NGYI 9

1 1 Yeso bwara ka'ango'oro saumu'uru, sawayu'ana mayo ram yi. 2 A wara bah ko'ongo zusso yiru, a ma'anai ku mur ka'a vah, a wara yu'ana yi iyi. Bah suna pahngichewe ya, Yeso chiwa yi beh bura ba ko'ongo zusso yiru ma ne, " mun,i bung nchimo, a zussa yo girbiwau" 3 Wu gamur wu ba ngyo'olo a lo'o i yirya ne "Bura mani, imu sa'anga Baku," 4 Yeso shi'ila bum nchimya i ne "mani ma'ana wu mur re'esh gir biwa i nchimwun? 5 Mahe yi pa'ana pwer ghanna ba a chew ne, A zussa wo girbiwau ke a chew ne, 'la'ahun ne shenshene? 6 A pa'ana ne wu she'ele ne mun bapina ko ngi pah kuni ha nsah mani i zus wu girbiwa." chiwa yi beh ba ko'ongo zussu yiro ne "lahun yiwa, tol ka'a vah mo, ne shen lew." 7 Beh bapina ma lu'ana kwanan njere lih. 8 Wu bapina ma bwana ba a suna bili, a chele fahna kunya, a lemi Baku, ba pan beh pahkunu beliwa wu bapina. 9 Bah Yeso bo'ala yo bani, suna bura magina ba lu'uli matta ba wo ningna ku ban ya'a ngya'abolo nsah.Yeso chiwa yi ne,"War ta'am" lu'ana ka wara chii. 10 Bah Yeso ningna imur li bila ku lah, wu sunu wu ba ya'a ngya'abolo nsah bwana ka wu ba pa'agir biwa a yuwana a lina bila i wu Yeso ka ka wu muna ye'ele tumui. 11 Wu ba she'ele she'ele suna be gir bili, a munna wu ba ye'ele tumui nen " mani ma'ana, ba Sahsah wun lina bila i wu ba ya'a ngya'abolo nsah ka wu ba girbiwa? 12 Bah Yeso wa'ana beh lo'o beli ba chiwa ne " Wu bapina ba yirya shima a do njila ba pah ta'awaru sa, wu ba imur ko'ongo yirya ya njila ba ta'awaru. 13 Wu shene sa ye'ele gir ba lo'o mani chiwa ne "njila sunchiri Baku do pahmuru sa, 'yuwana do ne mu tu'ulu wu ba ngichewe ne a pe'e girshi sa, yuwana nda tu'ulu wu ba pa'a girbiwa" 14 Wu muna ye'ele tumu ma Yahaya yuwana bi a munai ne "mani ma'ana su iwo ba she'ele she'ele sumur ning wass mu'uru, wu ba ye'ele mo ado ningya wass mu'urusa? 15 Yeso chiwa wa ne, "Wu ba shina nda kammuru ma reme, aho ngi ma pa'a chiri beh milim maampiwi na shi ho baya? duhi wuna bah beh milim maampiwi, aho toli kwanjere iyi, i ban beli yi ba aho ning Wass mu'uru 16 Bwarra ko do yis piwi twan ku mur ya'ah ka'ala sa, beh lasai ko san yo be yir ka'ala, ko sanna ganna 17 Wu bapina do soo piwi ngari ku bum ya'ah mpusu ngari sa. A pa'ana ne be wu mpusu ko ya'ara, beh ngari ko so to'o, beh wu mpus ngari ko biwi, i kun beli, ai so'o piwi ngari ku bum piwu mpusu, bwaya a chi'ihi ya. 18 Ba Yeso imur lo'o ku mur wu gir beli, wu sunu, mgburugbuk mo'on magina yuwana ku'ura ku dui. la'ana yi ne " Munam masari wu'ama i mani, yo ma'a buho ku muri ko la'ahun ning i nchimi." 19 Yeso ka la'ahun war chi'i ai wo muna ye'elei. 20 Wu sunu, maam magina a imu so'o shila bwana ma ba'a lum kuni baring, yuwana ku nsum Yeso, jiha ka'a kun twan yi. 21 Beh maam mah chiwa yi ka'amuri ne " Na ho ngi ma jihi twan yi bgura, mo kum shakap." 22 Yeso pi'iri suna, chiwa ne " munam ma sari, ngyarngya nchimo: Pangicheweu pah wo shakap ma ko'ngo." Maam mah ka kum shakap ko'ongo y i beh bani bani. 23 Bah Yeso bor lah beh bwaje mali sun wu ba tongfeh ka wu bapina bwana amu gban lo'o. 24 chew wa ne. "Wu kwanjere wun, beh musari do wunah sah, imur nong tolong" a wolli wollo ma biwa. 25 be ba wu bapina ma wanai mah. pura nsai, Yeso bwa'ala ma shen bum ka'ana, ka bol buhi be musari ka la'ahun. 26 lo'o beli ningya ya ku be nsaah banai bwang. 27 Bah Yeso imu bo'olo yo banai, wu ba tăwa baring a war chi'i. A mur ningyi ngya'aha kun ya a mur chewne " Sun chiri su, mun Dauda!" 28 Ba yeso bwara mashen chiri lah, wu ba tăwama a yo ho bi,Yeso chew wa ne " wu yira mo ngi pa'agir mani? Alo'o yi ne,"I Tarsu" 29 Beh Yeso ji'ihi ngya'amishya chew ne, "i ning na bene wu pana ngichewe" 30 Beh ngya'amishya fa'aha. Yi ma Yeso lo'o wa ne, a do chewai bwara sa." 31 Beh bapina baring a puru mahshen nsah a mu lo'o wa bapina ma shen ban-ban. 32 Bah bapina baring a mu kwanjere ya, a yo war bapina mo'on i ko'ongo gung a wara yuwa nai Yeso. 33 Bah a yo puri beh kila beh mgbinggbing bapina fa kuni lo'o beh kam muru wu bapina a sun ghirzhi'iri a chew ne," A do suna gima mani bene mani ku Isria'ila ah" 34 Be Farisawa ane i be ngyarngy wuba kila yima pir wu ba kila. 35 Yeso wo mur shen-shene i wu ram ma gana i ma chige'ei i mur sahsah ku ka'ana Baku imur pawa lo'o ma baku ku mur gir ma kalang, i mur pur i ko'ongo mbwang. 36 Ba sun wu ba zam ka pa'ai, chiri i ya, Nchimi su'ura, ra'anai yiri. A bene nzur ba ning leleya. 37 Chiwa wa muna tumuyi ne, " Yumu bwana, wu ba tumu chige'e. 38 Wu ka'ara nere Baku i bah yumu, ne tur wu ba tumu nda yumu.