1 Yesu chu'ula wu bah ye'ele chumui lum kuni baring ka panawa kunu ku mur pina mpilar ne a pur iya, ka ne purwa i ko'ongo bwang. 2 Lu'ulu wu muna ye'ele ma Yeso lum kuni baring. mah mo'on,Siman, ba amu chu'uli Bitrus, I so'ongi Andarawus, Yakubu mun Zabadi, I so'ongi Yohana, 3 Filibus , neh Barthalamawus, Toma, Matiyu bah ya'a ngya'abol nzaah, i Yakubu mun Halfa, I Yahuza. 4 I Saminu Bakanane, i Yahuza Iskariyoti bah kura I Yeso. 5 Beh Lumkuni baring bah Yeso chumaya mah shen nza.Panawa kunu neh, wu do shen ban wu alumai ningna sah, wu do bor nzah Samariyawa sa. 6 Wu shene ku bau wo nzur ma Israila bah bwarsa. 7 Bene bah wuna suna, wu chewwa bapina ne yo Baku tah pwer 8 Wu purwa beh ko'ongo, wu la'ahun bah wu yesh wu bah ye'ere mangam ne wu pur iwu kila. Wu kumah gbirai wu pa gbirai. 9 Wu do tol zinariya, Azurfa ke tagula ku ka'ashere wunsa. 10 Wu do tol ka'aluru mah shenshene, ke twan, ke ngugbu'u, ke gir warbuhu beh ba chumu ko kum, billai. 11 Wuna bwara ram maganai i Ram machigee wu pe'ebwara bah yira i wun wo ngi ma ning iyi, ta'ara duk ba wu pur ho banio. 12 Wuna bwara beh lah wu za'ara. 13 Be lah ba wuna bwara ka bwagna wun wu par kunwun mashimai, lah ba do bwangna i wun sa wu war ba kun wun girawaun. 14 Wu ba ana bi'ina ya'a wun ke wo'o wun wu ra'asa nchunchun gba'awun. 15 Mu mur chew wun, be misa rengchewe nzah Sodom i Gomurata maya ko biwi gan be nzahya. 16 Sunu,mo chum wun, bene wu nzur ku chichiri "Kerkechi" Wu ning bene ba nzor Karah ba i do pa'a gima biwai bene Gigi sa. 17 Ai chitama wu bapina, ya auyo li ta'awun,ku chiri be ban ba ai ben ka'amurya. A yo lim wun i gban ku la Baku yah. 18 A warwun yo ku dumwu ba war nzah i wu Gom i nzoh kunam. Ko ning "Shaida "ku nzah I wu Gamur bapina. 19 Ana bina wun, wu mi ka'ara chewne so ya pa'alan ke girba wu lo'o, be gir ba ana luana yi ba ko pawun gir ba wo lo'o ho bani muni 20 Do wun wo lo'o sa, be mpilar ma Tari yi ko lo'o ku chiri wun. 21 So'ongi ho pa so'ongiu ma hu wuh, Taru apa wu munya, wu mun a lawun wa tarya, ama'a a wolya. 22 Ko yen Wo ning ba au be'ene wun,ma chew lu'ulam. Ba na kura mishi na mashen marsai ko pa'a ho kum nchimi. 23 Ana pawun chiri ku ram, wu bangya ma shen mo'oni wuna ne wu mal be bo'oro ku be wu ram-ram ma Israila Mun Baku yuama. 24 Ba a mur ye'ele do fana ba imur rumisa. 25 I jina ne wuba ye'ele a ning bene ba wu ba amur rumyai i be wu korom bene be bwaje yi. Ana chu'ula ba lah ba'alazabu ba "balle" Ko biwi gana lu'ulu ba a tu'ula wu puk lahya i yi. 26 Wu do bang ji'irisa, be gir ba ana kusai awo ga'ana puru iyi ke gir ba i swarmai awo suni. 27 Gir ba mumur chew wun ma Duhu, a chew ku misa gir ba wuna wa'ana ku bumburwun wu chewe wa bapina i ngyarngya. 28 Wu do bang ji'iri wu ba a wol yiru manisa, au do ngi wol nchimu sa. Bang ji'iri ba ho wol nchimu i yiru i li bisa. 29 Wu suwe baring a ko do ngi kurii ya ma kobo baring ma zukisa? Ba mo'on ya ba ho kwa wu ba i she'ale tarwunsa. 30 Ngyong muru ma ka'amurwun bala suna. 31 Wumi bang ji'irisa, wui njele Baku gana kwerere ke suwe'e. 32 Bwaraba na chiwa girbiwai ku dum bapina,mi ma mo chew yi Tarsu ma Kalang. 33 Ke bwara ba na chuna kun yam ku bawu bapina mi ma mo chun kuni ku ba Taram ma kalang. 34 Wu chene yuana nda so'opolo nchimu kube nzah.Do yuana nda so'opolo chimwunsa, yuana i kongyo i be'ew riding. 35 Mi yuana ne mu ben bapina i tari, sari i ngyi,shiliu ma maam i ma bura. 36 Ba na bi'ina we, yi ba woyo ning ho be puk lii. 37 Bah na njila tari ke ngi gana mi do jina i misa, ke bwa bana njel wun ma sari ke muni ma burah gana mi do jina i mi sa, 38 Bwara ba na do twala gana ngo'oro ngyi wara ta'am sa ido jinai mi sa. 39 Ba na pi'ina nchimi ko sai iyi, ba na bi'ina chimi chew mi ko kumi. 40 Ba na yira i wun i yira imi. Ba na yira imi yira i be bwara ba chumami. 41 Bwara ba na yira i wu ba sun duwa chew mah yiba sun duwa, ko kum kurumgbi'i ma sun duwa, ba na ya'ana ba pa'angichewe. 42 Bwara ba panau mu'uru nuh i wa mo'on ku chiri beh wumunamun, ko mu kpage mo'ona chew ne yi "ba ye'ele wai mumur chewewun ho do sai be kurumgbi'i sa.