo wu bah pe'e wu maam. Ka wu bah kping bapina, ka wu bah pa'a waru ka wu bah njila ka a mur lo'o lilim. 16 Mi Yeso, tuma muntumam mashen bawun ne i rengkun lo'o mani wunu chew wu bah warta'a Bakui mini beh me'ele ka wu njiliu ma Dauda, mini lewer maduduhu. 17 Wu mpilar ka maampiwi a lwa'ana ne, "Yo" Bwara bah na wa'ana i chewne, "Yo" Bah wass mu'uru na mur wolli i yo, bwara bah na njila nuh, i ya'a mu'uru nchimu gbirai. 18 Mu mur yammur bah na wa'ana ngya'a lo'o sunduwa ma mpuknsheme mani, bwara binna gima ku muri, Baku ho ben yi wu gir chiri bah a ngwo'ala i mur beh mpuknsheme mani. 19 Bwara na wuha gima yo beh yir ngya'alo'o ma mpuknshem sundduwa mani; Baku ku wu'uhu kuru ngboi ma bilngun nchimu, ka ma shima ram, bah a ngwa'ala ku bum mpuknsheme man. 20 Yi bah rengya kun lo'o mani, io chew ne, "ngichewe mi wuna mwas mwas" innah' yo a Tarsu Yeso. 21 I nzoh Tarso Yeso i ning wo bah pa'a girshima. Innah!