NGYI 6

1 1 Wu yere ne wu do toh chumu wun ma pa ngichewe ku bawu bapina ne a ningyi nda sunu sah, ne Tarwun ma kalang ko do pa wun kuru mgba'a wun sah 2 Wuna mur pa gir gburai wa bapina, wu do tong kpuru bene wu bah lere ai pa'asah ku ka'ana nere imur nginshere ne a kum jeh ku bau bapina. chiwa wun nghicewe, a malma kuma be kuru gba'aya. 3 Wuna mur pa gir gburai wa bapina, wu do yer ne bukwun ma musum she'ele gir bah buhwun ma lii imu pa'a sah. 4 Ne gir gburai wun ko nong ku swarmai.Tarwun bah imut sun ku Swarmai ko pa waun kuru mgba'awun. 5 Wuna nere Baku, wu do ning bene wu bah leresah, ai njel a chele nere Baku ku ka'ana Baku,imur wu nginshere, ne wu bapina sun yah. Chiwa wun wun ngichewe, a mal-ma kuma beh kuru mgba'a yah. 6 Bumm ka'ana wun ma shihi wu kpang kun ka'ana, kah wu nere Tarwun bah iku swarmai. Tarwun bah i sun ku swarmai ko pawun kuru mgba'awun. 7 Wuna nere Baku, wu do ningyi nda renglo'o bene ba wu gamur bapina ai pa'asah, ai sun ne a woo yah chew be lo'o ya bwana. 8 Wu do ning bene yah sah, chew bah Tarwun shi'ila gir bah wu njila dwa kah wu yo munai. 9 Wu nere bene mani: Tarsu bah ku kalang, a toh lu'ulo i jeh. 10 Ne su pa'a gir bah a njila ku nzah ban bene bah iku kalang. 11 Pasu ma linah billasu. 12 zhus girbiwa su bene bah sumu zhus wa bah a pa'ana su girbiwa. 13 Do warsu shen bana biwai sah nee ya'a buksu ku baa ba pa'a su girbiwa. 14 A nai zuss wa wu bapina ghirbiwa ya, Taro ma kalang ko zuss yoh ghirbiwai. 15 Wuna doo zussa wa yirwun girbiwa sah,Tarwun ha iku kalang ko do zuss wun girbiwa wun sah. 16 Wuna ningna wass mu'uru, wu do suhu mishwun sah bene wu bah lere ai pa'a, ai suhu mishya ne wu bapina she'ele ne a ningna wass mu'uru, chiwa wun ngichewe, a malma kuma beh kuru mgba'a yah. 17 Beh wun, wuna ningna wass mu'uru, wu wu'o muru ku mmurwun, wu zuss mishwun. 18 Ne i do ning wa bapina ne wu ningna wass mu'uru sah, wu pa'ai beh Tarwun bah i sun ku swarmai, beh Tarwun ba I sunku swarmai ko pa wun kuru mgba'awun. 19 Wu do chi murum wun ku nzah sah, bah wu kungwa'ah i lilliwi ari suhi, i wu bah nzhiwi a yarah kaw. 20 Ne wu chi murum wun ku kalang, ku ban bah wu kungw'ah i liliwi a do suhu ya sah, iwu bah nshiwi a do Kaw sah. 21 Ku ban bah murum ngyo ham, nchimo ko ning ho bani. 22 Ngya'a mishiw yi beh bung ban ma yiriw. Yi bah ngya'amiso na shima, beh yiro mbwang i bung ban. 23 Beh ngya'a miso na biwa, be yiro mbwang ko ningyi pina. yi bah ningna ne beh bung ban bah iho yiro na yoh ningna pina, beh puna bili nigna kpi'i! 24 Beh bwarra bah ko pa'a chumu wa jeh baring, ko be'ene mo'on gan mo'on ke i yoh be'ene mo'on mbwang. 25 Yi bah chiwa wun, ne i do biwi yirwun chew nchimwun sah. ku mur gir ba wo lih ke gir bah wo nuh-ke ku chew yirwun, ku mur gir bah wo yishi. Beh nchimu do bongyo gana billa, i beh yiriw so gana twan sah? 26 Wu sun wu ngyiling ma kalang. A dooi belle ke a yumu ke a kam muri ku Durung sah,beh Tarsu Ma kalang I pawa bila. Wu do bongyo gana yah sah? 27 Yini wun chew suhu nchimi ko ngi ma'a ne ba'ai bwan ku nsah? 28 Mani ma'ana a mu suhu nchimo ku mur wu twan? Sun beh wu poss nguni ma to'oh, i gir ba ai pa'a a gulu. Ai do pa'achumu sah, ke a kur twan. 29 Chiwa wun, ko sulemanu ku beh lem yi wo do yi'isa ka'ala shimai bene yah sah. 30 Baku na pwassa beh wu nguni ma to'oh bah ai ning linah, liwi a buk ya ku kwer bissa, I wun bapina ko pwoss wun lan? Wun bah wui chigeh ngichewe? 31 Ne nchim wun do suhu sah ku mur gir ba wo lih ke wo nuh, ke wo yishi. 32 Beh wu gamur bapina a pisa beh wu girmani, Tarwun makalang shi'ila ne wu njila yah. 33 Ne wu pis duwa lah Baku i puhu nchimi yi, wu gamur gir mani, a pa wunu. 34 Yi bah ne, wu do suhu nchim wun chew liwih sah, liwi do sun ka'amuri. Be duk mo'on i mor biwa ma bii.