1 Yi bah susna mo'on muntumu Baku i mur su'ulu yo kallang i girfah kun mbuhu ka i mor kpanna hu buhi. 2 Ka bwala beh yo'o yo'o maya'ayai, yi bilis ke bah pa'a girbiwa, ha kurai ma ban chihi mo'on. 3 Buhai i bom lim mbuhu cirra kun beh mbuhu ka kpangnai, ne i do bassa lere wu raman kpa sa kassa mah beh wu bah lum ngulum mo'on ma na bwa'ala mah i nzum bele gba'a tahbuhi ma muban chige'e. Nga suna wu ban ningya, wu bah ningya ku mur ya, ya wu bah a pana wa kunnu ne a rengchewe sunna wu nchim wu bah awo yi'ira ka'amur ya chew rengun Yeso ka ma ngya'a lo'o Baku. A wo do so'o nzah pana yi ngyamto'o ke lilim yi sa, ka a bi'ina ya'a jik hu kudum ya ke buhu ya sa. A pa'ana nchim ya a wara murban i Kristi ma ba'a ban chihi mo'on. 5 Wu gamur wu bah wo'aha a do kumu nchimu sah kassa ma beh wu ba'a ban chihi mo'on ma a bwa'ala mani yini la'ahun yo wuh ma chici'i 6 Bah kuma jenchi'iu ka bah shima yi bapina ba kuma ban hu la'ahun ma chici'i! Wuh ma baring yi ho do ganmurya sa, A ho ning wu bah sunduwa ma Baku ka ma Kristi, A ho warmurban i ya ma ba'a ban chihi mo'on, 7 Beh wu ba'a banchihi mo'on mah na mala, a ho tahbuk bahgir biwa yo nengyei. 8 Ho puru i lere wu bah ramman ma sa'a ban yinung ma taraman, wu gog ka magog i kammur ya chew lwa bura zamya i bene nzangshila'a ma bwa'a 9 A ngyayara a kusa taraman a karngya wu shima bapina Baku ka shima ram. Kpa ma bissa pura yo kallang lissa ya. 10 Beh bagirbiwa bah lira ya. a buhai i ciri mbum bissa bana bah a buha wu ngyamto'o ka wu bah sunduwa malere mah. A ho pawa chiri duhu i missa mahueng. 11 I banai suna mor puhu ban ningya gom ka bah ningya hu muri. Taraman ka kallang a bangya yo dui, kpah mah ban param bah shen ho. 12 Suna wu bah wuh wu mun ka wu jeh a chi'ila hu dum ban rengchewe, ka a fana wu mpuknsheme. A fana mpuknsheme magina bah yini mpuknsheme nchimu. Ka a rengya chewe wa bah wuh bene bah a ngwa'ala hu bum beh wu mpuknsheme, kahkah i tumu bah a pa'ana. 13 Sallah pana wu bah wuh bah a hu bui wuh ka Hades a pana wu bah wuh bah a hu baya, ka beh wu bah wuh a rengya wa chewe kahkah i wu tumu ya. 14 A bu'uha oh wuh ka Hades ku ciri bum bissa. 15 Bwara bah ana do suna lu'uli bah a ngwa'ala hu mpuknshem nchimu sa, a buhi ku ciri lim mbuk bissa mah.