NGYI 18

1 1 Ku be ban bili, beh wu bah ye'ele ma Yeso yo bii a chewne, "Yeni bah yi gana ku lah Baku?" 2 Yeso tu'ulu yi ka'amuri mu bamun,chihai ku chiri ya. 3 Ka chew ne, Ngichewe mu chew wun, wuna do pirwa ningya bene wun munamun sah, wo do bor lah Baku sah. 4 Yi bah ne bwara bah na buna ka'amuri ningna bene be mun muni, yi ba ganah ku lah Baku. 5 Bwara bah na ya'ana mu chige'e bamun bene mani ku lu'ulam,ya'ana mi. 6 Ne bwara bah na ma'ana beh wu muna mun mani bah a pana ngichewe ku lu'ulam ne a pa'a girbiwa, ko bongyo gana a kur mor tah gho'o ku mili a buhi ku mor lim mu'uru. 7 Chiri mashen nzah ban chew be wu ban ma kwa!Ningna ma kiri ne beh wu ban bili a yo, ne chiri kuma wu bah beh wu ban bili ko yo kum yah! 8 Ne buho ke mgbo'o na ma'ana weh kwa, yeri toh buk to'o iyi. I bongyo gana wu bor lah Baku i kangyo mo'on buna ke a buho ku bisa ma weng i buhu i mgbu'o baring. 9 Ne ngya'miso na ma'ana weh ne kwa, wuhi puri iyi, ne buk to'o iyi. I bongyo ganau ne bor lah Baku i miso mo'on i bah a buho ku bissa ma hueng i wu ngya'a miso baring. 10 Sun ne a do shsa magina ku beh wu muna mun mani sah.Chiwa wun ne ku kalang wu Malaiku Baku maya ai ningyi nda sun mis Taram bah ku kalang. 11 Ne be mun bapina wo nda ya'a buk bah a wo bwarsa. 12 Wu mu re'esh lan? Bwara nai iwu nzur lum mgba'a lum, yi bah mo'on yah bwarsa, ko do ji'ingi beh wu lum tangshing i kuni tangshing ma ku beh gbo'o ban ne i shen pe'e beh mo'on ba bwarsa sah? 13 Na kumai,ngichewe mu chew wun, ko bong yiri ku muri gan beh lum tangshing i kuni tangshing ba ado bwarsa sah. 14 Ku chiri nshere mo'on, njere tarwun bah iku kalang ne mo'on ku chiri beh wu muna mun mani a do bor bissa sah. 15 Ne songo'o na pa'anau girbiwa, shen chiwai be girbiwai, wu baring wun. na wa'ana weh, a kuma be songo'o. 16 Na do wa'ana weh sah, toh bapina mo'ona kebaring iwe,ne ku lo'o ma kun wu bapina bah reng kunu baring ke tahrung wu lo'o mwang a ngi chew ne gima ku mur yah. 17 Na biina wo'o yah, war beh lo'o shen ka'ana Baku. Na binah wo'o beh lo'o mau bah ka'ana Baku, i ning ku bah wun bene gamur bapina i bah ya'a ngya'abol nzah. 18 Ngichewe yi bah mu chew wun, wu gir mbwang ba wuna kurra ku nsah a kura yah ku kalang, I wu gir bah wuna bassa ku nsah, a bassa ya ku kalang. 19 Kpa, mu chew wun ne, wu baring wuna yira ku mur gir ba a muna, Taram ma kalang ko pawa. 20 Ku ban bah wu bapina baring ke tarung a kama murya ku lu'ulam, mi ho chiri ya. 21 Bitrus yoh ka chiwai Yeso ne, "Dah, mgba'a shihe bah swana ko pa'am girbiwa ka mu zuss shii? " Mgba'a tangsah baring?" 22 Yeso chiwai ne, "Do Chiwau ne mgba'ah Tangsag baring sah, ne mgba'ah tangsah baring mashen lum tangsah baring. 23 Be lah Baku i bene Gom magina bah wo njila girshi bana ngya'bolo iwu Korom yi. 24 Bah pak girshi, a war mo'on bah tumui yo iyi bah i tangna ku muri bah jina talent ban chihi lum. 25 Wo do buhi bah ko ngi tal beh tangna sah, yi bah beh balii ma'ane a kurui iyi ben i wu maami i wu muni bah i yah, ne a tal beh tangnai. 26 Beh bah lina tangna kwa su'ula, do'o su'ula i dum beh ba lii ka chew ne, bwaje sun chiri yam ne a dang nchimo, moh yo talo beh tangna mbwang. 27 Yi bah beh bwajei bah chiri rusu nchimi, ka ji'ingi ka bassa zuss beh tangnai so'o toh iyi. 28 Beh korom bili pur mashen zah ka kum moni korom bah linai tangna ma dinari lum mgba'a lum. Boli ku mili, ka toli i nshere mili ka chiwai ne, "Talam beh tangna ba a linam," 29 Beh moni korom kwa su'ula ka neri i mur chewne, "Sun chiram, moh yo talo be tangnau.' 30 Be korom ma dwa ma be'ene yere. Yi bah shen ma'a beh moni korom ku nengye. 31 Bah wu moni korom a sun gir bah pa'ana, nchim yah suhu. A shen chiwai beh bwajeh gir bah pa'ana. 32 Beh bwajeh ma korom bili chu'uli, ka chiwai ne, "Zussau beh tangna mbwang chew ba a nira mi. 33 A do suna chiri mono korom bene bah suna chirau sah? 34 Be bwajeh suhu nchimi ka ma'a a wari shen ban bah pa chiri ne na mala tal beh tangna a puru iyi. 35 Yi beh Taram ma kalang ko pa'a wun naa, wuna do zussa girbiwa wa songi wun ku nchimwun sah.