NGYI 22

1 Yeso luana wa lo'o i nzooh ne, 2 "lah Baku ma kalang i bene Gom magina, ba tu'ula chew reme ma muni. 3 Tura wu korom yi ashen tu'ulu ya, mayo beh bana remme, kuma a do yuana sa. 4 Kpah, be gom tur wo gba'a korom yi, ne "chew wa. wu ba a ma'a tu'ulu ya, "wu sunu, lamma billa ma kurwa yam, a yi'ira nda'a ba a twala kpai ka mubura nda wu gir mbwang jiyama. Wu yo be banna remme" 5 A do pah nchimya sa, a kwanjere ya. mo'on mashen suwai mo'on mashen bana tumui. 6 Wu gina bol wu korom gom a pawa nzhon, a wo'olo ya. 7 Ka li nchim be gom, ka tur wu baa tamwarang yi, aha she wo'olo wu ba a wa'ala korom yi, ka a twon wu la ya. 8 Kachew wa wu korom yi ne i beh remme jiyama, wu ba ama'a tu'ula ya a do jina sa. 9 Chew na, shen mashen mor ginshere ma'a tu'ulu wu bapina bwang ba wo ngi ma kum ma yo beh bana reme. 10 Beh wu korom yi, a shen mashen ngi nshere, a kau wu bapina bwanaba a kuma ya. Wu ma biwaya i wuma shimaya.beh lah remme karussu i wo bapina. 11 Ba beh gom yuana ne i sun beh o biri, suna bura mainaba do yisa twan remremme sa. 12 Beh gom chew yi ne, 'Mwan, mani pa'ana ka a yuana bari param twan remremme?Beh bura man do lo'on ne gima sa. 13 Beh gom chew wa wu korom yi ne wu kur buhi i gbi'i, ne wu buhiimashenban ma pinai, bana ban zollo i lu'ungu ngyirngyu ham. 14 A tu'ula wu bapina bwana, wu chigee i chiriya ba a sunu twala. 15 Wu beh Farisiyawa owu ba ye'ere chewe, a shena a nongyo ta'ara ne a tam Yeso ku chiri lo'oi 16 ka a tura yi a ba tumu ya ka wu bapina ma Hiridus. A Chiwa yi Yeso ne, "ba sahsah, su shi'ila ne we ba ngichewe, ka ne wumu rum i njere Baku i ngichewe. Lo'obwara do su'ura nchimo sa, we do sa njel ka'amuru a chiri wu bapina sa. 17 Chew su. wu suna ne man? I chiri renchrewe ne a tal ngya'abol nzah yi Kaisar ke wii? 18 Yeso shi'ila i nzwang ya ka chiwa ne, mani ma'ana ka wumu mam, wu ba ye'ere chewe? 19 wu rumam i beh ngya'abolo, ma beh ngya'abol nzah, "ka a warai be dinari. 20 Yeso chiwa wa ne, Lilim yen ka lu'ulu yen yi ho mur beh ngya'abolo? 21 A chiwa yi ne "Kaisar" yiba Yeso chew wa ne "Wu pih Kaisar gir ba ningna ma Kaisar, ka wu pih Baku gir ba ningna ma Baku," 22 Ba a wa'ana beh lo'oi, a fahna kunya, ka a ji'ingai a kwana nshere ya. 23 Ku beh duhi, wu Farisiyawa ba a ne lahun yo wuh i param a yuana bi a munnai. 24 Ane "ba sahsah, musa chiwa ne, "bwara ba na wuhna, i do wo munamun sa, gba'a so'ongi ko ya'a mami ne i kum wu mun yi So'ongi. 25 Wu so'ongyu tangza baring magina wo ham, ma mo'on ya'ana maam, yo wuna param ma bil wu mun, ji'inga yi so'ongyi beh mani. 26 Beh so'ongi ma baring yi pa'an bene ba ma mo'on pa'ana ka ma tarung pa'ana na mashen mur so'ongyu ma tangza baring. 27 I nzumya mbwang beh bamaam wuh. 28 Ku duk la'ahun wu ba wuh, ko ning maam yen ku chiri wu beh so'ongyu tangza baring bah a ya'anai ma? bwang ya a ya'anai ma maam. 29 Yeso yira wa, chiwa wa ne, "wu pa'ana biwa, chew ba wu do shi'ila mpukzheme lo'o Baku sa ka wu do shi'ila ganmur Baku sa. 30 Chew ba ko duk la'ahun wu bawuh rem-remme do ha sa. i kun beli a ningna bene wu malaiku Baku ku kalang. 31 Kumur la'ahun wu ba wuh, wu do shi bala gir ba Baku lo'ana wun ne. 32 mi Baku ma Ibrahim.Baku ma Ishaku, ka Baku ma Yakubu? Baku do yi Baku ma baw wuh sa, yi Baku mo ba nchimu. 33 Bah wu ba zam wa'ana be lo'o beli, a wo fahkun ya. 34 Bah wu Farisiyawa wa'ana ne i ganamur wu Sadukiyawa. a kamurya ban mo'on 35 Mo'on ya ba she'ele rengchewe mwe, i mur mii ne. 36 Ba sahsah, mahe yi mor ngya'a lo'o ku chiri bum mpukzhem rengchewe ma Musa? 37 Yeso Chiwa yi, "njel Tarsu Baku i nchimo bwang. 38 Mani yi maganai i ma mo'on ngya'alo'o rengchewe. 39 Ma baring yi i bene be ma mo'on ma - njel bapina ba i pwer i we. bene ka'amuru. 40 Ku mur beh wu gnya'a lo'o rengchewe baring mani wu mpuksheme rengchewe ka wu sahsah mo ba sunduwa a gi'ira ho. 41 Wu farisiyawa wo shi kama murya ku ban mo'on, yi Yeso munna mwe. 42 chiwa ne, "mani ba wumu re'eshe i mur beh Kristi? 43 Yeso chiwa wa ne, "mani ma'ana Dauda ku chiri mpular tu'ulai ne Tarsu? i ne, 44 Beh Tarsu chiwa yi beh Taram ne ning ku buhu liam,mashen ban bah mo ma'a wu munaburai a ning ban chihi ngbu'u" 45 Dauda na wo tu'ula Kristi ne " Tarsu" ka pa'ana lan ka ningya mun Dauda?" 46 Bwara wo d ma ngi yir yi lo'o ke mwe wlo'o sa, yo be duhi mashen duwa.