NGYI 23

1 Yeso ka lo'ana i wo bapina mazam ka wu muna tumui. 2 Chiwa ne, Wu ba ngyo'olo-ngyo'olo ka wu Farisiyawa a ningya ku ban ningya Musa. 3 Ɓene mani, gir ɓah ana ma'ana we ne pa'ana, pa'a ɓeh gir ɓah a suna. Do pa'a gir ɓah ya amur pa'anai ai chew gir, a do pa'a ɓeh wu gir ba a chiwa sa. 4 I, ai kur ka'ala ma lu'urai, bah i pahchiri ma tohlo, a ma'a ku kungbar wu bapina, ya I ka'amurya a do jihi i bukya ne a tolo ta, 5 Ai pa'a wu gir ya ne wu bapina sunu. A mu pa'a wu laya maya mo'ori, ka wu twan ya, gu'uli ne i ji kulmu ya. 6 A njila ɓah wu gom ku bana biki, ka ban ningya wu gom ku bana nere Ɓaku 7 Ka ai njel za'ara ma shimai ku ban kurkuru. ka ne wu bapina a tu'ulu ya ne ɓah sahsah. 8 Kpah ma kgba'a a do tu'ulo ne Ɓah sahsah sa chew ɓah ne wui ɓahsahsah mo'ona, wu gamuri bwang wu songyiu. 9 Wu do tu'ulu bwara ba nzah mani ne Tarwun sa, chew ɓah wui Taru mo'ona na; I ku kallang. 10 Ke gba'a a tu'ulu wun ne, bah sahsah mo'ona na, ɓeh Kristi. 11 Ɓeh bwara ɓah ko ning mori ku ciri wun, yi ko ning korom wun. 12 Ɓwara bah na twala muri a ko ɓunyi muri, ɓah na ɓunna muri a ho tolli yiwa. 13 Wu tana nzah wu ba ngyo'olo-ngyo'olo ka wu Farisiyaw ɓah lo'o lilim! wu girra wa bapina kun ka'ana lah Ɓaku, wu do bwarah sa, wu mur pir wu ba a njila ɓoro. 14 Wu tana nzah Wu ba ngyo'olo ka wu Farisiyawa wu ba lo'o lilim! Wu mu li ka'ala wu maam ma moh, wu mu lo'o gullo'o i Ɓaku, yo ya'a lichiri ma ganai. 15 Wu tahnzah, wu ba ngyo'olo, ka Farisiyawa, wu ɓah lo'o lilim! wu mur karngya wu nzah ka wu salla ne wu mum mun ye'ele tumu mo'on na, wuna kumai wu mii i ning mun bissa gan wun. 16 Wu tahnzah, wu ɓashen duwa ɓatawa, wu mu chene, ɓwara ba na kanabwa i ban nere Ɓaku do pana gima sa. Ɓwar ba na kanabwa i Puhu ngya'a tah ma ban nere Ɓaku, kanbwai bollai. 17 Wu bartawa ma ngbutuk!, mahe yi ghana, ɓeh Puhu ngya tah, ke ɓeh ban nere Ɓaku ɓah ma'ana ɓeh puhu ngya'a tah ne i ning puhi? 18 Kpah, Bwara na kanabwa i bagadi do ningya gima sa, ɓwara ɓa na kanabwa i gir ɓa a na pana ku mur ɓeh bagadi, ɓeh kanbwai ko bolli. 19 Wu ɓatawa, mahe yi ganna ɓeh gir ba a pana ke ɓeh bagadi ba ma'ana ɓeh gir ɓah a pana, ma ne i ningya puhi? 20 Chew ɓeli, bwara ɓah na kanabwa i bagadi, kanabwa i ɓeh bagadi, ka ɓeh gir ba i ho muri. 21 Bwara ɓah na kanabwa i ban nere Ɓaku, kanabwa i yi ka ɓeh bwara ba i mu ning ku bui. 22 Ka, ɓwara ba na kanabwa i kallang, kanabwa i ɓeh ban ningya Ɓaku ma shimai, ka ɓeh ba ningya ku muri. 23 Wu tahnzah wu ba ngyo'olo ka wu Farisiyawa wu ɓah lo'o lilim wui pah mo'on ku ciri lum ma na'ana'a ka anise, ka lafsur, wu ningya gir ma shimai ba mpuknshem rengchewe chiwa wu ngichewe, ka sunciri, ka pah ngichewe. Wu mani ya ba wa pa'ana, do ne wu ji'ing param ma pa'a sah. 24 Wu bwatawa wu ba shen duwa wui koss ngya mitsil, wui mel burshi. 25 Wu tahnza, wu ɓa ngyo'olo ka wu Farisiyawa! wi zus nzum koro ka wu nzum kwa'anjingbui ruwa i ra'asa ka'ala wu bapina ka i njel muru. 26 Wu Farisiyawa wu bwatawa! wu zus ɓeh bum koro i bum ɓeh nzui. 27 Wu tahnzah, wu ba ngyo'olo ka Farisiyawa, wu ba lo'o lilim! wu ɓene wu murshi'ila ba a wa''ana puhu ngya nzah, nzumya bongya sunu i missu, bum ya kpa, rusa i wu mo'oho looh wu bapina ka wu gir mengto[ongo ɓwana. 28 Ina kpana, wu ba ngichewe i mis wu bapina, nchimwun ru'usa i lo'o lilim ka wu gir biwa. 29 Wu tahnzah wu ba ngyo'olo ka wu Farisiyawa, wu ba lo'o lilim! wu mur ba'a murshi'ila wu ba sunduwa ka wu mur girshi murshi'ila wu ba ngichewe. 30 Wu mur chene, swah wo ha, i bawui tarsu, ma duwai, su wo ho do kumya ma so shila wu ba sunduwa ma sa. 31 Chew mani, wu ringya kun murwun ne wo muna wu ba gba'ala wu ba sunduwa. 32 Wu masa rusu tumu ma tarwun. 33 Wu Karra wu muna wasang wo ya pa'alan wa tahpuru ku duk rengchewe ma lah Bissa? 34 Chew mani, wu sunnu, mu mur tu wun i wo ba sunduwa, ka wu ba nzor, ka wu ba ngyo'olo, wo kping wu gamurya, wo kpang wu gamur ya ku gana ngo'oro, ka wu gamurya wo ngya'aha ya i sanguni ku ka'ana kusu mishiu. ka wo war ta'a wu gamur ya mashen ram-ram wu pawa chiri. 35 A pa'ana ne, beh wu shillah wu ba ngichewe b sw'ana ha ta'araman a ning ku mur wun, yo shilla abila ba ngichewe mashen shilla zakariya mun Berikiya bah wu wahlai ku sa'achiri ban nere Baku io ngo'oro tongir 36 Ngichewe, mu mur chew wunu wu gir mani a ko pa'a wa bapina ma ban mani. 37 "Urushalima, Urushalima wu ba kping wu ba sunduwa wu ba lu'ulu wu ba a tuma ya i bawun i tah! gba'a shihe mu mur njel ne mu kammur wu mun wun, bene bah ngyi i kammur wu muni ku sa kikauwi, yima wu bi'ina. 38 Wu sunnu wu lahwun ningya wun ka'alah. 39 Mu mur chew wunu, wo do bassa sunam sa, kasa ma duk bah wo chene ba kuma ma'a buk Bku yi ba i wunna ku chiri lu'ulu Tarsu"