1 1 Beh mpilar toh Yeso mashen to'oh ne bah lere su shen mii sunu. 2 Bah yoh ning wass mu'uru ma missa lum yinung i Duhu lun yinung, nsalla yo woli. 3 Bah leresu you chwai ne, ''A nane we mun Baku, ma'a beh wu tah mani ne ning fofo'o. 4 Yeso yerai ka'a chiwai ne,''A ngwa'ala, bapina ko do ning ku mur billa fofo'o loi sah, ne ko nong ku mur wu bwang lo'o bah pura ku kun Baku." 5 Beh bah leresu toli mashen be Puhu ram ka chihi ku mur be mor gul lah ma ka'ana Baku. 6 Ka'a chiwai ne, "Ana ne weh mun Baku, lele su'ulu mashe nsha "ne a ngywa'ala ne, " Ko ma'a wu Malaiku ngyi ne a gishi waro.' A tolo yiwa ku bukyah; , 7 Yeso chiwai ne, "A bassa nwa'ala , 'Wo do mah Tarsu Baku yoh sa. 8 Bah leresu bassa tol Yeso mashen Kalang ban ka rumi i beh wu gir toh mishiw ma nsah mani i beh wu gir bong yiriw bah a ha nsah. 9 Ka chiwai ne, wu gir mani mbwang moh po'o, qana do,ana su'ula a so'onsah Panam" 10 Yeso ka chiwai ne, "kwa nsherew iyo ha barii, Shetan! A ngywa'ala ne, "Woh so'o nsah pii Tarsu Baku yoh i wo pa'ai lo'oi chumu" 11 Yi bah beh leresu ji'ingi, yi bah wu Malaiku Baku a yoh pa chumu yi Yeso. 12 Bah Yeso yoh wo'o ne a bwala Yohanna, ka bunyere mashen Galili. 13 Yi ji'ingi Nazareth ka shen mashen Kapanahum, bah i ku kang bwah ma Galili, ku be nsah ma zebun i Naphtali. 14 Mani wo pa'a ne a rusu lo'o bah a wo chiwai i bah sunduw Ishaya. 15 "Nsah zebulun i nssah Naptali, mashen beh bwah ku nsum Jordan, Galili mau gamur bapina! 16 Wu bapina ba a ningna ku pinah a suna mo bhum ban, i wu bah a ningna ku kangyi io lilim ma wuh, ku muryah i bah beh bung ban lu'ana." 17 Ku yo bani Yeso Pak sah lo'o Baku Imu chewne, "Wu ji'ingi girbiwa wun, Yoh Baku taah pwer" 18 Bah yoh i mur shen ku kang bwaah ma Galili, yoh sun wu bwarra i so'ongi amu so'o ka'ashere bol nshii ku mu'uru, yah wo wu bah bol nshii. 19 Yeso Chew wa ne,"Wu yoh war ta'am, moo ma'a wun wu ning ba bol wu bapina." 20 Muni muni a ji'ingi be wu lawa a war chi'i. 21 Bah Yeso imu shen mashen duwa, sun wu so'ongyiu magina baring,Yakubu mun Zabadi, i Yohanna so'ongi, awo ku bum ka'ango'oro ssau mu'uru i zabadi taryah amu girshi wu ka'a shere yah. ka'a Tu'ulu yah. 22 A ji'ingyi beh ka'ango'oro sau mu'uru muni,muni a war chi'i. 23 Yeso Kikang mal bah ku Galili, I mu sahsah ku wu ban nere Baku, I mu war so'o polo yiriu yoh wa wu bapina bah wu ko'ongo tah yah gbeh wo bwala ya. 24 Lo'oi kikang mal ban mashen bwang nsah Syria, wu bapina a yoh i wu bah ko'ongo, bah a woi wu ta'a ko'ongo bwana, wu ba wu kila a wo bwara yirya, wu bah ko'ongo wuh kpum, iwu ba kang yirya wo wunah, Yeso th buya bong. 25 Mor rama mau bapina a war chi'i iyo Galiti,mashen Decapolis, mashen Urushalima, mashen Judiya, I mashen nsum Jordan.