NGYI 3

1 1 Ku wu duk makira'ai, i bah Yohana ba woi dang wu bapina ku mu'uru yoh i mur lo'o lo'o Baku ku to'oh i Judiya imu chene. 2 "Wu ji'inga girbiwa wun " be lah Baku makalang ta'a pwer" 3 Be h mani yi wo ba awo lo'oi kun Ishaya bah sun duwa, ne "Kun bwara i mur chu'ulu ku yoh to'oh 'Wu girshi nshere Baku' ma'a nshere ne i shen kaah" 4 Yohana wo yi'isa ka'ala ma ngyong Rakumi i ka'angu bunih. Billai wo wu mbahsum i wu ngyi. 5 Wu bah ku Urushelima, i bwang Judiya ibe wu kang ban ma bwah Jordan a sshen mashen bi. 6 Yi wo dang yah ku mu'uru ku bwah Jorddan, a ningyi nda chew wu girbiwa yah. 7 Bah sun bwana ku be chiri wu Farisiyawa i wu Sandukiyawa a mu yoh mayoo bhii ne i dangya ku mu'uru, chew wa ne,''Wun muna wasang, yenii tah na bura mur wun ne wu bang ngyi be chiri bah wuna? 8 Wu pa'a chumu ba ko rum ne wu ji'inga girbhiwa wun ma ngichewe. 9 Wu do'o re'eshe chiwai ka'amur wun ne, ' sui Ibrahim ma Tarsu' chiwa wun ne Baku ko ngyi la'ahun i wun muna mun I Ibrahim koku chiri beh wu ta'ah mani, 10 A ma'ana be mbiwi ku ta'a wu be nguni ne wu nguni ba ana do bila shima wu bili sash, a yere ma'a su'ula a tah bu hu ku bissa. 11 Zussa wun i mu'uru chew girbiwa, yi ba wuna nswam i ngyarngya ganna mi do jina mu war ka'angu mgbi'i sah. Ko yo zuss wun i puhu mpilar i bissa. 12 Tuhtuh ngyi ku buhi,ko kur wu muwai pur iyi ku goro Alkama ma shen durung,ko ton wu muwai i bissa ko do wuh sa. 13 Yeso yo ku yo Galili, mayo bwah ma jordan ne Yohanna Zushi ku mu'uru. 14 Yohana njel ne i bene i mu chene, ''njila ne weh a zussam, weh a yuama bham? 15 Yeso chiwai ne, ''I ning na'a imani, i bwngya ne su rusu wu gir ngicehwe bwang'' Yi bah Yohanna yo yerei. 16 Ku nsum bah a zussai i mu'uru Yeso purii be mu'uru, yi bah kalang fai. Sun beh mpillar Baku imu su'ulu bene gigi kahyo ning ku muri.A 17 wo'o jimu ku yo Kalang i Mur chew ne "mani yi munam ba njila, i bwangna yiram i yi."