1 1 Be lah Baku makalang i bene bah nzaah ba puru i pol duduhu nda kau wu bah tumui chew suwai. 2 Bah yo yeri i wu bah beh tumui ku mur ngya'abolo dinari mo'ona ku duk, i bah tum yah mashen beh suwa. 3 3 Ka Pur kpa ku bolo tarung ka'a sun gamur wu bah tumu bah a wo mu kikang ba tumu ka ban kur kuru. 4 Chew we ne, wun ma wu shen beh swam, gir bah na bwana moh pawun.Yah ma a shen nda pa'a tumu ku suwai. 5 Bassa pur kpa ku bolo tangzah, ka'a shen kpa ku bolo tangshing ka'a kau wu ba tumu ba tum yah mashen nda tumu ku suwai. 6 Ka bassa pur kpa ku bolo ma lum kuni mo'on ka sun wu magina chila gbira ba tumgima chew wa ne mani ma'ana wu chila gbira bah tumu ku duk bwang? 7 A chewai ne, bah bwara ba twalasu tumu. chew wa ne, 'wunma wu shen suwam." 8 Bah kurwa pa'a, bah suwa chewii beh bah sun suwai, chu'ulu wu bah tumu ne tal yah ngya'abolo chumu yah, Pak ku mur bah marsai mashen bah duwah. 9 Beh wu bah chumu bah a twala yah ku bolo lum kuni mo'on a yoh mbwang yah a ya'a dinari mo'ona. 10 Beh wu bah chumu bah a wo pak yoh a sun ne a tal yah bwana, ning ne a yoh tal yah dinari mo'on. 11 Bah a ya'ana beh kuru mgba'aya, a lo'ona ku mur ba suwa, 12 A chiwa ne, beh wu bah tumu ma marsai mani a pa'a tumu ma ban mo'onna na, a ka ma'ana ya kahkah i su, su bah su pa'ana misa mo'on, su mur lichiri i bisa misa. 13 Beh ba suwa yirayi mo'onya ne, mwanam, do pa'anawo girbiwa sa, su do kura kunsu i we mur dinari mo'ona sa? 14 Ya'a gir ba ningna moh,ne kwanjere. Mi njila ne mu pawa beh ba tumu ba twala ya, i marsai, gir ba pana wun. 15 Mi,mo do ngi pa'a gir ba njila i ka'alam sa? ke wu mur pa'a mishiu i mui chew ba ningna ba ta'a-ta'ah?' 16 Chew na,ma marsai ko yo duwa, ma duwa ko marsa. 17 Bah Yeso imu yewe mashen Urushalima, a shene i wu ba lum kunya baring mah. ku beh njere chiwya wa ne, 18 Wu sunu, sumur yew mashen Urushalima bana ba bdh mun bapina a wo pih yi ba sun duwa majeh ka wu ba ngyo'olo-ngyo'olo.A pichire ma wuh. 19 A ho pih wa gamur bapina, ne a wolli, a ngyahi i sahguni, ka a ku kpangyi ku gana ngo'oro ku nongyo ma tarung a lo'oshi 20 Ngyi wu muna Zabadi yuana ba Yeso i wu beh Muni, ku'ura ku dui imu mwe gima ku bi 21 Yeso chiwai ne, "mani ba a njila?" chiwa yi Yeso ne, "Pah munu ne wu munam baring mani a ning mo'on ya i buhu ma li ka mo'on ya ku buhu ma musum ku ho ban ningyau" 22 Yeso yira yi ne "We do shi'ila gir ba wumu mwe sa; Wu ngi ma nuh be kar chiri ba mu yo nda nuh? A chiwa yi ne "soo ngh. 23 Chiwa wa ne "wu ngi ma nuh yo koro yam, ningna ma buh liam i buh musum yam doo mi ba pah sah, maw ba Da ma'ana chew ya" 24 Bah,beh wu gamur muna ye'ele tumui lum a wa'anabeh lo'o beli, lina njimya i beh songyu baring mah. 25 Yeso tu'ula ya ma yo bi chewa wa ne, "Wu shiilane wu ba nzah mo gamur wu bapina sahna wa ganmuru, wo jehya pana kunu ku mur ya. 26 Gba'a, ko do ning na ku chiri wu sa, I kun beli bwangna ba na njila ne i ning muarai ku chiri wun gba'a ko ning korom wun. 27 Bwara ba na njila ne i ning ma dua ku chiri wun gba'a ko ning korom wun. 28 Bene ba mun bapina yuana do ne a pa'a yi tumkorom sa, yuana ne yi pa'a beh tum korom, i pah nchimi ne i ra'asa njimsu. 29 Ba pura yo Yeriko, wu bapina ma zam wara chii. 30 Wu ba tawa baring ningya ku kang njere bah a wa'ana ne Yeso imu bo'olo, a ngyana kunya, ne "Tarsu,mun Dawuda, wun chirisu" 31 Beh wu bapina ma zam ma tanabura ku murya, chiwa wa ne a ning kiring. amu gishi ngyana kunya bwana, "Tarsu, mun dauda, sun chiri su" 32 Yeso kachele kiring, ka tu'ula chiwa wa ne "mani bah wu njila ne ma pa'a wun?" 33 a Chiwa yi ne, "Tarsu, su njila ne missu fa'aha" 34 Yeso i missu ma sunchiri, ji'ihi be mishya, ho banai muni, beh mishya fa'aha a wara chii.