NGYI 26

1 Yo ning bah Yeso mal wu beh lo'o mani, ka chew wa muna ye'ele tumui ne, 2 Wu shi'ila nongyo baring bah wuna a kam muru ku re'eshei ta'ah lu'uru, a pah mun bapina ne a woli. 3 Beh wu bwajeh ma sun lah Baku i wu jeh mau bapina a yo kam mur yah ku lah beh mor bwajeh ma sun lah Baku ba ai tu'uli ne Kayafas 4 A wo mu lo'o ku mur Yeso i nshere bah a boli ku swarmai a woli. 5 A wo mu chew ne "Do ku bana kam muru mani sa, ne bura do la'ahun ku ciri wu bapina 6 Yeso wo ku Betani ku lah Siman bah Mangam, 7 Bah yo ning ku tebul i mu wos ganna.maam magina yo bii wara kwalba mur so'o ma duannai i ngya'abolo bwana, ka yo so'oi ku muri. 8 Bah wu muna tumui sun nah, lih bum yah a chene, "Mani ma'ana a suha beh gir mani?" 9 "A yo kura iyi ku mur muara ngya'abolo ne a pawa beh bah a sahai." 10 Kpah ma Yeso, shi'ila beh nchimya yah, ka chew wa ne "Mani ma'ana wu mur su'uru beh maam mani? 11 Wo ning i wu ba sahai duhi duhi, wo do ning imi juhi juhi sa. 12 Bah yo su'ana beh muru mani ku yiram, yi pa'ana chew lissam 13 Ngichewe ma mu chew wunu, ban bah ana lu'ana beh shima lo'o mani pa'ana a lu'i ku re'eshi.'' 14 Mo'on ya ku ciri beh lum kuni baring, bah ai tu'uli ne Judas Iskariot, shen bah beh mor bah sun lah Baku. 15 Ka chew ne, "Man bah wo ngi tallam ne mu wari pah wun?" A mah ngya'a ta'ah puhu lum tarung a pii. 16 I yo bani, pis nshere bah i war Yeso pawa. 17 Ku duk ma mo'on ma li fo'ofo bah do luana sah, wu muna tumui a yo bah Yeso a chew ne, ku he bah a njila ne su girsau ban bah wo lih billa ma tah lu'uru?" 18 Chew ne, wu shen beh chiri ram mashen bah bura magina wa chiwii ne, Bah Sahsah chiwa ne, ban yam yuama. moh lih beh billa ta'a lu'uru iwu muna ye'ele yam ku leu. 19 Beh wu muna tumui pa'a bene bah Yeso chiwa ya, ayo pa'a beh biila ma ta'a lu'uru. 20 Ba kurwa pa'a, Yeso yo ning i mu lih biila i wu beh muna tumui lum kuni baring. 21 A ho mur lih, Yeso chew ne, "Ngichewe ma mu chew wun ne mo'on wun ko kurui imi." 22 A bor suhu nchimu, a nur mwii, "do misah Tarsu?" 23 Yeso kas wa, "Beh bah yisa buhi ku koro imi yi bah ko kurui mi. 24 Mun bapina ko shene, bene bah a ngwa'ala ku muri. Ne chiri ku mur bwara bah ko ma'a a kurui iyi! Ko bongyo gana ne a do billai sa. 25 Judas, bah ko kurui yi chewne, yi mi, bah sahsah? Ka chewai ne, "A chiwama i ka'amuro." 26 A ho mur lih billa, Yeso toh fo'ofoh ta lo'or yi ka buni. Ka pawa wu muna ye'elei ka chew ya ne, "wu ya'a, wu lih mani yi yiram." 27 Toh girfeng ka bwarta Baku, ka pawa ka chewne, wu nuh, mbwang wun. 28 mani yi beh shila ma pah kunu bah a ta'anai pura chew wu bapina bwnag chew zuss girbiwa. 29 Ne mu chew wun, mo bassa do nuh beh bil nguni ma ka'a nguring sa, she duk bah mo nuhi piwii i wun ku lah Tarsu ma kalang. 30 Bah a na'a nshelle a shen mashen mur tah wu parr. 31 Yeso chew wa ne, "mbwang wun wo kwa i duhu man chew mi, bene bah a ngwa'ala, mo ngya bah sun yah, beh wu nzur a gau ban. 32 Na yo lu'ama, mo shen ku duwa mashen Galili. 33 Bitrus chiwii ne, wu bapina mbwang ana kwa chew weh, mo do kwa sah." 34 Yeso chewai ne, ngichewe ma mu chiwau, beh duhu mani, ma a chewne kuko'oro ku tongyo, wo be'enam mgba'a tarung. 35 Birtus chewai ne, "na ningya ma mu wuh i weh, mo do be'ene sa." Wu muna ye'ele tumui mbwang a chew na kpana. 36 Yeso kah shen mashen bana magina ba ai tu'uli ne Getsimani kachew wa muna tumui ne, "wu ning ha barii mishi shen nohnoh nda nere Baku.'' 37 Yeso toh Bitrus i wu muna zabadi baring ka pak ning i suhu nchimu. 38 Yi ma chew wu ne, nchimam suhu buana har mashen wuh. Wu nign ha barii lehleh imi 39 Shen duwa chige'e ka kwa i duii ku nzah imu nere Baku. Yeso chene, weh Taram, na ko bong twalam beh girfeng mani, do ba mii njila sa.ne ku njeleu. 