1 1 Ku nsum duk ma tangzah Yeso twala wu Bitrus Yakubu, i Yohana ma so'ongi, Wara ya mashen mur gbi'i ma guli yoi ka'amurya. 2 I pi'ira yiri ku dumya. mur mishi bungna bene misah, twani ningna puhi bene bisa. 3 A chila nah, ka a sunawu musa i Iliya amu lo'o i yi, 4 Bitrus yira ka chiwa yi Yeso ne, " Tarsu, i bwangna bah suha ku nih, weh na njila, mashi pa'a ha ku bari sapka tarung-mo'on maboh,mo'on ma Musa i mo'on ma Iliya." 5 Ishi kumur lo'o. puhu kuko ma kalang yo kusa ya,a chila nah, ka a wa'ana jimuh pura kuyo be kuko, imu chewne, mani yini munam bah nchila,yini bah nchimam yira iyi.Wu wo'o kuni," 6 Be mu muna ye'ele tumui wa'anai, ka a kwana i mishya ku nzah amu bang ji'iri. 7 Yeso yo jiha ya ka chiwane," wu la'ahun wubi do bang ji'iri sa. 8 A ha sun kalang ado sun bwara sa, asuna Yeso i loi. 9 Bah a mur su'ulu kuyo be mur gbi'i, Yeso panawa kunu, ne ami do chew wa bwara be girba a suna manisa, a ning kiring mashen duk ba be mun bapina na luana kuyo wuh gba'a mo'ona." 10 Wu muna ye'ele ngyi munai ne, "mani pa'ana ka wu ba she'ele chiwane Iliya ko pak yo? 11 Yeso ka yerwa ne, inah Iliya koyo bunyer i wu gir mbwang. 12 Mimu chew wun,Iliya yuana, ya ado shi'ilai sa. I kun beli, a pa'ana yi gir ba a njila. Ku be nshere beli kpa, mun bapina ko ya'a chiri ku bukya." 13 Ku yo banai ka wu muna tumui shi'ila ne iwo mu lo'o wa kumur "Yohana" ba dang bapina ku mu'uru. 14 A yuana chiri wu zam bapina, bura mo'on yuana bih, ku'ura ku dui, ka chew ne, 15 Dah, sun chiri munam imu kasawuh imu sun chiri bwana, i kwa ku bisa ke mu'uru. 16 Wara wa wu muna ye'ele tumui ado ngina wuk yi be ko'ongo sa. 17 Yeso yere ka chew ne, wu bah do pana ngichewe sa i biwa zhe'e, ba a yewe moh ning I wun? Moh ya pa'a lan mu kur nchimam i wun? Wu wari yo bam nini. 18 Yeso tah bura mur be kila, ka pur ku yir be mun ba mun kum shakap ku be bani. 19 Beh wu muna ye'elai yo bah Yeso ku suarmai a chene, "mani ma'ana su do ngina pur i yi sah? 20 Yeso chew wa ne. "Chew bah ngichewe wun i chige'e." Mu chew wun ngichewe, anai mu ngichewe bene mu ngya'a Mustad, wo ngi chewai kono mani, "zuk ku bari mashen nuno," ku zuk, bah gima ba ko gan wun. 21 Be gir mani ko do puru sa, seh ana nira Baku i ningya wass mu'uru. 22 Bah a ning ku Galili, Yeso chew wa beh wu muna ye'elei ne, "A yo nda pa mun bapina ku buk wu bapina, 23 A yoh woli, ku nongyo ma tarung ku la'ahun yiwa." Beh wu bah pa'a ye'elei a ning da suhu nchimya. 24 Bah a yo Kapanahum, beh wu burah ba a ya'ana be gamur ngya'abol nzah yo ba Bitrus achiwai ne,"Beh bah sahsah wu do ta'ala be gamur ngya'abol nzah sah? 25 Chew ne, " I." Bah Bitrus shen be chiri lah, Yeso lo'oi dwa ka chew ne, "Wu mur re'eshe lan Siman? Beh wu Gom ku Nzah ai ya'a ngya'abol nzah ku ba wu yen?" 26 Bah Bitrus chene, "Ku ba wu ba biri," Yeso chiwai ne, "Beh wu bapina ma nzah ai do tal sah." 27 Ne su do ma'a ne beh eu bah ya'a ngya'abol nzah do pa'a girbiwa sah, shene buk dangalang,toh be nshii ba na pura duwa, ana fana kuni, wo kum shekel ho. To ne shen pawa ba ya'a beh ngya'abol nzah mabam i moh.