1 1 Ba a bila be Yeso ku Baitalami ma Yahudiya ku wu duk ba yi wo Gom. Ka wo'o ku ba wu bura ba yuana ''Shehuna'' yoo ''gabas'' ayoUrudhelima,amu mui. 2 Be mun ba bila be Gom ma Yahudawa yahe? su suna lewer ku Ban Purmisa a yuana ndah so'o nshah pi. 3 Ba be Gom Hiridus wo'o mani, nchimi suhu, i ma Urishalaima bwang. 4 Hiridus goro wu mu'ara wu ba sahsah i wu ba ngyo'olo i wu mo'oro bapina ba ai ngyarngya a mur be ban ba a bil be Kristi; 5 A chew yi ne ku Baitalami ma Yahudiya. Yi ba wubw sun ban Duwa a Ngwa'ala. 6 'Be weh Batalami nza ma Yahuda, do we muzuhi ku chiri wu jeh Yahuda sa, bwajeh ba sun wun ko pur ku yo ho Israila.''' 7 Hiridus ku swarmai chu'ula wu ba She'ele muna ya ne a chiwai Karkar ba'ayewe ba be Lewer pura 8 Tumya mashen Baithalami, ne a pe'eban kiring, ban ba be mun ho. wunakumai wu chew yam. Ne mi kpana moshen so'on sah pi" 9 Ba a wa'ana be lo'o Gom, a kwana shereya, be lewew ba a suna, ku ban purmisa i murshen ku dumya kasah ma she chila ku ban ba beh mun bamun ho. 10 Ba a sun be Lewer, bong chimya bwana bwana. 11 A bor ma shen be bum la ka a sun be mun i Ngyi. A do'o su'ula a so'o nzah pi Awo fa murumya a pi wu ngya'a ta ba imu'uru kwa'ala, wu muru ba ai gishya mashimai, i "mur" 12 Baku sung bumbur ya ku loro ne amido bunyere ba Hiridus sa. A bunyere waaar nshere ma gba'ai ma shen ramya. 13 Ku sum ba a shinama, Mpilar ma Baku pur i Yusufu ku loro ka chiwai ne, "la'ahun yiwa, to be mun in ngyi, ne wu bang mashen Masar. Ning ho bani ne na yo'o chiwau, Hiridus ko pis be mun ne ku woli." 14 Be duhi bili Yusufu la'ahun yiwa ka toh be mun bamun i ngyi a shen ma shen Masar. 15 Wo ning ho bani ka'a Hiridus yo wu mani wo rusu be lo'o ba Baku wo lo'o ku kun ba Sundwa ne, "Ky yo masar Tu'ula "munam." 16 Bah Hiridus she'ele ne wuba'a she'ele ama,nai ningya mgbuchuck, nchimi suhu bwana. yo tumu ne wo'olo be wu muna bura mbwang ba awo bila yah ku Baithalami i ba aku kang ban mbwang bah a woi bana baring i bila i wu ba'a awo shima ma ji ba'a baring, ku be ban she'ele she'ele 17 Be lo'o wo yo rusu bene ba a wo lo'o kun Irmiya ba sun duwa. 18 "A wo wo'o kunu ku Ramah, imu zholo i mor suhu nchimu Rahila wo mu zholo chew muni, ka bene ne a do'o dingnai nchimi sa, chew bah wu muni awo do ham sah." 19 Bah Hiridus wuh, Mpilar Baku yo pur i Yusufu ku Masar ka chiwii ne, 20 Lahun yiwa a th beh mun bamun i ngyi ne shen ma shen nzah Israila, beh wu bah a mu pis beh nchimu ba mun a wuamah. 21 Yusufu la'ahun to be mun bamuni i ngyi, ka shen mashen nzah Israila. 22 Bah yoh wo'one Archelaus wo ningyah Gom ku Judiya ku bana tari Hirudus,wo bah ji'iri ku loro, shen ma shen kang nza'a Galili. 23 Shen ning ku nza'a ba ai chu'uli ne Nazereth. Mani wo Yoh rusu be lo'o ba a chiwa ku kun ba sundwa, ne a chu'uli Nazarene.