NGYI 19

1 I nzum wu gir mani wa'ana bwa gima bene bwah kun wu zam bapina ku kallang, a mur chewne, Halleluya! tahbuhu, ka kahkah, ka ganmuru ningya ma Baku su. 2 Wu rengchewei a kahkah ma ngichewe, chew i rengya chewe yi mor kpoh ma bah biwa taraman i pe'e wu burai, Baku rwana shilla wu korom yi i muri." 3 A wa'ana ma ngba'a baring. Halleluya! lele i mur la'ahun yo muri mahueng." 4 Yima wu jeh lumbaring i kuni yinung ka wu gir bah nchimu yinung a kwa'aha i nzah a swa'ana nzah pana yi Baku bah ningya hu mur gir ningya Gom. A mu chew ne, innah. Halleluya!" 5 Yiba jimmu pura yo ban ningya Gom, Wu lem Baku, bwamg wu korom, bah wumu bangyi, wu mun i wu bah ai ngyarngya." 6 Wa'ana gima bah bwana bene jimm wu zam bapina, bene bwa mu'uru, bene bwa mwarang mpulu ne, Tarsu Baku su bah kahkah i mur warmuri, su bong nchimsu, 7 i bungnchimsu bwana, su pa'a yi kahkah chew ne kammuru ma remme mun gam nzur ma yuama ka ne beh maampiwi girsa yiri ta'ara. 8 A pan yi kunnu ne i poss yiri i twan ririu ma belele lilin ma purai" belele lilin ma yini tumshima mo wu bah pa'a ngichewe. 9 Beh muntumu Baku wa'ana yam ne "ngwo'olo mani, wu bah kuma jenchi'iu ya wu bah a ma'atu'ula ya mashen nda lih bila reme ma mun gam nzur mani" Bassawa'ana yam ne, "mini yini lo'o Baku ma ngichewe" 10 Yi bah kwana i dui ne mu so'o nzah pi, kpana lua'an yam ne, "do pa'a mani sa! mi mwan korom i we ka wu so'ongho bah wu wara rengkunnu i mur Yeso yi mpilar ma sunduwa." 11 Nga suns kallang fana, ka nga sunna Puhu Burshi. Bah yiwa muri a mu tu'uli ne bah ngichewe mangichewe, I ngichewe yiba i mur rengchewe ka lwabura. 12 Mishi a bene lasbisa, wu karra i muri bwana. i lu'ulu bah a ngwo'ola ba bwara do shi'ila sa yi i loi yi shi'ila. 13 Yisa twan bah a yisa hu shilla lu'ulu bah a mu tu'uli i yi yini ngya'a lo'o Baku. 14 Wu bah tahmwarang makallang, i yisa twan belele lilin, puhi ka ba purai 15 Lina be'eu rijing i mur pur yo kunni ba ho ko'oro wu raman i yi, ho warmur ya garbolo. Ho ta'aha ban kam mu'uru inabi ho ta'a li nchimu ma Baku bah kahkah. 16 I lu'ulu magina a ngwo'ola hu yir twan yi, i bana beli, ane "Gom wu gom, ka Tar wu taru. 17 Sunna muntumu Baku chila i missa. Tu'ula wu ngyiling bah a mu le'ele i kallang i mor jimmu, i ne "Wu yo wu kam murwun i bana mor kammuru ma Baku. 18 Wu she'e ngyam wu gom, ngyam wu gom lu'abura, Ka ngyam wu mo'oro bapina. ngyam wu burshi ka wu bah yeu ya, ka ngyam wu bapina mbwang wu mun malah ka wu korom, ngyam wu mun ka mau jeh. 19 Sun wu ngyamto'o ka wu gom ma taraman i wo bah tahmwarang ya. A duangya maluabura i bah i mur bihi burshi ka wu bah tamwarang yi. 20 A boala beh ngyamto'o ai wu bah sunduwa ma lere bah a pa'ana wu gir sunnu hu dui i beh girsunnu man! Lira wu bah wo ya'ana beh jik ma ngyamto'o ka a so'o nzah pana yi lilim yi. Bwaya baring a bu'uha ya a ciri bisa i nchim ya. 21 Gamur ya a gba'ala ya i be'eu rijing bah pura yo kun beh bah i mur bang i mur burshi. wu beh ngyiling a she'e beh ngyam loh ya.