1 1 Yeso iyo nda mal pah kuniwa ba ye'elei ka la'ahun ho bani nda rumuya i sahsah ku ram. 2 Be Yahaya wo wo'o ba iwo ku ningye be chew wu ba munbaku i mu pa'a ka chum wu muna ye'elei. 3 Chumya mashen bi I mur mweh ne, we yi ba ho yo! ke su pis maginai? 4 Yeso ka kasiwane,Wu sa chewai Yohana. gir ba wusuna i gir ba wu wa'ana. 5 Wu batawa a sunban, wu ba mgb'a ya biwa, a shenshen, a kukom a zusya puru, wu ba mgbing a bunyere ho lo'o, wu ba wuna a lahun. ma shen nchimu. A basa lo'o wa ba param gir lo'o ma shimai. 6 Pana kunu i wa ba nchimya chuhana chew mih. 7 Ba a kwanashere ya, Yeso pak ma bal wa be wu bapina chew Yohana. Mani pa'ana wa pura mashen mgba'a to'o To'o ba gung i mur ji'iri. 8 Wu pura nda sun man i sah, bwara yisa twan puhu? Magina chew newu ba twan ma wu nai ningna ku kunlah Gom. 9 Wu ya pura wu sun ba sunduwa? ina chiwai wun gana ba sun sunduwa piim. 10 Yi be gir ma a wo ngyo'olo: "Sunu, mumur chum ba chumuyam ku mis wun, ba ho grishi ginshere ku dumwun. 11 Mu mur chew wun ngichewe, ku be chiri ba bamaam bilai be magina ba i jina i Yohana ba pa'a Baptisma. Bene bili ba do suna ne do yi gimasa, yi mbwarai ku ban ningya Baku 12 Ku yo duk ba Yohana ba Dang ma shen mani, be lah Baku ko limishi nda pe'e chewe. Wu ba pa'a chewe ai ya'a ma kirih. 13 Wu ba sunduwa i wu ba rengchewe ai ning dah sun ban, duwa i Yohana. 14 Ana njila ne wu ya'a, yi Elisha ba wane ko yo. 15 Bwara ba nai bumburi ma wo'o, i wo'o. 16 I man sa mah i zhe'e? I bene wu munamun a mur tadala ku kun ban kurkuru ai ning tah chu'ulu yirya. 17 Ai chew ne wu pewe feh ado ta ngom sa. Wo pa'a Chiri wu do zol sa. 18 Yohana yuana nda li fo'ofoh ke nu ngari, a chiwa ne i wu kilah. 19 Mun bapina yuana, lina nuna s chew ne, Sunu, bura ba li bwana i nu bwana mwan ba ya'a ngya'abol nzah i wu ba girbiwa!' yi nzor ko chew yi ka'amuri gir ba pa'ana." 20 Yeso ning nda she'echewe ku be ram ba pa'ana tumu chew ma a bina ma ji'igi be chew biwa. 21 Chiriu korasinu, chirau, Betsaida! be girma ma kunu ba pa'ana wu chiri wun i ka ya i Sidon, ba pa'ana wo bawun a wai ji'inga be chew biwa ya'aya'a i pol twan i chu ku yirya. 22 Ko do ningwun gir sunu sa wu Taya i Sidon ku duk rengchewe wun. 23 Wu Capernaum, wu suna ne au tol wun ma shen kalang? A mau ne nong i murow ku nzah. na ku Sodom a pa'a gir ma mori, i wo ning ma lina. 24 Mu mur chewi wun ne misa rengchewe ko ning wun gir biwa. Bene ma wu Sodom. 25 Be misai ma Yeso chiwa ne, mu so'o nzah, Dah, Baku ma kalang i nzah, chew bah a swarma be gir, ku mur wuh ba she'elesa.Fana wa ku mur wuba a do shi'ila sah. 26 Ina Dah, I wo bungna ku miso. 27 Wu gir bwang a panayam ku yo ba Dah, bwara do shi'ila be munisa be Tari yi shi'ilai bwara do shi'ila Tari sa be muni shi'ilai. Be bwara ba be muni njilai yi ba ko puri ku muri. 28 Wu yo bam wun ba wu mu li chiri i lu'uru ka'ala mo pawun wosgana. 29 Wu to ka'alam ku murwun ne wu ye'ele ku bam, mi ba ma'a ka'amuram ku nzah, mi doi toh ka'amuramsa, wo kum so'opolo ku nchimwun. 30 Be ka'alam do lu'urasa, yiram do lu'ura sa kpanah.