1 Do rengchewe yi bwara sah ne ado reng wo chewe sah. 2 I beh rengchewe bah wu mur reng wa bapina yi bah a rengche'eu, i beh gir ma bah wei ma wa bapina, yi ba a toh a mau i yi. 3 Mani ma'ana wumur sun mu ka'a garabah i ku mish so'ongoh, ka a do suna mor kpang nguni ba i ku misso sah? 4 Wu pa'alan a chew yi so'ongo ne, mishi wu wo mu ka'agara bah ku misso, i mo mor kpang nguni ku missoh? 5 Wo ba lere,wushi pama pur yi mor kpang nguni bah ku mishwun ma, ne wu ngi sun ban shima ka wo ngi ma toh mu ka'agara ba i ku mish wu so'ongi wun. 6 Do pah gir ma puhi yi Mfah sah, wu do buk yi alhanzir lu'u-lu'u wun sah, chew ne a do ta'aha yo sa'anga wun sah. 7 Mwe, a ko pwoo,pishi wo kumu. Ngya kun ka'ana, a ho fah wo. 8 Ba na muna ko ya'a, bwara ba na pisa ko kumu, bwarra ba na ngyana kun ka'ana a fah yi. 9 Yen ku chiri wun, ba muni na munai fo'ofo ko pih tah? 10 Ke na munai nshi ko pih yo'o? 11 Chew bilii wun ba wo bah pa'a girbiwa wu shi'ila ma pah gir shimai wa munwun, I do bongyo ganna sa ne tarwun ma kallang ba ko pah gir nzo Baku wa ba a munai? 12 Chew mani, gir bah ana njila ne wu bapina pa'a wo, pa'a wa kpana, mani yi ngya'a rengchewe i wo ba sun duwa. 13 Bor beh ka'ana yo nshere ma pangnai, bah kun ka'ana ma wangnai yi nshere mashen ban bo'ongo ban, wu bapina bwana a mur war beh bili. 14 Beh kun ka'ana pangna ka beh njere pa'ana chiri bah mashen bana nchimu, wu bapina chige'e ya kuma beh njere bili, 15 Wu re'esh i wo ba sun duwa ma ye'ere chewe, ba ai yo wunu i ngh nsur,ku bumya ya o Mfah to'oma ngichewe. 16 Ku ta'a wu bilya aho she'ele ya, wo ngi ma to inabi ku yir Ngun juwe, ke wo ngi ma to'o bil foo ku yir nguntoh? 17 Ku njere mo'on, wu shima nguni ai bil bilya shimai, beh biwa nguni a bil, bilya biwai. 18 Nguni ma shimai ko do bil bili biwai sa, beh nguni ma biwai ko do'o bil bili shimai sa. 19 Nguni ba na do bila bili shimai sa, a ko yere buk to'o. 20 Chew beli ma, wo she'ele ya ku bana bilya. 21 Do wu bwara bwang ba imu tu'ulam ne tarsu, tarsu, yi ko bor lah Baku sa. wu ba na gir bah da makalang njila ya ho bor be lah. 22 Wu bapina bwana a ho tu'ulo sa, su do pura i wo kila i lu'ullo sah,ka do su pa'ana mo'oro gir ku lu'ulo sa? 23 Mo fah kunam, chew wa ne, "do shi'ila wun sa, wu la'ahun ku bam, wun ba pa'a girbiwa. 24 Ku ta'a beli ma, bwara ba na wa'ana lo'am, ka yira kun beh lo'am.Ko ning bene ba nzor ba ba'ana li ku mur tah. 25 Mbulu yuana, mu'uru mwarra, gung bangna ngyana beh lah, do kwana sa chew ba a ba'ana ku mur tah. 26 Bwara ba na wa'ana beh lo'am do yira kun be lo'am sa,yi gbuchuk ba ba'ana li ku mur nsangshila. 27 Mbulu bah yuana, mu'uru mwara gung bangna ka ngyana beh lah, beh lah kwana ka bo'ongo mala." 28 Bah Yeso mala be lo'o beh wu bapina ma bwana ma a pa'ana fahkunu i beh sahsai. 29 I ruma ya bene ba i pakunu do bene wu ba ngo'ogo'o ya masah.