NGYI 8

1 Ba Yeso su'ula yo mur gbo'o wu bapina bwang wara chi'i. 2 sunu, ba mangam magina yuwana bi ka ku'ura ku dui, chiwa ne. "Tarsu ana yira, wo ngi ma Zussam puru shima." 3 Yeso nara buhi, jihai chiwa,, ne " yira, zus yiro pur shima" ho banai, ka zus yiri yo ko'ongo Mangam. 4 Yeso chew yi ne, tamyiro, do lo'o yi bwara sa, kwa njereu sa rum ka'amuro yi ba bah sunduwa ka a sa pah gir ma pahmuru ba Musa lo'ana ne yi ma reng kunya. 5 bhan ba Yeso boara mashen Kafarnahum, yiba wu mvorong magina yuana nirai. 6 Ne "Tarsu, Kkorom yam i lah, ko'ongo zosso yiru pa'anai imu koni bwana" 7 Yeso chia yi ne, "mo yo pih so'opolo ko'ongo." 8 Beh mvorong yiri yi ne "Tarsu, do jina ba wu shen la'a sa, lo'o lo'ou korom yam ko kum Shakap. 9 Mi bapina ba a ma'ana ku ta'a pah kunu, mi wo ba tahmwarang ku nzwam. Na mo'on, nane yo, I yo. Na chiwa yi korom yam ne pa'a mani, i pa'a. 10 Bah Yeso wa'ana beh lo'o beli, faha kuni, chiwa wa ba awo mur war chi'i, "Ngichewe mumur chew wun, do kuma bwara ba i pahngichewe bene mani ku Isra'ila sa. 11 Chiwa wunu, wu bapina bwana ko pur yo, kun manzang ka kun kurwa, a ko ning ku tebur mo'oa i Ibrahim, ka Isshaku, ka Yakubu ku lah kalang. 12 Wu muna la ba girbiwa a, aho bu'uhu ya mashen chiri pina ban, bana bah zollo i lu'ungu nguyirngyu i ham." 13 Yeso chiwa yi beh mvorong ma ne "shene! bene ba a pana ngicewe, i pa'a wo na" Beh korom yi kum shakap i bani munimuni. 14 Ba Yeso yuana lah Bitrus, kuma ngih maam Bitrus ku li nongna imu ko'ongo yiri, 15 Yeso da'anai buhi beh ko'ongo ji'ingai, lu'ana paha ma pa'a yi Bitrus tumu. 16 Bah kurwa pa'ana, wu bapina wara yi Yeso wu ba wu kila wo mur su'uru ya. Yeso pura wa iwo beh wu biwa mpilar ya ngya'a lo'o ka wu'uha ko'ongo wa ba a kwa'anga yirya. 17 I beh nshere mani, yi bah a rusa gir ba Ishaya ba sun duwa ma lu'ana ne "yi i ka'amuri yiwa ko'ongo su, twala wu ko'ongo sh" 18 Imani ba Yeso suna wu bapina bwaana bah a karngyai, yi ba lo'ana ne a tah lu'uru mashen kang sal Galilee 19 Bah ngyo'olo magina yuwana bi chiwa yi ne, "Ba sahsah mo war chi'ew mashen bana ba wu shene bwang. 20 Yeso chiwa yi ne " Wu Yanyawa ai mpuhu ya wu ngyiling ai ban nongyo ya, mun bapina kpana doo i ban nongyo sa," 21 mo'on ku chiri beh wu muna ye'ele tumui lo'ana yi ne "Tarsu ji'ingam ne mu shene lishi dă," 22 Yeso lo'ana yi ne "War ta'am ji'ingi wu ba wuh aha ne a lishi wu ba wuna." 23 Bah Yeso bwara bum ka'ango'oro sau mu'uru, ka wu beh ba ye'ele tumui bwara ku chi'i. 24 Wu sunu, mor gung lu'ana ku bwaa, bah bura mu'uru tana pwer i kusu beh ka'ango'oro mu'uru. Yeso wo nongna tolong. 25 Wu ba ye'ele tumui yu'ana bii ka lu'asai ane " ra'asa su Tarsu sumu ne su wo'oho" 26 Yeso ka chew wa ne, "Mani ma'ana wu mur bang ji'iri, wo ba muchigee pahngichewe?" Ka lahun tah bura mur beh gung ka beh mu'uru sallah, ban ka ning kiring. 27 Wu bapina a fahna kunya ane, bura mahe yi mani, bah wu gung ka o mu'uru sallah amu wo'o kunni? 28 ba Yeso lu'uru buk nsah mo garasinawa wu bapina baring ba wu kila a mur su'uru ya, a kumai. A wo pura yo, ku bana murshi'ila, ai bura bwana, bah ado njila ne wubah shenshene a war nshere ho bani sa. 29 Wu wo'o, a ngyana kunya ane " mani bah su pa'a i we, we mun Baku? A yuana ne, wu pasu chiri ban do shi jiyamasa?" 30 Wu dumu i zam ya awo ho pwer iya, a mu li bila. 31 Beh wu kila a nere ane,ana pura i su,tur su mashen chiri wu dumu mani" 32 Yeso chiwa wa ne, "Wu shene" beh wu kila puru a bor chiri beh wu dumu,beh wu dumu a bang yo gboo mashen Salla a wuh ku mu'uru. 33 Wu ba ning lele wu dumu aha bang mashen chiri ram a lo'an gir bwang ba pa'ana i wo bapina ba wu kila wo mur su'uru ya. 34 Wu sunu, wo bapina ma beh ram puru yo par Yeso bah a sunai, a nerai ne i ji'ingi nzah ya.