NGYI 21

1 Ba Yeso, i wo muna ye'ele tumui tana pwer i Urushalima, a yuana Batafaji, ku bana gbo'o par,Yeso ka tuma wu ba ye'elai baring. 2 Chiwa ya ne, wu shen mashen ram bah ho dumwun, imani mani wo kum Jaki a kurai i muni. wu bassa ya ne wu war yam wuna. 3 Bwara na chiwa wun ne gima i mur beli, wu chew ne 'Tarsu yi njila ya, beh bwara ko turwun i ya, muni-muni. 4 A pa'ana mani chew ne, a rusu lo'o bah basun duwa luana, ne, 5 "Wu chw yi musari ma sihiyona, ne gom wun i wuna ba wun, buna muri i mu bang i mur Jaki - mur mun jaki." 6 Beh wu muna ye'ele tumu Yeso, shene pa'ana beneh bah a pana wa kunu. 7 A wara beh wu jaki i muni yuana i ya, a swa'ana watwan kusa ya ku mur ya, Yeso ka ningna ku mur beh twankusu mah. 8 Bapina ma zam a swa'ana twan kusu ya ku njwre, wu gina yi'ira gbar nguni swa'ana ku njere. 9 Be wu bah zam ba shene ku dui ka wu ba wara nzui amu ngya'aha kun ya a mu chewne "Hossana mashenba mun Dauda! ba kuma maabuhu yi bwara bah yuana i chiri lu'ulu beh Tarsu! Hossana ku kallang. 10 Beh Yeso buara mashen Urushalima, a su'ura beh ram. ane "Yini mani?" 11 Beh wu bapina ma zam yira ne, "mani yi Yeso ba sun duwa ba pura yo Nazarat ma Galili" 12 Yeso ka bwara ban lo'o i Baku, pura i wu oba a mur kuru ka amu ya'a ka'ala ku ban lo'o i Baku, ka pi'ira tabur mo ba ya'anga ngya'abolo kusa, ka tana kpasang yi ban ngya ya wu ba kur i Gigyi. 13 Chiwa ya ne, "A ngwa'ala ne lam ko ning lah ban lo'o i Baku, Wu ma'anai ningna ban ningya wu ba nshiwi" 14 Wu ba tawa ka wu ba bun-ngu yuana bi ku ban lo'o i Baku, ka wu'uha wa be ko'ongo ya. 15 Bah wu mo'oro ba tum Baku ka wu ba ngwo'olo a suna beh wu gir fahkunnu bah i pa'ana ka a wa'ana ba a munamun a mu ngya'aha kun ya, ku ban lo'o i Baku a ne," Hossan mashen ba mun Dawuda," a pa'ana bura bwana. 16 A chiwai ne,"A wa'ana gir bah wu bapina mani mu lo'o? Yeso chiwa wa ne " I ! wu shiham ma bala ba ane, 'yo kun wo munamun ka wu muna pilla'a a mal lemmoh" 17 Yi ba Yeso ji'inga ya, shina Brtanya. 18 I duduhu ba i bungyira yuana beh ram, zala mu wolli 19 Bah suna ngun fooh, i kang nshere, shina nda li,suna ba billi sa, jik mpumpuhi yi ho gbira. kachewai ne, wo do bassa kum billa ku bo sa ma hueng" Ku banai beh nguni yumu. 20 Bah beh wu muna tumui suna a fahna kunya ane "i lan bah beh ngun fooh mani wuama na? 21 Yeso yer wa ne, "ngichewe mu mur lo'o wun, wuna pana ngichewe, wu do bunna nchimwun sa, wo do'o pa'a gir bah a pa'ana yi ngun Fooh mani gbira sa, Wo ngi ma chew yi gboo mani ne 'Wuhu ne kwa ku mu'uru salla, ko pa'a bene ba wu lu'ana" 22 Girba wu na munna i nere wun, wuna pana ngichewe wo ya'a. 23 Bah Yeso yuana ban lo'o i Baku, be mo'oro wu prist ka wu jeh wu bapina, yuana bi bah i mu sahsah as chiwa yi ne, "I pahkunyan yiba wu mu pa'a wu gir mani, yini pana wun kunni ne pa'a? 24 Yeso yira, chiwa wa ne, "Mi kpana, mo