40 Yo bau muna ye'ele ka yoh kas yah a nuangya tolong, ka chiwi Bitrus, "Man, wo do ngi ningyi sun ban imi ma bolo mo'on sa? 41 Wusun ban i nere Baku ne wu do yo bor buk bah lere sa. Beh mpilar i njila, beh yiriu i do i ngyarngya sa. 42 Bassa kwa nshere ma baring nda nere Baku. Chew ne, "Taram, gir mani na do bo'olam sa. gir ba bwangyau a pii." 43 Yi bassa yo kum yah a nuangna tolong, ngya'a mishya wo lu'urq i tolong. 44 Bassa ji'ingi yah ma mgba'a tarung nda nere Baku, I mu chew gir ba ka chiwa. 45 Yi bah Yeso yo bau wu muna ye'elei ka chew wa ne, "Wu shi nuangna wu noss? Wu sunu, beh ban yuama, bah a pana mun bapina ku buk wu bah girbiwa. 46 Wu la'ahun ne su shene. Sunu bah ku kurui mi i pwer imi. 47 Wo shi ho lo'o yi bah Yahuda mo'on ku ciri beh wu lum kuni baring ka yoh. zam wu bapina a yoi iyi ku yoo bwh wu bwajeh ma sun lah Bku i wu jeh maubapina. A yoi wu be'eu rijing i wu mo'oro ghara. 48 Beh bapina bah wo yo nda kurui Yeso wo mal ma pana wa gir sunu ba na pa'ana yi bah a she'ele Yeso ku ciri wu muna ye'elei ne bah na she war kuni bina iyi, yii ma a boli. 49 Ho babanai Yeso ka yo chew ne, "Za'ara, bah sahsah!" Ka war kuni ben i Yeso. 50 Yeso chewii ne, 'Mwanam, pa'a gir bah a yu'ana nda pa'a." A yo chi bukya ku yir Yeso yi bah a boli. 51 Bapina mo'on bah wo ho i wu Yeso war buhi wuk be'eu rijing yi, ka kor beh mo'on korom mau jeh ma lah Baku yer bumburi mo'on tolo. 52 Yeso chewii ne, yis be'eu ngyo ku banii. Wu bah ana ningya i be'eu a wuh ku be'eu. 53 A do shi'ila sa ne mo ngi tu'ulu Dah iyo kalang bah ko tumyam i wu bah bhura ndah i ndah lum kuni baring ma wu Malaika? 54 Ne ilan ba beh mbuknsheme Baku ka ku rusu ne beh gir mani iyo pa'a? 55 Ho banai Yeso chew ya beh zam bapina ne, "Wu yuana i wu be'eu rijing i wu ghara nda bwalam bene bah nshiwi? Mi ning i wun ku ka'ana Baku duhi duhi mu mur sahsah, yi bah wu do bwalla mi sa? 56 Beh wu gir mani a pa'ana ne a rusu wu ngwo'olo mau bah sun duwa." 57 Wu bah awo bwall Yeso a wari mashen dum Kayafa beh mor bwajeh ma sun lah Baku, ban bah wu mo'oro ba she'ele i wu jeh mau bapina a wo kama mur yah ho banii. 58 Bitrus war chi'i ku gul nshere mashen beh lah Kayafas. Yo boro ning ku beh ciri lah i wu bah ning leleh ne i sun man na ko pa'a i Yeso. 59 Beh wu mo'oro wu jeh awo mur pis lo'o lillim mo'on ba a chik ku mur Yeso ne a woli. 60 A do kum mo'on sah, iwu bah reng kunuh ma lilim bah a la'ahun yo rengye wu bapina baring a yo la'ahun i nzum. 61 A chew ne, "Bapina mani chiwa ne ko ngi she'ele beh lah Baku ka bunyere bi'i ku nongyo tarung." 62 Beh mor bwajeh la'ahun yiwa ka mwe Yeso ne i gir lo'o? Beh wu gir ba a ciwa ku muro? 63 Yeso do chew ne gima sah. Beh mor bwajeh ma sun lah Baku chewii ne, "Ma'ana weh ku lu'ulu Baku bah I nchimi ne chew su ne weh Kristi, beh Mun Baku.'' 64 Yeso Kassai, "a chiwa i ka'amuro. mu mur chiwau, iyo mani, wo sun mun bapina ningna ku bukli ma ngyarngya, ko yo ku kurukus ma kalang. 65 Beh mor bwajeh sa'anga wu twan ma yir, ka lo'o ne, " I lu'a gir biwa ku mur Baku! Su yah njila wu bah reng kunu ne man? Wu sunu, wu wa'a gir wun beh lo'o biwa ku mur Baku." 66 Man bah wu suna?" A kashi a chew ne, "I jina i wuh." 67 Yi bah a tah titar ku mishi a ngyii, a ngya, i wu bah bukya, 68 a chew ne, sun su duwa weh Kristi. yeni bah ngya'ana weh?" 69 69 Bitrus i yo mani wo ningna ku nzah beh lah, korom musari yo bii ka chew ne, "Weh ma a woi Yeso ma Galili?" 70 Beh Bitrus linan beh lo'o billi ku ciri yah bwyabg, imu chew ne, "do shi'ila gir bah wu mur lo'o ku muri sa." 71 Bah yo pur mashen nzaah, mo'on korom musari suni ka chew wa ba iya ne, "Beh bura mani a woi i Yeso ma Nazarat." 72 Bassa linan kpa i kan bwqa "do shi'ila beh bapina billi sa!" 73 Yo ning chige'e, wu bah a wo chila ho bii a yo a mwe Bitrus ne, "Ngichewe, weh mo'on" ku chiri yah, beh lo'o lo'ou fana chi'eu. 74 Ka kwa nda suhu ya i kuni i kanbwa, "do shi'ila beh bura bil sa," yi bah kuko'oro ka tongyoo. 75 Bitrus re'eshe beh lo'o bah Yeso wo chiwai ne" kuko'oro na yo tongyo, wo linan she'elam mbga'a tarung," Yi ma pur mashen nzaah ka zollo i pina nchimu.