1 Bah Yeso sun beh kam mur wu bapina, yew mashen mur kono. Bah ning su'ula, wu muna chumii yoh ho bii. 2 Fa kuni imu sah wa, imu chewne, 3 Wu bah shima nchimu ya bah ado gima sah, Yah a kum lah Baku 4 Wubah shima nchimu ya ba amur su'uhu nchimya A pawa so'opolo nchimu. 5 5 Wu ba shima nchimu ya ba bun mur yah, Yah a kum mpuru ku nsah, 6 Wu ba shima nchimu yah bah zol ngichewe imu wol yah, A rus i ngichewe. 7 Wu ba shima nchimu yah bah sun chiri, A sun chiriyah. 8 Wu ba shima nchimu yah bah ai Puhu Nchimu, A sun Baku. 9 Wu ba shima nchimu yah bah ai war so'o polo nchimu yoh ku chiri wu bapina. A chu'ulu yah wu muna Baku. 10 Wu bashima nchimu yah bah a lina chiri chew ngichewe, A bor lah Baku 11 Wu ba shima nchimu wu bapina ana mu sa'anga wun, amu pa'a wun girbiwa a mu cfhew wu girbiwa ku mur wun ma lilim, chew lu'ulam' 12 I bong bumm wun, wu ye'ere yirwun beh kuru mgba'awun i mori ku kalang. Woh bene mani ba wu bapina a pa chiri wa wu ba sunduwa bah awo ham makira'ai ka wu yoh ning ha ku sum yah. 13 Wunu muhah ma nsah. Beh muhah na su'una be luro'oi ku to'o, ko yah pa'a lan i ning muha Kpa? Ido bassa bwangna ma gima sah,S so'o to'oh i yi a dangar i mgbu'uh. 14 Wunu bung ban ma nsah ban,Ram bah i ku gbo'o ban ko do ning i swarmai sa, 15 Wu bapina ai do chi bissa ku gir bung ban a chihi ku ta'a kosoh. ai chihi ku ban chihi ku rengreng yi ne i pa bong ban wa bapina bah lah. 16 Ji'ingi bung ban yoh ne i bung ban wa bapina ku nshere ba a sun gir shima you a lem beh Tarsu makalang chew beh girshimau. 17 Wo do re'eshe ne yuwana nda bassah be lo'o rengchewe ke wu ba sunduwa sah. Do yuwana ne mu bassa ya sah, yuwana nda rusu yah. 18 Ngichewe yi ba muchew wunu ne wu kalang i nsah ana yo bwa'alama, ba muchiger gir bah ko bo'olo ku lu'am seh ana yoh rusah ma. 19 Bwarra ba na buna be mu chige'ei ku chiri be wu ma'a yam yoh sana wa magina ne a pa'a naa a chu'uli ne ma chigeh ku lah Baku bah iku kalang. 20 Chiwa wunu ne ngichewe wun na do ngyarngya ganna maw ba sahsah i maw Farisiya, Wo do'o bor lah Baku sah. 21 Wo wa;ana bah awo chew maira'ai ne 'Do wol bapina sah,' I,bah na walah bwarra ku ning ku chiri ji'iri rengchewe; 22 Ne chiwa wun ne bwarra ba na mu lih buii i so'ongi ningna ku chiri ji'iri rechewe; bah na chiwai i songi ne, "Weh ka'abiwa bapina" ningna ku chiri ji'iri wu ba nzah, bwarra bah na chiwa ne "weh gbuchuk!" ningna ku chiri ji'iri bor lah bissa. 23 Ana mu tonn gir gbirai yoh ku mur ta'a tonu,a yo ri'isa ne so'ongo lina buii i weh, 24 Ji'ingi be gir tonnu you ku beh mur ta'ah ne kwa nshere.shen par so'ongo ne girshi be lo'o ka'a a bun yere shen nda tonn beh wu gir gbirai ku dum Baku. 25 Pe'e girshi lo'o i bwarra bah imur să buhu i weh ku nginshere kafin wu ji ka'ana rengchewe, ne bah i mu sah buhu i weh do waro pi'i bah reng chewe sah, ne beh bah rengchewe do waro pi'i ba ko me'ew ku nengye sah, 26 Ngichewe yi bah mu chewwun ne wó do pur ku be nengye sa seh ana yoh talla beh ngya'a bolo mbwang. 27 Woh wo'o bah a chew ne, "Do nong imam bwarra sa." 28 Ne chiwa wu, ba suna bamaam sunu ma njele, mah ma nongyi i yi ku nchimi. 29 Ngya'a miso ma lih na ma'ana weh ne kwah, wuhu puru iyi ne buk to'o, ko bong ne kang yiro mo'on lih chiri i bah a buhu beh yiro bwang ku bissa. 30 Buho mali na ma'ana weh ne kwa, yeri buk to'o, ko bong ne kang yiro mo'on lih chire i bah wu buk beh yiro bwang ku bissa. 31 A wo chew ne,"Bah na pira mami, ka panai mpuksheme wol remeh," 32 Ne chiwa wun ne bah na pira mami, seh na ningna ku mur gir biwa ma bwarra nuangna i yi, ma'anai ningna bah girbiwa ma nongwoo, Bwarra ba na yoh rimai ku zum pa'ana girbiwa ma nongnwoo. 33 Ne wo wo'o gir bah wo'o chew wa bapina maira'ai "Do kan bwa ma lilim sah, ne ana kanbwa, i ning ne a pa'anai Baku yoh" 34 Chiwa wun wu do kan bwa sah, ko i kalang, yi ban ningya Baku. 35 Ke i nsah,yi ban chik mgba'a Baku, ke i Urushalima, yi ram ma mor Gom. 36 Ke do'o kanbwa i ka'a muro sah, Wo do ngi ma'a ngyong ka'amuro mo'on puhi ke pinai sah. 37 Beh lo'o i ning,I,I, ke wi,wi," gir ba na bwa'ala be mani, pura iyo bah bah leresu. 38 Wo wo'oh bah a chew ne, 'ngya'a mishiw ma ngya'a mishiw, ngyirngyu ma ngyirgyu.' 39 Ne mu chew wun ne, wu do be'ene bwarra bah i pa'a girbiwa sah. Ba na ngya'ana weh ku ndashiew ma lih,pirwai be mo,on ndashiew kpana. 40 Bwarra na njila i shen ban renchewe i weh, ka twala twan yoh, ji'ingi be bwarra ne i toh twan polo yo kpna. 41 Bwarr ba na ma'ana we ne shen gul nshere mel mo'on, shen iyi mel baring. 42 Pai bah na muna weh, do'o bene pi'i bwarra bah na njila tanya ku bo'o sah. 43 Wo wa'ana bah awo chew ne, " njel mu'uro ma Pwer i weh, a bene mwan burah yoh." 44 Ne mu chew wun ne wu njel mwan burah wun iwu bah a mu pa wunu chiri, 45 Ne wu ning wuh muna Tarwun bah iku kalang, Yi ma'ana missa ne i tah mu mur wu ba girbiwa i wu shima yah, i tum mpulu ku mur wu shima bapina i wu biwaya. 46 Wuna njila wu bah a njila wun, kurgbu'u man ba wo kumu? Wu bah ya'a ngya'abolo nzah ai do pa'ana sah? 47 A na za'ara wu so'ongo loyah, a pa'ana man ganna wu gamur wu bapina?Wu gamur bapina ai do pa'ana sah? 48 Na na'a, wo ning kahkah bene Tarwun makalang ba I Kahkah.