mwe wun, mwe mo'on.wuna yira yam, mo chew wunu, beh bah pana yam kunnu ma pa'a gir mani. 25 Beh baftima ma Yahaya, pura i yo he? yo kalang ke yo boh bapina? "A lo'ana ku chiri ya ane. yo kalang, ko chew wusu ne 'mani ka ma'ana wu do pana ngichewe i yi sa? 26 Suna chiwa yi ne yo bo bapina, su mur bang ji'iri wu bapina mazam chew ba mbang ya a shi'ila Yahaya ne yi ba sun duwa," 27 A yer yi Yeso a ne, " su do shi'ila sa" yiba Yeso chiwa ne,"mi mah mo do chew wun bwara ba pana yam kunnu bah mumur pa'abeh wu gir mani sa." 28 Mani bah wu mu re'eshe? Bapina i wo mun baring, shina bah ma mo'on, chiwa yi ne "munam, shene lina, she pa'am tumu ku suwa i nabi' 29 Beh mun yer yi ne mo do shene sa, i nzum pi'iri nchimi shene. 30 Beh bapina beli, shina ba beh muni ma baring yi, chwai be gir ba chiwai ma mo'on mah, yira yi ne ko shene, bwaje, do wo shina sa. 31 Mahe ku chiri, wu muna mun baring ma ba pa'a gir bah Tarya njila?" "A ne ma mo'on ma," Yeso chiwa wa ne, "ngichewe mu chew wun, wu ba ya'a ngyabolo nzah ka wu barangzam a ko bor lah Baku ku dumwun. 32 Yahaya yuana bawun ku chiri njere ngichewe. Wu do yira i yi sa, kumma wu ba ya'a ngya'abol nzsh ka wu barangzam a pana ngichewe i yi. wun ba wu sunna wu gir mani, wu do pisa girshi ne wu pa ngichewe sa. 33 Wu wo'o nzo maginai, Bura magina, yi bwalah, bilah suwa inabi girsai, pa'ana ban kam mu'uru beh bil-inabi, bana ningyi sun lele. ka wa pana yi wu ba bel-inabi. kwna njere mashen ram gba'ai. 34 Bah ma tuh be bil-inabi tana pwer, tura wu korom magina mashen ba beh ba ku buhi ne a ya'a yi wu be bilguni. 35 Beh wu ba suwa ku bukya, a bwala wu be koromyi, a ngya'aha mo'on, a wualamo'on, ka a bu'uha mo'on ia tah, 36 Beh bwai tura gba'a wu korom yi wu ba ganna ba duwai ma, beh wu ba swah ku bukya pa'ana wa bene ba a pa'ana wa ma duwai ma. 37 Ku nzum bilya, be ba suwa tura uni mashen baya, ine a ho wo'okun muni! 38 Bah beh wu ba swah ku bukya sunna be muni a luana i yir ya ne, be ba li mpuri yi mani wu yo su, wolli ne su ra'asa beh mpuri yi. 39 Yi ba a bolli, pur iyi yo beh swah inabi a wolli. 40 Bah, beh swah inabi yo, mani ba ko pa'a, i wo beh ba sun-swah inabima? 41 A chew yi ne, "ko tah kpasang i wu baburi belya i njere ma biwai, i pah beh suwa wa bwara gba'ai ba a ho pih mi beh bil-inabi, ana tuama" 42 Yeso chew wa ne, wu do shi ballama ku mpuknsheme ne, beh tah ba wu ba ba'alah bi'ina yi beh tah ma kang lah. mani pura yo ba Tarsu. ningna gir fahkunu ku missu? 43 Chew mani, mu mur chew wunu, a ho ra'asa lah Baku yo bukwun a pawa o ramman ba ako bil bilaya. 44 Bwara ba na kwana ku mur behtah ko bungu.bwara ba be tah na kwanna ku muri ko gui" 45 Bah wu jeh prist ka wu farisiyawa wuana beh wu nzor a she'ele ne i mu lo'o ku mur ya. 46 a mur pe'e ne a bolli, amu bang ji'iri wu ba zam, chew ba beh wu bapina twalai ne yi ba sun duwa.