NGYI 16

1 Wu Farisiyawa wo Sandukiyawa a yo nda mii sunu, a mur mui ne i rumya i gima ku yo kalang. 2 Ka yira chiwna wa ne, "ina kurwa, wui chewne, be banko tama bong, chewma be bakalang bagna; 3 Na i duduhu wui chewne aho pa'a ntandung chew ma be bakalang bangna kuko susai bwah; wu ningna su bakalang chew gir ba kp pa'a,wu do ninga sun nw ban mahe ku mani sa. 4 Biwa wu jeh ba pa'a girbiwa wumu pish gir bah wu sunu.wu do'oi girba susun sa na do'o gir sunu ma yunana sa.Yeso ji'ingna ya kwana nshere. 5 Be wu muna ye'ele tumui a jina be mo'on kangyi kaari'isa ne i wuna nsumya i fo'ofoh, 6 Yeso ka chew yi ne, wu sunu, wu tam ka'a murwun i yeast ma wu Farisiyawa i Sadukiyawa." 7 Wu muna ye'ele Yeso amu lo'oi iyirya ane, "chewma su dotwala fo'ofoh sa." 8 Yeso woh shi'ila be gir mani ka chewne,"wu ba pah ngichewe ma chigee, mani ma'ana ka wu mur lo'o iyirwun wune chew bah wudo twala fo'ofoh sa? 9 Wu do ri'isa i ndwana Fo'ofoh tongnung ma wu bapina banchihi tongnung sa, koso shihe ma wo yirai? 10 Ke be fo'ofoh tangza baring mawu bapina banchihi yinung, Koso shihe ba yirai bawu kawah? 11 Pa'ana lan ka wu do'o shi'ila ne mi wo do mu lo'o wu ku mur fo'ofoh sa? Wu tam ka'amurwun i Yeast ma wu bah warta'a Bakuh mo "Farisiyawa" i wa wu Sandukiyawa. 12 Ku yo banai a shi'ila ne iwo do mur lo'o wane a tam ka'amurya i Yeast,i bum fo'ofoh sa, chiwa wun ne wu tam ka'amurwun i wu bah warta'a Baku mawu "Farisiyawa" iwo Sandukiyawa. 13 Yeso yuana be nzah ram Kaisariya Filibi,muna wu muna ye'ele chumai ne, "Yen ma wu bapina amu chewne yi mun bapina? 14 Wu gina chiwane yi Yohana bah dang wu bapina ku mu'uru, wu gina ne,Iliya, wu gina ne, Irmiya ke mo'on yo chiriwu bah sunduwa." 15 Ka chewane, wun wu chiwa ne mi yen? 16 Siman Bitrus yirane Weh yi be Yeso Mun Baku bah i nchimi: 17 Yeso yira ka chiwa yi ne, buhu ka shimnai iku muro,"Saminu mun Yinusa; ngyam i shila do yi rumnawe ibe gir mani sa, be Dah bah iku kalang. 18 Ka basa chiwayi ne weni be Bitrus, iku mur be tah mani ma moh ba'ah lah ba aho lem lu'ulam kunlah "Hades" ko do ngih lelisa. 19 Mopo gir fah kun ka,anama baningyam.Girba wuna kura haku nzah ningna kurai ku kalang, gir bah wuna basah haku nzah i basai ku kalang" 20 Yeso ka pah kunu wa wu muna ye'ele chumui ne abi do chewyi bwarra ne yini be Yeso sa, 21 Ku yo be banbili Yeso pakna machew wa wu muna ye'ele chumui ne iko shen"Urushalima," shesun chiri ku buk wu jeh maram, wu jeh bah warta'a Baku mawu "Yahudawa," iwawubah she'ele, ako tol nchimi, i ho basa la'ahun ku duk ma tarung. 22 Bitrus ka toli mashen kalangyi ka chiwai ne yi do yira ibe lo;oi sa, be gir mani shen pim iwe, Bwajeh, gir mani kodo kumo sa." 23 Yeso pi'ira chiwayi Bitrus ne, shen mashen nzuam "satan!" A ningna tah ngya gbu'u, we ado ma'ana nchimo ku gir ma Baku sa, a ma'ana nchimo ku gir mawu bapina," 24 Yeso ka chewa muna ye'ele tumui ne bahna njila war ta'am, i be'ene ka'amuri, i tol gana ko'oro ngyi war ta'am. 25 Bana njila takam nvhimi ko sayi,bahna sayai nchimi chew mi ko kumu. 26 Manma bapina ko kumu na kuma gir ma nzah mani bwang ka sayai nchimi? manma bapina ko ngyi yangna ku kum nchimi? 27 Be mun bapina koyo ku kahkah ma tari Iwa puhu mpilar. ko pawa wu bapina kuru mgba'aya ku mur girba a pa'ana. 28 Ma ngichewwun,wu gamurwun ba chila haku bari mani ko do la'ara wuh sa, aho sun mun Baku imisya imu you mashen ban nignhai."