NGYI 19

1 Yo ning ne bah Yeso mal beh wu lo'o mani, i mur ji'ingi Galili, mashen kang urdun bah bah i ku nsum bwa'a ma Yahudiaya. 2 Mor zaam wu bapina a war chi'i, ka tah buk yah ku beh wu ko'ongo. 3 Wu farisiyawa you bii, amu mii sunu, a chiwai ne, "I bwangna ne bapina ma'a buh maami chew ne ko man na pa'ana? 4 Yeso yer wa ka chew wa ne "Su do balla suna sah ne bah wo p[a'a yah iyo chikchii wo pa'a yah burai i maam yi sah? 5 Bah yah wo bassa chew ne, "chew beh gir mani, beh bura ko ji'ingi wu tari i wu nghii kaa yo ben yiri ku bah mani, beh wu baring a ning ngyam yiriu mo'ona'? 6 Ado bassa ningna baring sah, a ningna ngyam yiru mo'ona, Yi bah ningna ne gir bah Baku na dwa'asa ban mo'ona, bwara do gau sah. 7 A chiwai ne, mani wo ma'a na Musa ka ma'a su ne su pah mpuksheme wol reme, ne a pir beh maam? 8 Yeso chew wa ne, "Wo chew ngyarngy nchim wun yi ma'a Musa ka yer wun ne wu pir wu maam wun. iyo chikchu'i wo do na sah. 9 Mi chiwa wun ne, bwara bah na pira maami, na do ningna ku chew girbiwa ma nong nong nongwo, ibeh bah bura bah na rima bah ma'am bah a pirai pa'ana girbiwa ma nong nongwo o. 10 Wu bah ye'ele tumui a chew yi Yeso ne, "na ningna na ku chiri bah bura i maami, do a remsah." 11 Yeso chew wa ne, do wu bapina mbwang a yerii beh sahsah mani sah. wu bah a yira wa ne a she'ele ibah a she'ele. 12 Wu Bura bah dum yah i do mu pa'a chumu sah a ham bah a wo pa'a na yah na ku yoo bumm ngiyah, iwu bah wu bapina yah wo ma'ana yah ne aning na i wu bah awo ma'ana ka'amur ya ne a ning na, Chew lah Baku. 13 A war wu muna mun yoi ne I chik buhi ku yirya ne i nere Baku wa, beh wu bah war ye'elei a tah bura muryah. 14 Yeso chew ne,"Wu ji'ingi wu ngyelele muna mun, wu do pir yah ne a do yoh bam sa, ne Lah Baku ningna maya. 15 Yo chi buhi ku yir yah i bah yoh nda kwanshere ku yo bani, 16 Bwara magina yo bah Yeso ka chene, "Bah sahsah, 'moh pa'a man shimai bah ko ma'a mu kum nchimu ma hueng?" 17 Yeso chiwii ne, "Mani ma'ana bah a muna mi ku mur gima bah ishimai? Gima mo'ona yi shimai, a na njila kum nchimu ma hueng, ne war beh wu ma'ana ma Baku. 18 Beh bapina chiwii Yeso ne, "Wu ma'ah ma'ah ma heh?" Yeso chew ne, " Do wol bwara sah, do nong imam bwara sa do pa'a nshiwi sah, do reng kuno ma lilim sah, 19 Pa jeh wa mu taro i ngoo, njel bah i pwer iwe bune ka'amuro," 20 Beh musono chew yi Yeso ne. "Beh wi girmani mbwang pa'ana yah, mani bah wassa? 21 Yeso chiwai ne, "ana njila ning ma shimai, shene, kur i wu gir bah we i yi mbwang, a pa beh ngya'abolo wa bah adoi gimasah, yi bah wo kum murum ku kalang, a yo war ta'am" 22 Beh musono wo'o gir bah Yeso chiwai, ka kwanshere i suhu nchimi, woi ghir buhi bwana. 23 Yeso chew wa bah ye'elei ngichewe yi bah mu chew wun ne ko ning i chiri bah murum i bor lah Baku. 24 Muchew wun Kpa, ko bongyo gan i Rakumi ku bor mpuk alura i ba murum ku bor lah Baku, 25 Beh wu bah ye'elei wo'o na ji'iri bol yah a chew ne, "yen ko kum tahbuhu?" 26 Yeso sun yah ka chew ne, "I wu bapina gir mani kpo do pa'a ka'amuri sah, ne i Baku, wu gir mbwang a pa'a ka'amurya." 27 Yi bah Bitrus yerii ka'a chewne, Sunu, su ji'inga wu gir mbwang su wara che'ew, man bah so kumu?" 28 Yeso chew wa ne, "Ngichewe yi bah mu chew wun, " ku beh piwi zhe'e bah mun bapina ko ning ku ban ningyai ma shimai, wun bah wu wara ta'ahm wo ning ku mur wu ban gir ningya Lum kuni baring , wu renchewe wa beh wu njiliu lum kuni baring mau Israila. 29 Wu bapina mbwang bah ana ji'ingna wu lah, i wu so'ongiu, w wu sa'angiu, iwu taruh, iwu ngiu, iwu mun, ke nzaah chew lu'ulam, a ya'a lumlum mgba'a lum bwana, a kum nchimu mahueng. 30 Ne wu bah ya duwa a yo ning wu ba nsum, iwu bah nsum a yo ning wu bah duwa.