1 1 Yeso pura ku beh ka'ana nere Baku bwala njerei. Wu bah warchi'i youana bii a mur sa bukya kumur ka'ana nere Baku. 2 Yerwa ka chew wa ne, wu do suna beh wu girmani sa? Ngichewe ngha mu lo'o wun, tah mo'on ko do ning ku mur moni bah ah do tu'uru ya so'o to'o sa. 3 Bah yo ning kumur gboh Olive wu muna ye'elei war chi'i ku swarmai a chew yi ne "lo'osu,ba'ayewe wu girmani koh pa'a? mani ko ning gir mah she'ele ne yow ta pwer i ban ma marsai?" 4 Yeso yerwa ka chew ne,"Wu tam ka'amurwun ne bwara do'o lere wunsa. 5 Wu bapina bwana ayo i lu'ulam,A chene, mi ni beh Kristi, ah ko lere wu bapina bwana. 6 Wo wo'o bura i chew bura. wu do bang ji'irisa, beh gir mani o pa'a, beh mani do marsaisa. 7 Ram ko la'ahun i mur ram, nzah ko la'ahun i mur nzah' Ah ko pa'a nzala, nzaah ko ji'iri ku ban ban. 8 Beh wu girmani ako ning chikchi'i chiri. 9 A wo war wun pawa ne pawun chiri ne wol wun.Wu ramwan ko be'ene wun i chew lu'ulam 10 A zham a ho ngya gba'aya aho li taa'a yirya i be'ene yirya. 11 Wu bah sun duwa ma lilim aho la'ahun lere wu bapina. 12 Wu gir mabiwai ko bwan, njele wu bapina bwang ko polo. 13 Bwara bah na kura njimi mashen marsai ko tapuru. 14 A ho lo'o beh lo'o ka Baku ma shimai wah nzaah mbwang i ho ning reng kunu ku bau ramman mbwang, seh marsa nzaah koyo 15 Wuna suna gir ko'oyiru ma biwai, beh bah Daniyel bah sun duwa luana, ah chila iyi ku bana puhui bah balbala i she'ele 16 wu bah ah ku nzaa Yahudiya ah bang mashen gbo'o kono. 17 Bahna kumurla i do'o su'ulu yo nda tol gima ku liisa. 18 Bwara bah naku suwah i do bunyere nda to twanyi sa. 19 Chiri kumur wuma'abum i wo bah kurmun ku nzum. 20 Wu nere Baku ne beh ba'anga wun do ning i beng sa, ke duhu Asabar. 21 Ku beh duhi bili a ho lichiri bwana, beh bah ado sunai sa ku beh chikchi'i ta'a nzaah mayo lina, aho do basa pe'ebah ma hueng. 22 A do yira beh duk pwersa, bah bwara koh ning i nchimi, ah yira beh duk pwer chew wu bah ngichewe. 23 Bwara mo'on na chiwa ne, 'Sunu, beh Kristi ku nini!' Ke, beh Kristi!' do pah ngichewe sa. 24 Wu Kristi ma lilim i wu bah sunduwa ma lilim a puru a yo rumm wu gir fah ku iwu gir gan muru chew ma a lere wu bapina, a ngi lere beh i wu ba Baku ta'ara ya. 25 Sunu, mi chiwa wun ku duwa. 26 Yi bah ne a chiwau ne, sunu, beh Kristi I ku to'oh; pur mashen to'oh sa. ke, sunu, beh Kristi i ku bumm ka'ana do pa ngichewe sa. 27 Bene bah nsheme i lih ku yo duduhu ka bung ban mashen kurwa, yo mun bapina ko ning nah. 28 Ban bah lor ngyam na ho, wu nyil chiwi a kam murya. 29 Muni-muni ku nzum beh melem ma wu duhi bilyah, missa ko yopini, zungya ko be'ene bung ban, wu lewer a kwa'aha ku yo kalang, beh wu ngyarngya ma kalang a ji'iri. 30 Yi bah beh gir sunu ma mun bapina ko yo pur ku kalang, wu njiliu bwang ma nzah a zollo. A sun yo mun Baku i yoi kuko ma kalang i ngyarngya i mur lemme. 31 Ko tum wu muna tumui i mor jim kpuru, yi bah a ramm wu bapina bah ta'ara yah ku beh wu kang ban yinung iyo mo'on ban mashen marsai mo'on ma kalang mashen bana gba'ai. 32 She'ele ku yo bah ngun foh. Na kah tah mpumpuhi piwi, a she'ele ne mpul nza'a tahpwer. 33 Inaa, ana suna wu gir mani, a she'ele ne, I yua pwer, ku beh wu kun tabong. 34 Ngicewe ma mu chew wun ne beh zhee mani ko do bo'olo sa, wu gir mani ana yoh rusama. 35 Kalang i nzah a yo bo'olo, ne beh wu lo'oam a do bo'olo gbira sa. 36 Ku mur beh duhi billi ke beh ban, bah bwara do shi'ila sa, bi'ina i wu muna Baku Baku, ke beh mun Baku, Tarsu loi yi shi'ila beh duk yo muni. 37 Bene bah wo ku duk ma Nuhu, beh yoh mun bapina ko ning na. 38 Bene bah awo ham ka beh mu'uru mpulu ka su'ulu iyo kalang, a wo mur lih, amur nuh, a mur reme a mur pa i reme ka yoh duhi ba Nuhu bor beh ka'a ngoro. 39 A wo do she'ele gimma sah wos bah beh mu'uru iyo kalang yoh lih yah mbwang, beh yo mun bapina ko ning bene bili 40 Wu bapina baring a ning ku swah, a yo toh mo'on, a ji'ingi mo'on' 41 wu maam baring a ning amur go'o go'o, a toh mo'on, a ji'ingi mo'on. 42 Wu ning leleh, wu do shi'ila duk bah beh Tarsu ko yoh sa. 43 Wu she'ele mani, ne bah lah ka shi'ila duk ba ban nshiwi ko bor lii, ka ningyi ta'ara. 44 Yi bah wu ningyi ta'ara, chew ma wu do shi'ila duk ba mun bapina ko yo ku ban bah a do njila sa. 45 Yen yi ngichew i nzor beh korom ma shimai bah bahlii ji'ingai ne i sun lii ka i pawa billa ku muri i kahkah ban. 46 Bah puhu nchimu ko ning bwara bah lih ko yo kumi imu pa'a nah. 47 Ngichewe ma mu chew wun ne bel bah lii ko mi'i kuning ku mur wu murum yi mbwang. 48 Ne beh korom bah nchimu na chiwa ne bah lahm wa,araho, 49 Ka kwa'ana nda ngya wu moni korom, imu liih, imu nuh i wu ba nuh nuh, 50 Beh bah lah ma beh korom bill ko su'ulu ma yoh lah ku duk ba beh korom yi do shi'ila sa. 51 Bah lii ko yo mi'i ku mor melem ku ban ba ko ning iwu ba lere imu zollo i she'eh ngyirngyi.